ગુંડા એક્ટ / Video: ગુજરાતના ગુંડાઓને CM રૂપાણીની ચેતવણી, 'કાં તો ગુંડાગીરી છોડો અથવા ગુજરાત છોડો'

• રાજ્યના ગુંડાઓને CM રૂપાણીની ચેતવણી
• કાં તો ગુંડાગીરી છોડો અથવા તો ગુજરાત છોડો: CM
• લુખ્ખાઓ,ગુંડાઓનું નેટવર્ક નહીં પ્રસરવા દઇએ: CM

ગુજરાતના મુખ્યમંત્રી વિજય રૂપાણીએ હવે ગુંડા તત્વો સામે લાલ આંખ કરી છે. મુખ્યમંત્રીએ ગુંડાઓને તાકીદ કરી છે કે આગામી સમયમાં ગુંડા ગર્દી નહીં છોડો તો ગુજરાત છોડવું પડશે. સબ ભૂમિ ગોપાલ કી માનીને ગમે ત્યા ઘુસનારને CMએ ચેતવણી આપતા કહ્યું કે, સરકારનો નિર્ધાર છે, કાં તો ગુંડાગીરી છોડો અથવા તો ગુજરાત છોડો. વિધાનસભામાં ગુંડા ગીરી નાબુદી માટે કાયદો લાવ્યા છીએ. લુખ્ખાઓ, ગુંડાઓનું નેટવર્ક નહીં પ્રસરવા દઇએ. જામીન નહીં અને 7-7 વર્ષની જેલનું પ્રાવધાન. રાજ્યપાલ પાસે મંજૂરી માટે બિલ છે.

રાજ્યના ગુંડાઓને CM રૂપાણીની ચેતવણીઃ કાં તો ગુંડાગીરી છોડો અથવા તો ગુજરાત છોડો. લુખ્ખાઓ,ગુંડાઓનું નેટવર્ક નહીં પ્રસરવા દઇએ. વિધાનસભામાં ગુંડા ગીરી નાબુદી માટે કાયદો લાવ્યા. જામીન નહીં અને 7-7 વર્ષની જેલનું પ્રાવધાન.@CMOGuj @vijayrupanibjp#CMRupani #GundaAct #Gujarat pic.twitter.com/qExpizYJAB

— VTV Gujarati News and Beyond (@VtvGujarati) October 10, 2020

મહત્વનું છે કે, ગુંડા વિરોધી કડક કાયદા માટે 'ધ ગુજરાત ગુંડા એન્ડ એન્ટી સોશિયલ એક્ટિવિટીઝ (પ્રિવેન્શન) એક્ટ'ને રાજ્યપાલ પાસે મંજૂરી માટે મોકલવામાં આવ્યું છે. ભૂમાફિયાઓને અંકુશમાં લઇ ખેડૂતો અને કાયદેસરના જમીન માલિકોના હિતોનું રક્ષણ કરવા 'લેન્ડ ગ્રેબિંગ એક્ટ'ને પણ કડક બનાવાયો છે.

આ કાયદામાં મહત્વપૂર્ણ જોગવાઇઓ

• ગુંડાગીરી કરનારા તત્વોને 10 વર્ષ સુધીની સખત કેદ અને 50 હજાર રૂપિયાનો દંડ કરાશે
• ગુંડાઓ સામેના કેસ ચલાવી ઝડપી ન્યાયિક તપાસની કાર્યવાહી અને સજા માટે સ્પેશિયલ કોર્ટની રચના કરાશે
• ગુંડા તત્વો દ્વારા મેળવવામાં આવેલી મિલકત જિલ્લા મેજિસ્ટ્રેટ ટાંચમાં લઇ શકશે
• સાક્ષીઓને પુરતું રક્ષણ આપી નામ અને સરનામા ગુપ્ત રાખવામાં આવશે
• ગુનો નોંધતા પહેલા સંબંધિત રેન્જ IG અથવા પોલીસ કમિશનરની પૂર્વ મંજૂરી આવશ્યક
• દારૂનો વેપાર, જુગાર, ગાયોની કતલ, નશાનો વેપાર, અનૈતિક વેપાર ,માનવ વેપાર, બનાવટી દવાનું વેચાણ, વ્યાજખોરી, અપહરણ, ગેરકાયદે કૃત્યો આચરવા કે ગેરકાયદેસર હથિયારો રાખવા જેવી બદીઓને નશ્યત કરવા કડક કાયદાકીય કાર્યવાહીની જોગવાઇ.
• પાસાની જોગવાઇઓનો વ્યાપ વિસ્તારી મહત્વપૂર્ણ સુધારાના વટહુકમ દરખાસ્ત સાથે શાંત, સલામત, સુરક્ષિત અને સમૃદ્ધ ગુજરાતના નિર્માણમાં વધુ એક નક્કર કદમની મુખ્યમંત્રીની પ્રતિબદ્ધતા.
• રાજ્યની વિકાસયાત્રામાં અવરોધક બનનારા, જાહેર વ્યવસ્થાને ખલેલ પહોંચાડનારા, હિંસા, ધાકધમકી અને બળજબરીથી નિર્દોષ નાગરિકોનું શોષણ કરનારા ગુંડા તત્વોની પ્રવૃત્તિઓને સખ્તાઇથી ડામી દેવા મુખ્યમંત્રીનો નિશ્ચય.
• ગુંડાઓ, જમીન કૌભાંડકારો, ભ્રષ્ટ કર્મચારીઓ અને ગૌવંશના હત્યારાઓને કાયદાના કડક અમલીકરણથી નશ્યત-નેસ્તનાબૂદ કરવાનો નિશ્ચય.