સી.આર.પાટીલે પેટાચૂંટણી રૂપી પરીક્ષામાં ફુલ્લી માર્ક સાથે પાસ થયાં છે. પાર્ટીએ મુકેલી જવાબદારીને પાટીલે પોતાના પાવરથી સુપેરે પાર પાડી છે. શાહના શિષ્ય ગણાતા પાટીલ માટે હવે પછીનો પડકાર 2022ની ગુજરાત વિધાનસભા ચૂંટણી હશે. ત્યારે આ વિજય માટે તેમણે ગુજરાતની જનતાનો આભાર માન્યો હતો હતો.
પેટાચૂંટણીમાં પાટીલ પાસ
જનતાનો અને કાર્યકર્તાનો માન્ય આભાર
2022ની વિધાનસભા ચૂંટણી પર નજર
પોતોના ટ્વીટર એકાઉન્ટ પર તેમણે એક પોસ્ટ મુકીને જણાવ્યું હતું કે, ભાજપના કાર્યકર્તાશ્રીઓ, આગેવાનશ્રીઓને પુરો વિશ્વાસ હતો કે આ વખતે અમે આઠે-આઠ બેઠકો જીતીશું, ગુજરાતના મતદારોએ ભારતીય જનતા પાર્ટીના ઉમેદવારોમાં જે વિશ્વાસ મુક્યો તે બદલ તમામ મતદાર ભાઈ-બહેનોનો હું આભાર માનુ છું.
ભાજપના કાર્યકર્તાશ્રીઓ, આગેવાનશ્રીઓને પુરો વિશ્વાસ હતો કે આ વખતે અમે આઠે-આઠ બેઠકો જીતીશું, ગુજરાતના મતદારોએ ભારતીય જનતા પાર્ટીના ઉમેદવારોમાં જે વિશ્વાસ મુક્યો તે બદલ તમામ મતદાર ભાઈ-બહેનોનો હું આભાર માનુ છું. #BJPSweepsGujaratpic.twitter.com/W4pMZc1osH
આ સાથે જ તેમણે વધુમાં કહ્યું હતું કે, લોકો સુધી પહોંચવું, લોકો સુધી સરકારની યોજનાઓનો લાભ પહોંચાડવો, લાભાર્થીઓને સામેથી શોધી એમને મદદ પહોંચાડવી અને એમની સાથેનો સંપર્ક જાળવી રાખવો-કાર્યકર્તાશ્રીઓએ ખૂબ મજબૂત માધ્યમથી કામ કર્યુ છે, જે પણ જીતનો ખૂબ મહત્વનો ભાગ છે.
ઉલ્લેખનીય છે કે, પાટિલની જ્યારે પ્રદેશ પ્રમુખ તરીકે વરણી થઈ ત્યારે તેમણે કહ્યું હતું કે હું બિનઅનુભવી જરૂરથી હોઈશ પણ મારા પ્રયત્નો પ્રામાણિક હશે. જે જરૂરથી પરિણામ સુધી પહોંચશે.
પાટીલની વ્યૂહરચના અને ટીમવર્કને કારણે ભાજપને ફાયદો
ગુજરાતમાં વિધાનસભાની 8 બેઠકની પેટાચૂંટણી ભાજપના નવા પ્રદેશ પ્રમુખ સી.આર.પાટીલની પરીક્ષા હતી, જેમાં પાટીલ ફુલ્લી પાસ થઈ ગયા છે. પાટીલની વ્યૂહરચના અને ટીમવર્કને કારણે ભાજપને ફાયદો થયો છે. ભાજપના ચૂંટણી-ચાણક્ય કહેવાતા અમિત શાહ પાસે જીતના પાઠ ભણેલા સી.આર. પાટીલે પહેલી જ પરીક્ષા પાસ કરી છે..
પાટિલે પોતાનો પાવર પૂરવાર કરી બતાવ્યો
વિધાનસભાની તમામ 8 બેઠક અગાઉ કૉંગ્રેસ પાસે હતી, પરંતુ આ ધારાસભ્યો ભાજપમાં ભળી જતાં ભાજપ માટે બેવડો પડકાર હતો. એક તો કૉંગ્રેસના પેરાશૂટને જિતાડવા અને ભાજપને જેટલી બેઠકો વધુ મળે એટલો ફાયદો લેવાનો. આ સાથે પાટીલને પોતાની શક્તિનો પરિચય આપવાનો હતો. જેમાં પાટિલે પોતાનો પાવર પૂરવાર કરી બતાવ્યો....
ભાજપના પ્રદેશ પ્રમુખ તરીકે સી.આર.પાટીલની નિમણૂક પાછળ પણ ભાજપનું ચોક્કસ ગણિત હતું....
સી.આર.પાટિલ અમિત શાહની કોર ટીમના સભ્ય છે. 2014થી 2019ની લોકસભા ચૂંટણીમાં શાહ સાથે કામ કર્યું છે. પાટિલ ઉત્તરપ્રદેશ, મહારાષ્ટ્ર અને રાજસ્થાનની વિધાનસભા ચૂંટણીમાં શાહના સાથી તરીકે મહત્વની ભૂમિકા ભજવી હતી. ચૂંટણીના જીતના લેસન પાટીલ અમિત શાહ પાસેથી શીખ્યા છે.
હવે 2022ની વિધાનસભાની જવાબદારી
વિધાનસભાની 8 બેઠકોની પેટાચૂંટણી રૂપી પ્રીલિમ પરીક્ષા પાટિલે પૂરેપૂરાં માર્કે પાસ કરી લીધી છે. હવે 2022ની વિધાનસભાની જવાબદારી છે. 2022માં 182 બેઠકો માટે સી.આર. પાટિલ શું નવા-નવા દાવ અજમાવે છે. તેના પર સૌની નજર રહેલી છે.