ગુજરાતમાં એક તરફ સ્થાનિક સ્વરાજની ચૂંટણીના ભણકારા વાગી રહ્યાં છે ત્યારે બંને પક્ષો દ્વારા એડીચોટીનું જોર લગાવામાં આવી રહ્યું છે. ત્યારે જૂનાગઢ ખાતે મુખ્યમંત્રી વિજય રુપાણીના કાર્યક્રમમાં કોંગ્રેસના ધારાસભ્ય દેખાતા ફરી નવાજૂનીનાં એંધાણ જોવા મળી રહ્યાં છે.
સ્થાનિક સ્વરાજ્યની ચૂંટણી પહેલા નવાજૂનીનાં એંધાણ
જૂનાગઢમાં CM રૂપાણીના વિકાસ કાર્યોનો કાર્યક્રમ
જૂનાગઢના ધારાસભ્ય ભીખા જોશી પહોંચ્યાં
જૂનાગઢ ખાતે મુખ્યમંત્રી વિજય રુપાણીના વિકાસ કાર્યોના કાર્યક્રમમાં કોંગ્રેસના ધારાસભ્ય ભીખા જોશી જોવા મળ્યાં હતા. જેને લઇને અટકળો તેજ બની ગયેલી જોવા મળી રહી છે.
ઉલ્લેખનીય છે કે આ અગાઉ કોંગ્રેસના પૂર્વ ધારાસભ્ય પ્રદ્યુમનસિંહ જાડેજા સરકારી કાર્યક્રમમાં દેખાયા હતા. જો કે ત્યાર બાદ થોડા સમયમાં પ્રદ્યુમનસિંહ જાડેજા ભાજપમાં જોડાઇ ગયા હતા. આમ હવે વધુ એક ધારાસભ્ય CM રુપાણીના કાર્યક્રમમાં દેખાતા નવાજૂનીનાં એંધાણ જોવા મળશે તેવું ચોક્કસ લાગી રહ્યું છે.
રાજ્યના મુખ્યમંત્રી વિજય રુપાણી સ્થાનિક સ્વરાજ્યની ચૂંટણીને લઇને સૌરાષ્ટ્રના 4 જિલ્લાઓની મુલાકાતે પહોંચ્યાં છે. સીએમ રુપાણી જૂનાગઢ, ગીર સોમનાથ દ્વારકા તેમજ સાંજે પોતાના હોમ ટાઉન રાજકોટ પરત ફરશે. જેને લઇને જૂનાગઢ ખાતે મુખ્યમંત્રી વિજય રુપાણીએ 350 કરોડના વિકાસ કામોનું ખાતમુહૂર્ત-લોકાર્પણ કર્યું છે.
કોંગ્રેસના ધારાસભ્યએ ભાજપમાં જોડાવા અંગે કરી સ્પષ્ટતા
જૂનાગઢમાં ધારાસભ્ય ભીખા જોશીના મુખ્યમંત્રી વિજય રુપાણીના કાર્યક્રમમાં હાજર રહેતા તર્ક-વિતર્ક જોવા મળ્યાં હતા. જો કે તેને લઇને કોંગ્રેસના ધારાસભ્યએ ભાજપમાં જોડાવા અંગે સ્પષ્ટતા કરી છે. મને ભૂતકાળમાં 25 કરોડની ઓફર થઇ હતી. જવાહર ચાવડા પહેલા મને કેબિનેટ મંત્રી બનાવાની ઓફર કરી હતી. જો કે હું કોંગ્રેસમાં છું અને રહીશ.
જો કે કોંગ્રેસ ધારાસભ્ય ભીખાભાઇ જોશીના કાર્યક્રમમાં હાજરને લઇને મુખ્યમંત્રી વિજય રુપાણીને સવાલ પુછવામાં આવતા કહ્યું કે તમે ભીખાભાઇને આ અંગે પૂછો.
CM રુપાણીએ જૂનાગઢ ખાતે સંબોધન કરતા કહ્યું કે કોર્પોરેશ અને સાસણના વિકાસના કામોનું ખાતમુહૂર્ત કર્યુ. એક દિવસમાં 800 કરોડના કામોનું લોકાર્પણ કર્યું. અગાઉ કોંગ્રસના શાસનમાં 9 હજાર કરોડ રુપિયાનું બજેટ હતું. અમારી સરકારે 2 લાખ 10 હજાર કરોડ રુપિયાનું બજેટ રજૂ કર્યું.
ગુજરાતનો ઝડપી વિકાસ થઈ રહ્યો છે
2 મહિનામાં 27 હજાર કરોડના કામોના ખાતમુહુર્ત-લોકાર્પણ કર્યા