રાજનીતિ / આજે 20થી વધુ ધારાસભ્યોને ગુજરાત બહાર ખસેડાયા, જાણો કોણ ગયું જયપુર?

• રાજ્યસભાની ચૂંટણી પહેલા કોંગ્રેસમાં ક્રોસ વોટિંગનો ડર
• વધુ કેટલાક કોંગ્રેસના ધારાસભ્ય જયપુર જવા રવાના
• ગઇકાલે પણ 14 જેટલા ધારાસભ્યોને જયપુર ખસેડાયા

રાજ્યસભા ચૂંટણી પહેલા કોંગ્રેસ પોતાના ધારાસભ્યોને જયપુર લઇ જઇ રહી છે. ત્યારે એવી માહિતી મળી રહી છે કે કોંગ્રેસે ધારાસભ્યોને રાખવા માટે 4 રિસોર્ટ બુક કરાવ્યા છે. જેમાં કોંગ્રેસ કુલ 50 જેટલા ધારાસભ્યોને ગુજરાત બહાર રાખશે. આ સિવાયના ધારાસભ્યો વિધાનસભામાં હાજર રહેશે. ત્યારે રવિવારે કોંગ્રેસના નેતા અને ધારાસભ્યો એરપોર્ટ પહોંચ્યા છે. જેમાં લલિત વસોયા, સી.જે. ચાવડા, અમિત ચાવડા સહિતના નેતાઓ અમદાવાદ અને સુરતથી જયપુર જવા નીકળ્યા છે. દક્ષિણ ગુજરાતના કોંગ્રેસના ધારાસભ્યો સુરત એરપોર્ટ પહોંચ્યા છે. જેમાં અનંત પટેલ, આનંદ ચૌધરી, પુના ગામીત, સોનગઢના MLA સુનિલ ગામીત સુરત એરપોર્ટ પહોંચ્યા છે. જેઓ સુરતથી સીધા જયપુર પહોંચશે.

આજે કોણ ગયું જયપુર?

1. કનુ બારીયા
2. શિવા ભુરીયા
3. પ્રવિણ મુછડિયા
4. મહેશ પટેલ
5. રાજેન્દ્ગસિંહ ઠાકોર
6. ચંદ્રીકા બારિયા
7. ભાવેશ કટારા
8. કિરીટ પટેલ
9. મધુબેન રાઠોડ
10. ભરત ઠાકોર
11. લલિત વસોયા
12. સી.જે. ચાવડા
13. વિમલ ચુડાસમા
14. કાંતિ ખરાડી
15. પ્રવિણ મારૂ
16. જશુ પટેલ
17. નૌશાદ સોલંકી
18. જશપાલ ઠાકોર
19. બાબુ વાળા
20. મોહનલાલ વાળા
21. વજેસિંહ પણદા
22. કાળુસિંહ ડાભી
23. અનંત પટેલ
24. પુના ગામીત
25. સુનિલ ગામીત

ગુજરાત કોંગ્રેસમાં હોર્સ ટ્રેડિંગનો ભય પેસી ગયો છે. રાજ્યસભાની બે બેઠકો જીતવા કોંગ્રેસના કેટલાક ધારાસભ્યોને જયપુર લઈ જવામાં આવી રહ્યાં છે. જેમાંથી શનિવારે 14 ધારાસભ્યો અમદાવાદ એરપોર્ટ પરથી જયપુર પહોંચ્યા હતા.

1. લાખા ભરવાડ
2. ચિરાગ કાલરિયા
3. ચંદનજી ઠાકોર
4. ગેનીબેન ઠાકોર 
5. હિંમતસિંહ પટેલ 
6. બળદેવજી ઠાકોર
7. પુનમ પરમાર
8. અજીત ચૌહાણ
9. ઇન્દ્રજીતસિંહ પરમાર
10. કાંતિ પરમાર
11. રાજેશ ગોહિલ
12. હર્ષદ રિબડિયા
13. નાથાભાઇ પટેલ
14. ઋત્વીજ મકવાણા

કોંગ્રેસના 5 ધારાસભ્યોએ રાજીનામાં આપ્યાની ચર્ચા

રાજ્યસભાની ચૂંટણી પહેલા કોંગ્રેસ પોતોના ધારાસભ્યોને જયપુર ખસેડી રહી છે બીજી તરફ કોંગ્રેસના પાંચ ધારાસભ્યોએ રાજીનામા આપ્યા હોવાની ચર્ચા થઇ રહી છે. ગઢડાના ધારાસભ્ય પ્રવીણ મારૂ, લીંબડીના ધારાસભ્ય સોમા પટેલ, ધારીના ધારાસભ્ય જે.વી. કાકડિયા, અબડાસાના ધારાસભ્ય પ્રદ્યુમનસિંહ જાડેજા અને ડાંગના ધારાસભ્ય મંગળ ગાવિતે રાજીનામું આપ્યું છે. તમામ ધારાસભ્યોએ વિધાનસભાના અધ્યક્ષને રાજીનામું આપ્યું હોવાની ચર્ચા થઈ રહી છે.