VIDEO / ધારીમાં જે વી કાકડિયા અને જયેશ રાદડિયાને બેરોજગારી મુદ્દે યુવકોએ કર્યા ધારદાર સવાલ, નેતાઓને વળી ગયો પરસેવો

• સ્ટેજ પર પુરવઠા મંત્રી જયેશ રાદડિયા પણ હાજર હતા
• નેતાઓને બેરોજગાર યુવકોએ ઘેર્યા હતા
• ધારીના ઉમેદવાર કાકડિયાને યુવકે અટકાવ્યા

ગૌણ સેવા પસંદગી મંડળના પેપર ફુટવાનો આક્રોષ યુવકે વ્યક્ત કર્યો હતો. નેતાને કહ્યું, અમારે પણ આગળ વધવું છે અને અમારે પણ ભવિષ્ય બનાવવું છે. સ્પર્ધાત્મક પરીક્ષાની તૈયારી કરતા યુવકે કહ્યું ખેડૂત ખેતી કરે એમ અમે ભણીએ છીએ. માત્ર સારી સારી વાતો કરીને ભાષણ પુરુ કરતા નેતાને યુવકનો સીધો સવાલ પૂછાતા લોકો આઘાપાછા થઈ ગયા હતા. 

વીડિયો સોશિયલ મીડિયામાં ફરતો કર્યો

જે.વી.કાકડિયા ભાજપના ધારીના ઉમેદવાર છે અને પ્રચાર કરી રહ્યાં છે. સ્ટેજ પર પુરવઠા મંત્રી જયેશ રાદડિયા પણ હાજર હતા. કાકડિયાને સવાલ કરતા તેમણે જયેશ રાદડિયાને જવાબ આપવા કહ્યું. યુવકે નેતાને સવાલ પૂછીને વીડિયો સોશિયલ મીડિયામાં ફરતો કર્યો હતો. 

યુવકોએ પૂછ્યા સવાલ

સ્પર્ધાત્મક પરીક્ષાનું 'બધું સારું' ક્યારે?
દર વખતે પેપર કેમ ફુટે છે?
ભાષણો કરતા નેતાઓને યુવકનો સીધો સવાલ
અમારે પણ ભવિષ્ય સુરક્ષિત કરવું છે
પેટાચૂંટણીમાં નેતાઓને રોજગારી વિશે સીધો સવાલ
શું નેતાઓ પેપર ફુટવાની ઘટના રોકી શકશે?
ભાષણ પુરુ કરતા પહેલા જવાબ આપો નેતા!

ગુજરાતમાં 3જી નવેમ્બરે છે પેટાચૂંટણી

ગુજરાતમાં ખાલી પડેલી વિધાનસભાની 8 બેઠકની પેટાચૂંટણીમાં ભાજપ અને કોંગ્રેસ સહિત સમાજવાદી પાર્ટી, ભારતીય જન પરિષદ, બહુજન મહાપાર્ટી, બહુજન મુક્તિ પાર્ટી, અખિલ ભારતીય સભા, ભારતીય ટ્રાયબલ પાર્ટી, ઈન્ડિયન એલાયન્સ પાર્ટી અને નેશનલ કોંગ્રેસ પાર્ટી જેવા પક્ષોએ ચૂંટણીના મેદાનમાં ઝંપલાવ્યું છે.

ભાજપ અને કોંગ્રેસના ઉમેદવારોનું લિસ્ટ

ગુજરાત વિધાનસભાની પેટાચૂંટણીની તારીખ જાહેર

8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.

કઇ બેઠકો પર યોજાશે ચૂંટણી

રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.

8 MLAએ રાજીનામાં આપતા યોજાશે પેટાચૂંટણી

8 બેઠકો પર ધારાસભ્યોએ રાજીનામાં આપતા પેટાચૂંટણી યોજાશે. અબડાસાથી પ્રદ્યુમનસિંહ જાડેજા, મોરબીમાંથી બ્રિજેશ મેરજા, કપરાડામાંથી અક્ષય પટેલ, ગઢડામાંથી પ્રવીણ મારૂ, ધારીમાંથી જે.વી કાકડીયા, કપરાડામાંથી જિતુ ચૌધરી, ડાંગમાંથી મંગળ ગાવિત અને લીંબડીમાંથી સોમા પટેલનું રાજીનામું પડ્યું હતું.