રાહતના સમાચાર / લોકડાઉન વચ્ચે રાજ્યમાં 40 હજારથી વધારે ઉદ્યોગ શરૂ, દસ્તાવેજની કામગીરી થઇ શરૂઃ અશ્વિનીકુમાર

• રાજ્યમાં 40 હજારથી વધારે ઉદ્યોગો થયા શરૂ
• રાજ્યમાં 5 લાખ જેટલા શ્રમિકો કરી રહ્યાં છે કામ
• રાજ્યમાં દસ્તાવેજની કામગીરી થઇ શરૂ

અશ્વિની કુમારે જણાવ્યું કે આ સાથે જ રાજ્યમાં દસ્તાવેજની કામગીરી શરૂ થઇ ગઇ છે. નગરપાલિકા અને મહાનગર પાલિકામાં કામગીરી શરૂ થઇ ગઇ છે. જ્યારે આવતીકાલથી સસ્તા અનાજની દુકાનો પરથી પુરવઠો મળશે.

જેમાં NFSA હેઠળ નોંધાયેલા કાર્ડધારકોને મફતમાં અનાજ મળશે. જ્યારે NFSA હેઠળ ન નોંધાયેલા કાર્ડધારકોને અનાજ મળશે નહીં. આ સાથે કાર્ડના છેલ્લા આંક પ્રમાણે સરકારે વિતરણ વ્યવસ્થા ગોઠવી છે. ઘઉં, એરંડા, ચણાની આવક માર્કેટયાર્ડમાં થઈ રહી છે.

અનાજ વિતરણની તારીખો કરાઇ હતી જાહેર

આગામી 25મી તારીખથી વિતરણ શરૂ કરવામાં આવશે. પાંચ દિવસ NFSA અંતર્ગત 66 લાખ પરિવારોને ફરીથી રાશન આપવામાં આવશે. જેમાં વ્યક્તિ દીઠ ફરીથી 3.5 કિલો ઘઉં અને 1.5 કિલો ચોખા આપવામાં આવશે. આ તારીખે પુરવઠો લેવા ન જઈ શકે તેના માટે 30મી તારીખે વ્યવસ્થા કરવામાં આવશે. 

• રાશનકાર્ડમાં છેલ્લો આંક 1, 2  હશે તેમને 25મી એપ્રિલે
• રાશનકાર્ડમાં છેલ્લા આંક 3, 4 હોય તેમને 26મી એપ્રિલે
• રાશનકાર્ડમાં છેલ્લા આંક 5 , 6 હોય તેમને 27મી  એપ્રિલે
• રાશનકાર્ડમાં છેલ્લો આંક 7, 8 હોય તેમને 28મી  એપ્રિલે
• રાશનકાર્ડમાં છેલ્લો આંક 9, 0 હોય તેમને 29મી  એપ્રિલે