સુરક્ષા / ગુજરાતમાં CAAના હિંસક વિરોધને પગલે પાક-સરહદની સુરક્ષા જડબેસલાક કરાઈ

• ગુજરાત પાકિસ્તાનની બોર્ડરે સુરક્ષા વધારાઈ
• ગુજરાતમાં નાગરિકાતા કાયદાનો થઈ રહ્યો છે હિંસક વિરોધ
• પોલીસ દ્વારા જડબેસલાક પેટ્રોલિંગ

સિટીઝનશીપ એમેન્ડમેન્ડ એક્ટ અને નેશનલ રજિસ્ટર ઑફ સિટીઝનશીપના વિરોધમાં દેશભરમાં હિંસક દેખાવો થઈ રહ્યાં છે. બીજી તરફ, તેની તરફેણમાં પણ સમર્થકો દ્વારા રેલીઓ-દેખાવો યોજાઈ રહ્યાં છે વિરોધ અને સમર્થનની રેલીઓ દ્વારા જ તોફાનો ફાટી નીકળતાં હોઈ ક્ચ્છ બોર્ડર રેન્જ આઈજી સુભાષ ત્રિવેદીએ હવે પછી આવી કોઈપણ રેલી કે આવેદન પત્ર આપવાના કાર્યક્રમને મંજૂરી આપવા પર કડક પ્રતિબંધ ફરમાવી દીધો છે કેટલાક લોકો આગેવાન બનવા માટે આવી રેલીઓ યોજવાના પ્રયાસો કરે છે.

ઓડિયો વીડિયો ક્લિપ વાયરલ કરી પ્રજાને ભરમાવે છે

પરંતુ, કાયદો અને વ્યવસ્થા માટે જોખમરૂપ બને તેવી કોઈપણ પ્રવૃત્તિને પોલીસ જરાય સાંખી નહીં લે કચ્છની જનતા દેશભક્ત છે. અમુક તત્વો ઑડિયો અને વિડિયો ક્લિપ વાયરલ કરી લોકોને ભરમાવી વાતાવરણ દૂષિત કરવાનો પ્રયાસ કરી રહ્યાં છે.  

પોલીસ દ્વારા જડબેસલાક પેટ્રોલિંગ

સાયબર સેલની મદદથી આવા તત્વોને પોલીસ શોધી કાઢી કાયદેસર પગલાં ભરશે આઈજી સુભાષ ત્રિવેદીએ જણાવ્યું કે,બોર્ડર રેન્જના ચારેય જિલ્લા પૂર્વ ક્ચ્છ,પશ્ચિમ ક્ચ્છ, પાટણ અને બનાસકાંઠામાં દરેકસ્થળે, ગલી, ચોક, જાહેર સ્થળોએ જડબેસલાક પોલીસ બંદોબસ્ત ગોઠવી દેવાયો છે કોઈ તત્વો અસામાજિક પ્રવુતિ કરે તો ધરપકડના આદેશ અપાયા છે પોલીસ દ્વારા સતત ફૂટ પેટ્રોલિંગ કરાઈ રહ્યું છે અસામાજિક તત્વોને ડામવા પોલીસ એલર્ટ છે ત્યારે નાગરિકો પોલીસને સાથ સહકાર આપે અને સામાજિક સમરસતા જાળવી રાખે તેવો અનુરોધ કર્યો હતો.