કસભા ચૂંટણી માટે ઉમેદવારી ફોર્મ ભરવા માટે 4 એપ્રિલ આખરી તારીખ છે ત્યારે હજુ પણ ગુજરાતમાં કોંગ્રેસને 8 ઉમેદવાર જાહેર કરવાના બાકી છે. જેમાં ભરૂચ, ભાવનગર, અમરેલી, સુરત અને બનાસકાંઠા બેઠક પર કોંગ્રેસના ઉમેદવાર જાહેર કરવાના બાકી છે. જ્યારે સાબરકાંઠા, ખેડા અને દાહોદ બેઠક પર ઉમેદવારને લઈને કોંગ્રેસ હજુ અસમંજસમાં ચાલી રહી છે.
લોકસભા ચૂંટણી માટે ઉમેદવારી ફોર્મ ભરવા માટે 4 એપ્રિલ આખરી તારીખ છે ત્યારે હજુ પણ ગુજરાતમાં કોંગ્રેસને 8 ઉમેદવાર જાહેર કરવાના બાકી છે. જેમાં ભરૂચ, ભાવનગર, અમરેલી, સુરત અને બનાસકાંઠા બેઠક પર કોંગ્રેસના ઉમેદવાર જાહેર કરવાના બાકી છે. જ્યારે સાબરકાંઠા, ખેડા અને દાહોદ બેઠક પર ઉમેદવારને લઈને કોંગ્રેસ હજુ અસમંજસમાં ચાલી રહી છે. આ ઉપરાંત ભાજપને પણ એક માત્ર અમદાવાદની પૂર્વ બેઠક પર ઉમેદવારનું નામ જાહેર કરવાનું બાકી છે.
કોંગ્રેસે અત્યાર સુધી 18 અને ભાજપે અત્યાર સુધી 25 બેઠક પર ઉમેદવાર જાહેર કર્યા છે. જોકે આવતીકાલે ઉમેદવારી ફોર્મ ભરવાનો આખરી દિવસ હોવાથી આજે બાકીના ઉમેદવારોની જાહેરાત કરવામાં આવે તેવી શક્યતા છે. ઉલ્લેખનીય છે કે ગઇકાલે કોંગ્રેસે લોકસભા ચૂંટણી માટે વધુ 20 ઉમેદવારોની યાદી જાહેર કરી હતી.
જેમાં ગુજરાતની વધુ 4 બેઠકોના ઉમેદવારોના નામ જાહેર કર્યાં હતા. ત્યારે આવતી કાલે અંતિમ દિવસ હોય કોંગ્રસેને હજુ પણ 8 ઉમેદવાર જાહેર કરવાની બાકી હોય ત્યારે આજરોજ આ નામોની યાદી જાહેર કરવામાં આવે તેવી પુરી સંભાવના છે. જ્યારે અમદાવાદ પૂર્વ બેઠક પરથી કોંગ્રેસ તરફથી ગીતા પટેલનું નામ જાહેર કરવામાં આવ્યું છે.
જો કે આજે ભાજપ કોંગ્રેસના ઉમેદવારો આવતી કાલે અંતિમ દિવસ હોય આજે ઉમેદવારીપત્ર ભરશે. જેમાં આણંદ બેઠક પરથી ભરતસિંહ સોલંકી ઉમેદવારી નોંધાવશે. બારડોલી બેઠક પરથી ભાજપના પ્રભુ વસાવા ઉમેદવારી નોંધાવશે.