VIDEO / કથાકાર મોરારીબાપુએ CM ભૂપેન્દ્ર પટેલના કર્યા વખાણ, વીડિયો થયો વાયરલ

• સીએમ મુખ્યમંત્રીના કર્યા વખાણ
• મોરારિબાપુએ કર્યા વખાણ
• મૃદુ અને મક્કમની સાથે ભદ્ર પુરુષ મુખ્યમંત્રી કહ્યા

ગુજરાત વિધાનસભાની ચૂંટણી ટાણે પીએમ મોદી હમણા હમણા બે વાર ગુજરાતના પ્રવાસે આવ્યા. પીએમ મોદી પોતાના સંબોધનમાં ગુજરાતના મુખ્યમંત્રી વિશે ખાસ શબ્દ કહેતા સાંભળવા મળ્યા હતા. અને તે છે મૃદુ અને મક્કમ. જી, હા પીએમ મોદી તેમના સંબોધનમાં સીએમ ભૂપેન્દ્ર પટેલના અનેકવાર વખાણ કરી ચૂક્યા છે. સીએમ ભૂપેન્દ્ર પટેલના નેતૃત્વમાં થયેલી કામગીરી તેઓએ વખાણી હતી. ત્યારે હવે  મુખ્યમંત્રીના ફરી એકવાર જાહેર મંચ પર વખાણ થયા.

મોરારિ બાપુએ કર્યા વખાણ

અમરેલીના ઈશ્વરીયા ખાતે નિર્મિત અદ્યતન પ્રાથમિક શાળાના લોકાર્પણ અવસરે માનનીય મુખ્યમંત્રી શ્રી ભૂપેન્દ્રભાઈ પટેલ ખાસ ઉપસ્થિત રહ્યા હતા. આ ઉપરાંત હેમા માલિની, જીતુ વાઘાણી, પુરુસોત્તમ રુપાલા સહિત ભાજપના આગેવાનોએ ખાસ હાજરી આપી હતી.  આ પ્રસંગે કથાકાર મોરારિ બાપુ પણ ઉપસ્થિત રહ્યા હતા. તેઓએ પોતાના સંબોધનમાં મુખ્યમંત્રી વિશે સંબોધન કરતા જણાવ્યું કે મૃદુ અને મક્કમ હોવાની સાથે ભદ્ર પુરુષ પણ ગણાવ્યા. એમણે પોતાના વ્યક્તવ્યમાં જણાવ્યું કે મને કોઇએ કહ્યું હતું કે આપણા મુખ્યમંત્રી ખૂબ ભોળા છે. અને આ મુખ્યમંત્રી ભોળાનાથના ગામમાં આવ્યા છે.  હું આમને એક ભદ્ર પુરુષ મુખ્યમંત્રી કહીશ.

આદરણીય @Bhupendrapbjp જી મૃદુ અને મક્કમ હોવાની સાથે ભદ્ર પુરુષ મુખ્યમંત્રી છે. : પરમ પૂજ્ય સંત શ્રી મોરારી બાપુ pic.twitter.com/KGMz2QTmEa pic.twitter.com/9mevUKInhL

— Dr. Deepika Sardava (@Deepikasardava) April 26, 2022

પ્રધાનમંત્રી નરેન્દ્ર મોદીએ CMને કહ્યા મૃદુ અને મક્કમ

પીએમ મોદી જ્યારે ગુજરાતના પ્રવાસે આવ્યા હતા ત્યારે તેઓએ  મુખ્યમંત્રી ભૂપેન્દ્ર પટેલને ‘મૃદુ અને મક્કમ’ કહ્યાં હતા.. તથા ભૂપેન્દ્રભાઇ ગુજરાતને વધુ ઉંચાઇ લઈ જશે તેમ પણ જણાવ્યું હતું. .સૌરાષ્ટ્ર સ્થિત સિદસરમા ઉમિયા માતાજી મંદિરના પાટોત્સવ પ્રસંગે પણ મોદીએ ભૂપેન્દ્ર પટેલને મૃદુ અને મક્કમ કહીને તેઓ ગુજરાતને વધુ ઉંચાઇ પર લઈ જશે એમ કહ્યુ હતુ.  ત્યારે અડાલજ ખાતે અન્નપૂર્ણા ધામના કાર્યક્રમમા વડાપ્રધાને ફરીથી તેનો પુનોચ્ચાર કર્યો હતો.