ગુજરાતમાં વિધાનસભા પેટાચૂંટણીની તડામાર તૈયારીયો ચાલી રહી છે. ત્યારે ડાંગ વિધાનસભાના પ્રચારમાં હાર્દિક પટેલે ભાજપ પર આકરા પ્રહારો શરૂ કર્યા હતા. તેમણે કહ્યું કે, જળ-જંગલ અને જમીનનો હક ભાજપે નહીં કોંગ્રેસના ઇન્દિરા ગાંધીએ આપ્યો હતો.
હાર્દિક પટેલ ડાંગ વિધાનસભાના ચૂંટણી પ્રચારમાં કર્યા ભાજપ પર વાર
ભાજપની કથની અને કરણીમાં ફેર હોવાનું કહી કર્યા પ્રહાર
જળ-જંગલ અને જમીનનો હક કોંગસના ઇન્દિરા ગાંધીએ આપ્યો હતો
કોંગ્રેસના સ્ટાર પ્રચારક એવા હાર્દિક પટેલ ડાંગ વિધાનસભાના ચૂંટણી પ્રચારમાં આવીને ભાજપની નીતિ રીતિ સામે વાંધો ઉઠાવ્યો હતો અને જળ જંગલ અને જમીનનો હક કોંગ્રેસના ઇન્દિરા ગાંધીએ આપ્યો હતો. સાથે વિજય રૂપાણીની સભા કરતા કોંગ્રેસની સભામાં વધુ લોકો આવ્યા છે એટલે કોંગ્રેસનો વિજય નિશ્ચિત થશે.
ભાજપ 52 કરોડમાં ધારાસભ્યોની ખરીદી કરી
ડાંગ જિલ્લાના આદિવાસી પંથકમાં ગત ચૂંટણીને ધ્યાને લઈને કોંગ્રેસનું પ્રભુત્વ જોવા મળ્યું છે, જેના માટે આ વખતે પણ કોંગ્રેસનો ઉત્સાહ દેખાઈ રહ્યો છે. ભાજપ 52 કરોડમાં ધારાસભ્યોની ખરીદી કરી રહ્યો છે એવા આક્ષેપો પણ લગાડ્યા હતા. સૌથી મહત્વની વાત કરતા હાર્દિક પટેલે કહ્યું હતું કે હું ગઈકાલે રાત્રીના સાપુતારા આવ્યો હતો અને ત્યાં આઈબીના અધિકારીએ કોંગ્રેસ 25 હજાર મતે જીતશે એવી વાતો કરતા ખળભળાટ મચી ગયો હતો.