ગુજરાતમાં આ ફેબ્રુઆરીનું પહેલું અઠવાડિયું ઠંડુગાર રહેવાની હવામાન વિભાગની આગાહી છે. ઠંડીનો બીજો રાઉન્ડ ગાત્રો થીજાવી દેતી ટાઢ લઈને આવશે. એક તરફ કોરોના સહિતના વાયરસ હૂમલા કરી રહ્યા છે અને બીજી તરફ ઠંડીને કારણે લોકોએ પરેશાનીનો સામનો કરવો પડશે.
2 દિવસ કોલ્ડવેવની આગાહી, સૌરાષ્ટ્ર-કચ્છમાં ફૂંકાશે ઠંડા પવન
પવનની દિશા ઉત્તર તરફની રહેશે
કાલથી લઘુત્તમ તાપમાનમાં થશે ઘટાડો
રાજ્યમાં ઠંડીથી આંશિક રાહત બાદ ફરી ઠંડીનો ચમકારો જોવા મળ્યો છે. પણ ઠંડીનો બીજો રાઉન્ડ શરૂ થઈ ગયો છે. રાજ્યમાં કોલ્ડવેવની સ્થિતિ યથાવત છે. જો કે આવનારા બે દિવસ ગુજરાતમાં રેકોર્ડ બ્રેક ઠંડી પડવાની હવામાન વિભાગની આગાહી છે.
ઠંડા પવન તાણી લાવશે ટાઢ
સૌરાષ્ટ્ર અને કચ્છમાં ઠંડા પવન ફૂંકાશે. પવનની દિશા ઉત્તર તરફની રહેશે એટલે ઉત્તર ગુજરાતમાં ઠંડી વધી શકે છે. આવતીકાલથી લઘુત્તમ તાપમાન ધીમે ધીમે વધશે.
ઉત્તરમાં પડી રહેલો ઠાર ગુજરાતમાં ઠંડા પવનોની સાથે સાથે કડકડતી ટાઢ તાણી લાવશે.
ચોમાસાની જેમ માર્ચ સુધી ઠંડી લંબાશે
પાછોતરા ચોમાસાની જેમ આ વખતે શિયાળો પણ માર્ચ સુધી લંબાવવાની શક્યતા છે. વળી ઠંડાના પાછલા રેકોર્ડ તોડતી ઠંડી પડવાની પણ સંભાવના છે.