ગુજરાતમાં વિધાનસભાની આઠ બેઠકો વિધાનસભા ચૂંટણીમાં જંગ જામ્યો છે ત્યારે મોરબી વિધાનસભાની બેઠક પર ગ્રામ્ય વિસ્તારમાં કોંગ્રેસના ચૂંટણી પ્રચારમાં નોટોનો વરસાદ કરવામાં આવ્યો હતો.
મોરબી પેટા વિધાનસભાની ચૂંટણીનો પ્રચાર
કોંગ્રેસની રેલીમાં નોટો ઉડાવાય
રેલી દરમિયાન ઉડાવી રૂપિયાની નોટો
રાજ્યમાં વિધાનસભાની પેટા ચૂંટણીનો માહોલ જામ્યો છે. ત્યારે મતદાતાને રીઝવવા માટે ચૂંટણી પ્રચારમાં અવનવા પ્રયોગ કરવામાં આવી રહ્યાં છે. મોરબીના ગ્રામ્ય વિસ્તારમાં કોંગ્રેસના ચૂંટણી પ્રચાર દરમિયાન આજે નોટોનો વરસાદ કરવામાં આવ્યો.કોંગ્રેસ દ્વારા રેલી દરમિયાન ઉડાડવામાં પૈસા આવ્યા હતા.
ગુજરાતમાં ખાલી પડેલી વિધાનસભાની 8 બેઠકની પેટાચૂંટણીમાં ભાજપ અને કોંગ્રેસ સહિત સમાજવાદી પાર્ટી, ભારતીય જન પરિષદ, બહુજન મહાપાર્ટી, બહુજન મુક્તિ પાર્ટી, અખિલ ભારતીય સભા, ભારતીય ટ્રાયબલ પાર્ટી, ઈન્ડિયન એલાયન્સ પાર્ટી અને નેશનલ કોંગ્રેસ પાર્ટી જેવા પક્ષોએ ચૂંટણીના મેદાનમાં ઝંપલાવ્યું છે.
ભાજપ અને કોંગ્રેસના ઉમેદવારોનું લિસ્ટ
બેઠક
ભાજપના ઉમેદવાર
કોંગ્રેસના ઉમેદવાર
અબડાસા
પ્રદ્યુમનસિંહ જાડેજા
ડો.શાંતિલાલ સંઘાણી
મોરબી
બ્રિજેશ મેરજા
જયંતીલાલ પટેલ
ધારી
જે.વી. કાકડિયા
સુરેશ કોટડિયા
કરજણ
અક્ષય પટેલ
કિરીટસિંહ જાડેજા
ગઢડા
આત્મરામ પરમાર
મોહનલાલ સોલંકી
કપરાડા
જિતુ ચૌધરી
બાબુભાઈ વરઠા
ડાંગ
વિજય પટેલ
સૂર્યકાંત ગામિત
લીંબડી
કિરીટસિંહ રાણા
ચેતન ખાચર
ગુજરાત વિધાનસભાની પેટાચૂંટણીની તારીખ જાહેર
8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.
કઇ બેઠકો પર યોજાશે ચૂંટણી
રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.