ગુજરાતમાં હાલ કોરોના કાળ વચ્ચે યોજાઇ રહેલી વિધાનસભાની પેટાચૂંટણીને લઇને રાજકીય ગરમાવો જોવા મળી રહ્યો છે. ત્યારે કોંગ્રેસના કાર્યકારી અધ્યક્ષ હાર્દિક પટેલનું મોટું નિવેદન સામે આવ્યું છે. જેમાં હાર્દિક પટેલે કોંગ્રેસની એક બેઠક પર હારનો સ્વીકાર કર્યો છે.
ગુજરાતમાં 8 વિધાનસભાની પેટાચૂંટણીને લઇને હાલ ભાજપ-કોંગ્રેસ દ્વારા એડીચોટીનું જોર લગાવામાં આવી રહ્યું છે. ત્યારે કોંગ્રેસના કાર્યકારી અધ્યક્ષ હાર્દિક પટેલનું વિધાનસભાની પેટાચૂંટણીને લઇને મોટું નિવેદન સામે આવ્યું છે.
કોંગ્રેસ કાર્યકારી અધ્યક્ષ હાર્દિક પટેલે કોંગ્રેસની 1 બેઠક પર હારનો સ્વીકાર કર્યો છે. આ સાથે હાર્દિક પટેલે કોંગ્રેસની 7 બેઠક પર જીતનો દાવો કર્યો છે. હાર્દિક પટેલે કહ્યું કે કોંગ્રેસ 8માંથી એક બેઠક જીતી નહીં શકે.
કોંગ્રેસ નેતા હાર્દિક પટેલે કિશોર ચીખલીયાના આક્ષેપ પર જવાબ આપ્યો છે. હાર્દિક પટેલે કહ્યું કે ખોટા આક્ષેપ કરનાર સામે કાયદાકીય લડાઇ લડીશું.