ગુજરાત પેટાચૂંટણી / કરજણનો ગઢ જીતવા ભાજપે અપનાવી આ નીતિ, જાણો છેલ્લા દિવસે શું છે વ્યૂહ રચના?

• કરજણ ચૂંટણી જીતવા ભાજપ કેશુભાઇ પટેલના સહારે
• ભાજપ દ્વારા શ્રદ્ધાંજલિ કાર્યક્રમનું આયોજન
• કેશુભાઇ પટેલના 100 કટઆઉટ પોસ્ટર

કરજણનો ગઢ જીતવા ભાજપ કેશુભાઇ પટેલના સહારો લઈ રહી છે. ભાજપ દ્વારા મોટા પ્રમાણમાં શ્રદ્ધાંજલિ કાર્યક્રમનું આયોજન કરવામાં આવ્યું છે એટલું જ નહીં પણ કરજણમાં કેશુભાઇ પટેલના 100 કટઆઉટ પોસ્ટર ઉતર્યા છે. કરજણ ભાજપ ચૂંટણી કાર્યાલય ખાતે પોસ્ટર મુકાયા છે. પાટીદાર બહુમતી ધરાવતા ગામોમાં પોસ્ટર મુકાશે. ભાજપના કાર્યકરો શ્રદ્ધાંજલિ આપશે. પાટીદારોની સહાનુભૂતિ મેળવવા ભાજપનો પ્રયાસ઼઼ હોવાનું ચર્ચાઈ રહ્યું છે. 

ગૃહ રાજ્યમંત્રી પ્રદીપસિંહ જાડેજાની આગેવાનીમાં રોડ શો

કરજણ વિધાનસભા પેટાચૂંટણીમાં પ્રચારનો આજે છેલ્લો દિવસ છે. છેલ્લા દિવસે ભાજપ કરશે ભવ્ય રોડ શો યોજવામાં આવશે. ભાજપ કાર્યલયથી રોડ શોની શરૂઆત થશે. ગૃહ રાજ્યમંત્રી પ્રદીપસિંહ જાડેજાની આગેવાનીમાં રોડ શો યોજાશે.

કયા કયા ગામોમાં રોડશો

• કંડારી, પોર, માંગલેજ, ફુરાલી ગામમાં રોડ શો 
• સાધલી સેગવા, નારેશ્વર, વલણ ગામમાં રોડ શો 
• કંડારી, વેમારડી , હાંડોડ અને શિનોરમાં કરશે પ્રચાર