એડમિનિસ્ટ્રેશન / ગુજરાત કેડરના આ IAS અધિકારી ફરશે પરત, ઇન્ટર સ્ટેટ ડેપ્યુટેશન કર્યું પૂર્ણ 

• બ્યુરોક્રસીમાં થતાં હોય છે ઇન્ટર સ્ટેટ ડેપ્યુટેશન 
• એક રાજ્યમાંથી બીજા રાજ્યમાં અધિકારીઓને કામગીરી માટે મોકલાય છે 
• આલોક કુમાર પાંડે 3 વર્ષનું ડેપ્યુટેશન પૂર્ણ કરી ફરશે પરત 

IAS આલોક કુમાર પાંડે ગુજરાત કેડરના અધિકારી છે. જેમને ગુજરાતમાંથી ઇન્ટર સ્ટેટ ડેપ્યુટેશન પર કામગીરી માટે ઉત્તર પ્રદેશમાં મોકલવામાં આવ્યા હતા. તેઓ ત્યાં સહારનપુર જિલ્લાના કલેકટર અને ડિસ્ટ્રિક્ટ મૅજિસ્ટ્રેટ તરીકેની જવાબદારી સંભાળી રહ્યા હતા. આગામી સપ્તાહે તેઓ ગુજરાત સરકારને રિપોર્ટ કરશે. 

શું હોય છે ઇન્ટર સ્ટેટ ડેપ્યુટેશન?

કોઈ રાજ્યથી તેની કેડરના ઓલ ઈન્ડિયા સર્વિસ (IAS, IPS, IFS etc.) અધિકારીને કોઈ અન્ય રાજ્ય કે કેન્દ્રશાસિત પ્રદેશમાં કોઈ વહીવટી કામગીરી નિભાવવા માટે મોકલવામા આવે તેને ઇન્ટર સ્ટેટ ડેપ્યુટેશન કહેવામાં આવે છે. આ માટેની પરવાનગી આપવાની સત્તા જો કે કેન્દ્ર સરકારની પાસે જ રહે છે, જો કે આ સાથે જ કોઈ પણ ડેપ્યુટેશનની સમયસીમા આપણ પહેલાથી જ નક્કી કરેલી હોય છે. 

આલોક કુમાર પાંડેએ આ પહેલા ગુજરાતમાં મહેસાણા જિલ્લાના કલેકટર તરીકેની કામગીરી નિભાવી છે. આ સિવાય તેમણે જુનાગઢ જિલ્લામાં પણ ક્લેક્ટર તરીકે ફરજ બજાવી હતી. જો કે પોતાના ગૃહ રાજ્યથી પરત ફર્યા બાદ હવે તેમને ગુજરાતના વહીવટી તંત્રમાં કઈ નવી જવાબદારી સોંપવામાં આવે છે? તે જોવાનું બાકી રહે છે.