ગુજરાકત કોંગ્રેસના પ્રભારી રધુ શર્મા આજે દિલ્હી પહોચ્યા છે. જ્યા તેઓ રાહુલ ગાંધી સાથે મુલાકાત લેવાના છે. આ મુલાકાતમાં કોંગ્રેસ અધ્યક્ષ નેતા વિપક્ષના નામ પર ચર્ચા થઈ શકે છે.
ગુજરાત કોંગ્રેસ પ્રભારી રઘુ શર્માએ દિલ્હીની મુલાકાતે
દિલ્હીમાં રાહુલ ગાંધી સાથે લીધી મુલાકાત
ગુજરાત કોંગ્રેસના અધ્યક્ષ નેતા મુદ્દે થશે ચર્ચા
દિલ્હીમાં આજે રાહુલગાંધી અને ગુજરાતના પ્રભારી વચ્ચે મુલાકાત થઈ. જે મુલાકાત ઘણી ખાસ રહી છે. ગુજરાત કોંગ્રેસના પ્રભારી રઘુ શર્મા આજે રાહુલગાંધીના નિવાસ સ્થાને પહોચ્યા હતા. આજે ગુજરાત કોંગ્રેસના અધ્યક્ષ નેતા મુદ્દે ચર્ચા થઈ શકે છે.
જગદીશ ઠાકોરનું નામ સૌથી આગળ
આપને જણાવી દઈએ કે પ્રદેશ અધ્યક્ષની રેસમાં જગદીશ ઠાકોરનું નામ સૌથી આગળ છે. સાથેજ વિપક્ષ માટે વિરજી ઠુંમર, પૂંજા વંશ અને શૈલેષ પરમારમનું નામ પણ આગળ છે. ઉપરાંત સૌરાષ્ટ્રને નવા પ્રદેશ અધ્યક્ષ અથવા તો વિપક્ષનું પદ મલી શકે છે. પરંતુ જો જગદીશ ઠાકોર અધ્યક્ષ બનશે તો વિરજી ઠુંમર અથવા પૂંજા વંશ નેતા વિપક્ષ બની શકે છે.
ટૂક સમયમાં લેવાશે મોટો નિર્ણય
ઉવલ્લેખનીય થે કે હાલ ગુજરાતમાં દરેક પાર્ટી દ્વારા જોરશોરથી વિધાનસભા ચૂંટણીની તૈયારીઓ કરવામાં આવી રહી છે. ત્યારે કોંગ્રેસ દ્વારા પણ આ વર્ષે પૂરજોશમાં તૈયારીઓ કરવામાં આવી રહી છે. જેમાં ટૂંક સમયમાં હવે ગુજરાત કોંગ્રેસના અધ્યક્ષને લઈને મહત્વનો નિર્ણય લેવામાં આવી શકે છે.