અબડાસા / ચૂંટણી પ્રચાર દરમિયાન ભાજપના નેતૃત્વને લઇને હાર્દિક પટેલે ઉઠાવ્યા સવાલ, કહ્યું- ભાજપ પાસે...

• કચ્છ અબડાસા પેટા ચૂંટણીનો મામલો
• કોંગ્રેસના કાર્યકારી અધ્યક્ષ હાર્દિક પટેલનું નિવેદન
• પેટા ચૂંટણી ગદ્દારો VS વફાદારની લડાઇઃ હાર્દિક પટેલ

આજે કચ્છ-અબડાસામાં પેટાચૂંટણીના પ્રચાર દરમિયાન હાર્દિક પટેલે મુખ્યમંત્રી અને ભાજપના પ્રદેશ પ્રમુખને લઇને નિવેદન આપ્યું હતું. હાર્દિક પટેલે કહ્યું હતું કે, પેટા ચૂંટણી ગદ્દારો VS વફાદારની લડાઇ છે. મુખ્યમંત્રી માટે પેટા ચૂંટણીઓ નફો-વકરો છે. હાર્દિક પટેલે ભાજપ અધ્યક્ષ પાટીલ પર નિશાન સાધતા કહ્યું કે, ભાજપ પાસે નેતૃત્વની કમી છે, ભાજપે રાજ્ય બહારના વ્યક્તિને પ્રમુખ બનાવ્યા છે. 

આજે 22ને ગુરૂવારે કચ્છ-અબડાસા, તા. 23ને શુક્રવારે મોરબી, તા. 24ને શનિવારે લીંબડી, તા.25ને રવિવારે ધારી, તા.24ને મંગળવારે ડાંગ અને તા.28ને બુધવારે કપરાડા બેઠક માટે ચૂંટણી પ્રચાર શરી કર્યો છે.

મુખ્યમંત્રી વિજય રૂપાણીએ અબડાસા વિધાનસભાની પેટા ચૂંટણીનો પ્રચાર કર્યો

અબડાસામાં ચૂંટણી પ્રચાર દરમિયાન CM રૂપાણીએ કોંગ્રેસના નેતાઓ પર સવાલ ઉઠાવ્યા હતા. કોંગ્રેસના નેતાઓ કોરોનાકાળમાં જયપુર કેમ ગયા તેવો સવાલ મતદારોને પુછવા આહવાહન કર્યું હતું. સીએણએ કોરોનાકાળમાં કોંગ્રેસના નેતાઓએ જયપુરમાં દારૂ પીને સ્વીમિંગપૂલમાં ડુબકી મારી. કોરોનાથી જનતા ડરેલી હતી ત્યારે કોંગ્રેસના નેતાઓ જયપુરમાં જલસા કરતા હતા.

CM રૂપાણીના નિવેદન પર કોંગ્રેસના પ્રદેશ પ્રમુખનો જવાબ

કોંગ્રેસના પ્રદેશ પ્રમુખ અમિત ચાવડાએ સીએમના સવાલનો જવાબ આપતા કહ્યું કે, વિજયભાઈ પહેલા એ જણાવે કે રાજ્યમાં દારૂ મળે છે તેના માટે કોણ જવાબદાર? દારૂની રેલમછેલ માટે CM કાર્યાલય સુધી હપ્તા પહોંચે છે. જૂગારધામ પણ હપ્તાખોરીને કારણે જ ચાલે છે. ભાજપ હપ્તારાજથી ઘેરાયેલી છે એટલે ગુજરાતમાં ગુંડારાજ છે. CMને ડર છે કે હવે ગુજરાતમાં ભાઈનું ચાલશે કે ભાઉનું ચાલશે.