કરજણમાં DyCM નીતિન પટેલ પર ચપ્પલ ફેંકવાના મામલે તપાસના આદેશ આપવામાં આવ્યા છે
કરજણમાં DyCM નીતિન પટેલ પર ચપ્પલ ફેંકવાના મામલે તપાસના આદેશ
ગૃહ રાજ્યમંત્રીએ પોલીસ અધિકારીઓનો લીધો ઉધડો
સુરક્ષાની ખામીની તપાસ DySPને સોંપી
કરજણમાં DyCM નીતિન પટેલ પર ચપ્પલ ફેંકવાના મામલે તપાસના આદેશ આપવામાં આવ્યા છે. નીતિન પટેલની સુરક્ષામાં ખામી રહી હોવાનો ખુલાસો થયો છે. આ અંગે રેન્જ IGએ બંદોબસ્તમાં ખામી હોવાની વાત સ્વીકારી છે. ગૃહ રાજ્યમંત્રીએ પોલીસ અધિકારીઓનો ઉધડો લીધો હતા. સુરક્ષાની ખામીની તપાસ DySPને સોંપી છે. તપાસ રિપોર્ટ બાદ પોલીસ અધિકારીઓ સામે પગલા લેવાશે.
ગઈ કાલે થયો હતો મોટો ખુલાસો
કરજણમાં નાયબ મુખ્યમંત્રી નીતિન પટેલ પર જૂતુ ફેંકવાના મામલે આરોપી રશ્મીન પટેલ મુદ્દે મોટો ખુલાસો થયો છે. રશ્મીન પટેલ શિનોર તાલુકા પંચાયતનો સભ્ય રહી ચૂક્યો છે. શિનોર તાલુકા પંચાયતમાં ભાજપે જ રશ્મીનને કારોબારી ચેરમેન બનાવ્યો હતો. રશ્મીન પટેલના પત્ની શિનોર ગામના સરપંચ રહી ચૂક્યા છે. ભાજપના જૂથવાદને કારણે જૂતું ફેંકાયાની ચર્ચાએ જોર પકડ્યું છે. રશ્મીન પટેલ ભાજપના નારાજ જૂથમાં છે. પોલીસે હાલ રશ્મીન પટેલની ધરપકડ કરી છે.
રશ્મિન પટેલે જૂતું ફેંકવાનું કાવતરૂ રચ્યું હતુંઃ વડોદરા પોલીસ
પોલીસે જણાવ્યું કે, આરોપી જુતુ ફેંકવામાં સફળ થતા સેલીબ્રેશન કરવાનો હતો. પોલીસને આરોપીની ઓડિયો ક્લીપ મળી હતી. રશ્મિન પટેલે જૂતું ફેંકવાનું કાવતરૂ રચ્યુ હતુ. રશ્મિન પટેલ કોંગ્રેસનો સક્રિય કાર્યકર છે. કાવતરૂ રચવાની કલમો લગાવવામાં આવશે. કોર્ટમાં હાજર કરીને રિમાન્ડ માંગવામાં આવશે. નીતિન પટેલની સભા નિષ્ફળ કરવાનો પ્રયાસ હતો.
રશ્મિન પટેલે ચપ્પલ ફેંકાવ્યુ છે, ફેંક્યુ નથીઃ વડોદરા પોલીસ
પોલીસે જણાવ્યું કે, કેસમાં FSLની પણ મદદ લેવામાં આવશે. અમિત પંડ્યા નામના વ્યક્તિ સાથે શખ્સની વાતચીત થઈ હતી. સભા વિક્ષેપ કરીને હુલ્લડનો પ્રયાસ હોઈ શકે છે. અમિત પંડ્યા વડોદરાનો છે કોંગ્રેસનો પ્રચાર પ્રસાર કરે છે. રશ્મિન પટેલે ચપ્પલ ફેંકાવ્યુ છે, ફેંક્યુ નથી.
ભાજપે કોંગ્રેસ અને કોંગ્રેસે ભાજપ પર કર્યા હતા આક્ષેપ
અત્રે ઉલ્લેખનીય છે કે, આ ઘટનાના પગલે કોંગ્રેસે કહ્યું હતું કે, જે સ્થળે જુતુ ફેંકાયું એ ભાજપની સભા અને ભાજપના કાર્યકરો હતા. અમિત ચાવડાએ કટાક્ષ કરતા કહ્યું હતું કે તમારી જ પાર્ટીમાં અસંતોષ છે. તેમણે જ આ કૃત્ય કર્યું હશે. તો નીતિન પટેલે કહ્યું હતું કે, આ બધું કરવાથી કંઈ નહીં થાય, આ કૃત્ય વિરોધીઓનું જ છે. આજે મુખ્યમંત્રીએ પણ કહ્યું હતું નીતિન પટેલ પર જુતુ ફેંકનાર કોંગ્રેસી જ હશે.