અમદાવાદ / આનંદો! CM ભૂપેન્દ્ર પટેલે JITO બિઝનેસ બજારનો કરાવ્યો પ્રારંભ, ગુજરાતના નાના વેપારીઓને જુઓ શું થશે ફાયદો

• જૈન ઇન્ટરનેશનલ ટ્રેડ ઓર્ગેનાઇઝેશન બિઝનેસ બજાર 2022નું ઉદ્ઘાટન
• મુખ્યમંત્રી ભૂપેન્દ્ર પટેલે કર્યું JITOનું ઉદ્ધાટન
• જામનગરમાં બનશે ગ્લોબલ સેન્ટર ફોર ટ્રેડિશનલ મેડિસિન

જૈન ઇન્ટરનેશનલ ટ્રેડ ઓર્ગેનાઇઝેશન બિઝનેસ બજાર 2022ના કાર્યક્રમમાં મુખ્યમંત્રી ભૂપેન્દ્ર પટેલે કહ્યું કે, દરેક સમુદાયમાં પોતાની વિશેષ વિશેષતાઓ હોય છે અને રાજ્ય સરકાર સર્વાંગી વિકાસના નારામાં વિશ્વાસ રાખે છે, આ પ્રસંગે રાજ્યસભા સાંસદ નરહરિ અમીન પણ હાજર રહ્યા.

નરહરિ અમીન પણ હાજર રહ્યા

રાજ્યસભા સાંસદ નરહરિ અમીને કહ્યું કે, નાના વેપારીઓ અને ધંધાઓને કોરોનાના કારણે સૌથી વધુ અસર થઈ, ત્યારે અલગ અલગ વેપારી સંસ્થાઓને એક મંચ પર લાવવા માટે JITO જેવા સંગઠનોની સરાહના કરવી જોઈએ. શહેર અને રાજ્યના વેપારીઓ દ્વારા 200થી વધુ સ્ટોલ લગાવવામાં આવ્યા છે. આ પ્રસંગે મુખ્યમંત્રી પટેલે કહ્યું કે પ્રત્યેક સમુદાયની પોતાની વિશેષ વિશેષતાઓ હોય છે અને રાજ્ય સરકાર સર્વાંગી વિકાસના નારામાં વિશ્વાસ રાખે છે.

જામનગરમાં બનશે ગ્લોબલ સેન્ટર ફોર ટ્રેડિશનલ મેડિસિન

જણાવી દઇએ કે, વિશ્વ સ્વાસ્થ્ય સંગઠન(WHO) અને ભારત સરકારે શુક્રવારે ગુજરાતના જામનગરમાં ડબ્લ્યૂએચઓ ગ્લોબલ સેન્ટર ફોર ટ્રેડિશનલ મેડિસિનની સ્થાપના માટે એક કરાર પર સાઈન કરી. શુક્રવારે રાત્રે ડબ્લ્યૂએચઓએ એક નિવેદન જાહેર કરી વિકાસની જાહેરાત કરી. કેન્દ્ર સત્તાવાર રીતે 21 એપ્રિલે ખોલવામાં આવશે.