IPLIN
 

જાહેરાત / રૂપાણી સરકારની નવી ઉદ્યોગનીતિ જાહેર : ઉદ્યોગોને આકર્ષવા ભારે છૂટ, ચીનથી આવતી કંપનીઓનું સ્વાગત

Team VTV 12:42 PM, 07 Aug 20 | Updated: 02:42 PM, 07 Aug 20
Follow us
Gujarat cm rupani announced today New Industrial policy 2020

આજે મુખ્યમંત્રી વિજય રૂપાણીએ નવી ઇન્ડસ્ટ્રીયલ પોલિસી જાહેર કરી હતી. આ અંગે માહિતી આપતા તેમણે ગુજરાતમાં બેરોજગારી સહિતની વાતો જણાવી હતી. તેમણે નવી ઉદ્યોગનીતિની સાથે સાથે ગુજરાતમાં આવનારા વિકાસની પણ વાત કરી હતી.

  • આધુનિક ગુજરાતનું નિર્માણ થશે: CM
  • MSMEનો સ્ત્રોત ગુજરાત છે
  • રાજ્યમાં 35 લાખ જેટલા MSME આવેલા છે

નવી ઉદ્યોગનીતિની જાહેરાત સમયે CM રૂપાણી એ જણાવ્યું હતુ કે, 2019માં પ્રપોઝ કરેલા ઇન્વેસ્ટમેન્ટમાં 48 ટકાનો વધારો થયો. ભારતમાં સૌથી ઓછો બેરોજગારીદર 3.4 ટકા ગુજરાતમાં છે.

રાજ્યમાં નવી ઉદ્યોગનીતિની જાહેરાત કરાઇ છે. સીએમ રૂપાણીએ નવી ઉદ્યોગનીતિની જાહેરાત કરતા કહ્યું કે નવી ઉદ્યોગનીતિમાં રોજગારની તકોને કેન્દ્ર સ્થાને રખાઇ છે. અને આત્મનિર્ભર ભારતના ધ્યેયને પણ કેન્દ્ર સ્થાને રખાયું છે. જેમાં MSMEની કેન્દ્રએ નક્કી કરેલી વ્યાખ્યાનો સમાવેશ કર્યો છે. ત્યારે નવી પોલિસીમાં આ ટેક્સની શરતોને હળવી કરાશે અને જેટલું રોકાણ આવે તેના 12 ટકા રકમ પરત કરાશે. SGSTમાં પણ રાજ્ય સરકારે ફેરફાર કર્યા છે. જેમાં ફિક્સ કેપિટલ ઈન્વેસ્ટમેન્ટના 12 ટકા સિલિંગ સાથે ઉત્પાદકોને રાહત અપાશે અને નાના અને મોટો ઉદ્યોગોને સમાન તક અપાશે

નવા ઉદ્યોગોને સરકારી જમીન લીઝ પર અપાશે જેથી જમીનની પૂરી કિંમત નહીં આપવી પડે. અને બજાર કિંમતના 6 ટકા રકમ ભાડુ ચૂકવવાનું રહેશે. આ ઉપરાંત સીએમ રૂપાણીએ જાહેરાત કરી કે ઉદ્યોગોને જમીન માટે મોર્ગેઝ માટે સરકાર મદદ કરશે. અને ખાનગી કંપનીઓને ઈનોવેશન માટે 5 કરોડની મદદ કરાશે. સીએમ રૂપાણીએ વધુ એક જાહેરાત કરતા કહ્યું કે MSMEને સોલર ઉર્જા વાપરવા માટે છૂટ અપાઇ છે. જેથી MSME સોલર ઉર્જા વપરાશમાં પાવર સેલિંગ વધારશે અને સોલર ઉર્જાથી ઉત્પન્ન થતી વધારાની વીજળી સરકાર ખરીદશે.

 

જાણો શું કહે છે CM રૂપાણી

નવી ઉદ્યોગનીતિમાં રૂપાણી સરકારે મોટી જાહેરાત કરી હતી જેમાં તેમણે જણાવ્યું હતુ કે,  નવા ઉદ્યોગોને સરકારી જમીનો લીઝ પર આપીશું. નવી ઉદ્યોગનીતિની જાહેરાત સમયે CM રૂપાણીએ કહ્યું- MSMEનો સ્ત્રોત ગુજરાત છે અને હાલ રાજ્યમાં 35 લાખ જેટલા MSME આવેલા છે, ગતવર્ષની સરખામણીએ FDIમાં 240 ટકાનો વધારો થયો છે. 2019માં પ્રપોઝ કરેલા ઇન્વેસ્ટમેન્ટમાં 48 ટકાનો વધારો થયો છે. . ભારતમાં સૌથી ઓછો બેરોજગારીદર 3.4 ટકા ગુજરાતમાં છે. CM રૂપાણી વધુમાં જણાવ્યું હતુ કે, 2019માં પ્રપોઝ કરેલા ઇન્વેસ્ટમેન્ટમાં 48 ટકાનો વધારો થયો છે. 

