શીતલહેર / ગુજરાતમાં ફરી ઠંડીનો ચમકારોઃ પાકિસ્તાન અને ઇરાકમાં વેસ્ટર્ન ડિસ્ટર્બન્સ સક્રિય થતા કચ્છમાં કોલ્ડવેવની આગાહી

• ગુજરાતમાં ફરી ઠંડીનો ચમકારો
• 22 જાન્યુઆરીથી તાપમાન 10 ડિગ્રી આસપાસ પહોંચશે
• પાકિસ્તાન અને ઈરાકમાં વેસ્ટર્ન ડિસ્ટર્બન્સ સક્રિય થયું

એક તરફ જ્યાં ઉત્તર ભારતમાં સતત પડી રહેલી હિમવર્ષાના પગલે ઉત્તર ભારત સહિત ગુજરાતમાં પણ ઠંડીનો ચમકારો જોવા મળી રહ્યો છે. ત્યારે આગામી સમયમાં રાજ્યમાં હજુ પણ ઠંડીમાં વધારો જોવા મળે તેવી શક્યતા છે. 
 

હવામાન વિભાગ દ્વારા આપવામાં આવેલી આગાહી મુજબ રાજ્યમાં 22 જાન્યુઆરીથી તાપમાન 10 ડિગ્રી આસપાસ પહોંચે તેવી શક્યતા છે. પાકિસ્તાન અને ઇરાકમાં વેસ્ટર્ન ડિસ્ટર્બન્સ સક્રિય થતાં કચ્છમાં કોલ્ડવેવની આગાહી આપવામાં આવી છે. 

હાલ થોડા સમયથી જ્યાં ઠંડીમાં આંશિક રાહત અનુભવામાં આવી રહી છે ત્યારે રાજ્યમાં ફરી આગામી દિવસોમાં ઠંડીનો ચમકારો જોવા મળે તેવી સંભાવના છે. 
 

બનાસકાંઠા જિલ્લામાં ઠંડીનો ચમકારો

જો કે હાલમાં રાજ્યમાં ઠંડીથી આંશિક રાહત મળ્યા બાદ ઉત્તર ભારતમાં પડી રહેલ હિમવર્ષના પગલે રાજ્યમાં ઠંડીનું પ્રમાણ થોડું વધ્યું છે. ત્યારે બનાસકાંઠા જિલ્લામાં ઠંડીનો ચમકારો મળ્યો છે. લોકોએ ઠંડીથી બચવા તાપણા અને ગરમ કપડાનો સહારો લીધો છે.