વિરોધ / VIDEO: SRP-પોલીસ ફોર્સ ઉતારી દેજો, લાઠીચાર્જ કરશો તોય રેલી તો થશે જ: જગદીશ ઠાકોરે સરકાર સામે ચડાવી બાંયો

• કોંગ્રેસ દ્વારા ગાંધીનગર ખાતે આદિવાસી સંમેલન બોલાવ્યું  
• મંજૂરીના નામે અવાજ દબાવવામાં આવે છે-જગદીશ ઠાકોર
• લાઠી ચાર્જ કરવો હોય તો કરજો પણ રેલી તો થશે જ-ઠાકોર

આદિવાસી સત્યાગ્રહ થી ડરી ગયેલી સરકાર અત્યારથી જ દક્ષિણ ગુજરાતમાંથી જે વાહનો દ્વારા લોકો આવવાના હતા, તે વાહનોના માલિકોને પોલીસ ઘાક ધમકીથી ડિટેઇન કરી રહી છે. તમારે જેટલા પોલીસ, આર્મી, એસઆરપી ઉતારવી હોય એટલી ઉતારી લો. ડંકા ની ચોટ પર આવતી કાલે ગાંધીનગરમાં રેલી થવાની થવાની અને થવાની. pic.twitter.com/AlDP2CkX7S

— Jagdish Thakor (@jagdishthakormp) March 24, 2022

આંદોલન મુદ્દે પ્રદેશ કોંગ્રેસ પ્રમુખનુ નિવેદન

કોંગ્રેસના પ્રદેશ પ્રમુખ જગદીશ ઠાકોરે આવતીકાલે ગાંધીનગર ખાતે એક આદિવાસી સંમેલન બોલાવ્યું છે. જે પહેલા આજે કોંગ્રેસ કાર્યલય ખાતે એક પ્રેસ કોન્ફરન્સનું આયોજન કરવામાં આવ્યું હતું. જેમાં તેમણે રાજ્ય સરકાર સમક્ષ આકરાં પ્રહારો કરતાં જણાવ્યું હતું કે, આદિવાસી સત્યાગ્રહ થી ડરી ગયેલી સરકાર અત્યારથી આવતીકાલે યોજાનારા આદિવાસી સંમેલનમાં જે બસથી આવવાના હતા તે બસના માલિકોને પકડી લેવાયા છે 

મંજૂરીના નામે અવાજ દબાવવામાં આવે છે-જગદીશ ઠાકોર

તેમણે વધુમાં જણાવ્યું હતું કે, આદિવાસી સત્યાગ્રહ થી સરકાર અત્યારથી જ ડરી ગયેલી છે. એક તરફ મંજૂરીના નામે અવાજ દબાવવામાં આવે છે આમ સરકાર સામે આકરાં પ્રહારો કરતાં જણાવ્યું કે, જેટલી SRP, પોલીસ કે ફોર્સ ઉતારવી હોય ઉતારી દો" આવતીકાલે રેલી તો યોજાઈને જ રહેશે. લાઠી ચાર્જ કરવો હોય તો કરજો પણ રેલી તો થશે. જો કે, બીજી તરફ ગાંધીનગર પોલીસ વિભાગ દ્વારા કોંગ્રેસની આદિવાસી અધિકાર યાત્રાને મંજૂરી આપવામાં આવી છે. પરંતુ યાત્ર દપમિયાન વિરોધ કે દેખાવ કરાશે તો કાયદેસરની કાર્યવાહી હાથ ધરવામાં આવશે