 

નવી પોલિસીનો સમયગાળો 2020 થી 2025 સુધીનો રહેશે 

આ પોલિસીમાં અન્ય રાજ્યો તેમજ વિદેશના ઉદ્યોગકારો માટે લાલ જાજમ બિછાવવામાં આવી છે. ઉદ્યોગ વિભાગના સૂત્રોએ જણાવ્યું હતું કે દેશના મૂડીરોકાણમાં અગ્રેસર રાજ્યોની પોલિસીને ધ્યાન્ રાખીને ઇન્ડસ્ટ્રીયલ પોલિસીના ડ્રાફ્ટમાં સુધારા કરવામાં આવ્યા છે. નવી પોલિસીનો સમયગાળો 2020 થી 2025 સુધીનો રહેશે જેમાં ત્રણ વાયબ્રન્ટ સમિટ આવી શકે તેમ છે. 

કેવી છે નવી ઉદ્યોગનીતિ? 

  • નવી ઉદ્યોગનીતિમાં રોજગારની તકોને કેન્દ્ર સ્થાને રખાઈ
  • આત્મનિર્ભર ભારતના ધ્યેયને પણ કેન્દ્ર સ્થાને રખાયું
  • MSMEની કેન્દ્રએ નક્કી કરેલી વ્યાખ્યાનો સમાવેશ કર્યો
  • નવી પોલિસીમાં આ ટેક્સની શરતો હળવી કરાશે
  • જેટલું રોકાણ આવે તેના 12 ટકા રકમ પરત અપાશે
  • SGSTમાં રાજ્ય સરકારે કર્યા ફેરફાર
  • ફિક્સ કેપિટલ ઈન્વેસ્ટમેન્ટના 12 ટકા સિલિંગ સાથે ઉત્પાદકોને રાહત અપાશે
  • નાના અને મોટો ઉદ્યોગોને સમાન તક અપાશે
  • નવા ઉદ્યોગોને સરકારી જમીન લીઝ પર અપાશે
  • નવા ઉદ્યોગોને જમીનની પૂરી કિંમત નહીં આપવી પડે
  • બજાર કિંમતના 6 ટકા રકમ ભાડુ ચૂકવવાનું રહેશે
  • ઉદ્યોગોને જમીન માટે મોર્ગેઝ માટે સરકાર મદદ કરશે
  • રિસર્ચ અને ડેવલપમેન્ટ પર ભાર અપાશે
  • ખાનગી કંપનીઓને ઈનોવેશન માટે 5 કરોડની મદદ કરાશે
  • ઔદ્યોગિક ક્લસ્ટર માટે આવાસ યોજનાની આર્થિક સહાયતા કરાશે
  • MSMEમાં ટેક્નોલોજી અપગ્રેડેશન માટે સપોર્ટ કરાશે
  • કેપિટલ સબસિડી પણ MSMEને અપાશે
  • MSMEને મહત્તમ 35 લાખ સુધીના રોકાણ પર 7 ટકા સબસિડી અપાશે
  • ઉદ્યોગને 5 વર્ષ માટે ઈલેક્ટ્રિસિટી ડ્યૂટી ભરવામાં છૂટ અપાશે
  • MSME દ્વારા વિદેશી ટેક્નોલોજીના સંપાદન માટે કરાશે મદદ
  • MSMEને બજારમાં સહાયતા માટે પણ સરકાર કન્સેશન આપશે
  • MSMEને સોલર ઉર્જા વાપરવા માટે અપાઈ છૂટ
  • MSME સોલર ઉર્જા વપરાશમાં પાવર સેલિંગ વધારાશે
  • સોલર ઉર્જાથી ઉત્પન્ન થતી વધારીની વીજળી સરકાર ખરીદશે
  • GIDC, ખાનગી ઈન્ડસ્ટ્રીયલ પાર્કમાં સરકાર મદદ કરશે
  • આદિવાસી વિસ્તારમાં ઈન્ડસ્ટ્રીયલ પાર્કની સ્થાપનામાં મદદ કરાશે
  • ઈન્ડસ્ટ્રીયલ પાર્કની સ્થાપનામાં 30 કરોડની મદદ કરાશે
  • મંજૂરી માટે સિંગલ વિન્ડો સિસ્ટમ બનશે
  •  
cm rupani New Industrial policy સીએમ રૂપાણી નવી ઉદ્યોગનીતિ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