ગુજરાત પેટાચૂંટણી / ધારાસભ્યોના ખરીદ-વેચાણના કથીત VIDEOમાં જેમના નામ છે તેમની સામે તપાસ કરો: અમિત ચાવડા

• પક્ષપલટાને લઈને કોંગ્રેસનો મોટો ખુલાસો
• કોંગ્રેસે ભાજપ દ્વારા થયેલી સોદાબાજીનો વીડિયો જાહેર કર્યો
• કોંગ્રેસના સભ્યોને પૈસા અને પદની લાલચ આપીને ખરીદાયા

અમિત ચાવડાએ કરી તપાસની માંગ

વીડિયોમાં જેમના નામનો ઉલ્લેખ છે તેમની સામે તપાસ કરવાની કોંગ્રેસ દ્વારા માંગ કરવામાં આવી રહી છે. મની લોન્ડરિંગનો કેસ દાખલ કરી તપાસ થાય તેવી કોંગ્રેસ માંગ કરી રહ્યું છે. ભાજપે ધારાસભ્યો ખરીદ્યા એટલે ચૂંટણી આવી અને કોરોનાકાળમાં ચૂંટણી ભાજપના કારણે યોજાઈ રહી છે. 

કોના કોના છે નામ?

કોંગ્રેસે ભાજપ દ્વારા થયેલી સોદાબાજીનો વીડિયો જાહેર કર્યો છે. કોંગ્રેસના સભ્યોને પૈસા અને પદની લાલચ આપીને ખરીદાયા હોવાનું અમિત ચાવડા કહ્યું હતુ એટલું જ નહીં પરંતુ વીડિયો મારફતે કરોડો રૂપિયા આપ્યા તેનો ખુલાસો થયો છે. વીડિયોમાં સોમા પટેલ ભાજપ સાથે ડીલની કરી રહ્યા છે. CM અને અમિત શાહે કેટલાકને પૈસા તો કેટલાકને સત્તાની લાલચ આપી ખરીદ્યા છે. રાજીનામા આપવા માટે નાણાંના વ્યવહાર મુદ્દે ચર્ચા કરવામાં આવી રહી છે. પૈસા આપી ભાજપે ધારાસભ્યોને રાજીનામા અપાવ્યા છે. એટલું જ નહીં રૂપાણી,પાટીલ અને અમિત શાહના નામનો વીડિયોમાં ઉલ્લેખ છે. 

કોંગ્રેસના સ્ટીંગમાં શું છે?
 

• વીડિયોમાં સોમા પટેલ ડીલની વાત કરી રહ્યા છે
• વીડિયોમાં સોમા પટેલ સીએમ અને પ્રદેશ અધ્યક્ષનો ઉલ્લેખ કરી રહ્યા છે
• રાજીનામું આપવા ભાજપ તરફથી ડીલ કરાઈ હોવાની વાત થઈ રહી છે
• વીડિયોમાં સોમા પટેલ કહે છે કે હું ગમે ત્યાંથી ચૂંટણી લડી શકું છું
• સોમા પટેલ કહે છે કે ભાજપ મારી પાછળ સંપૂર્ણ ખર્ચ કરતી હતી, કોંગ્રેસ તરફથી ખર્ચો નથી મળતો
• સોમા પટેલ કહી રહ્યા છે કે રાજીનામું આપવા બદલ દરેકને રૂપિયા મળ્યા છે
• ઓછામા ઓછા 5 કરોડ જેટલા રૂપિયા તમામને અપાયા હોવાની વાત
• વીડિયોમાં કોઈને ટિકીટ તો કોઈને રૂપિયા આપવાની વાત
• વીડિયોમાં સોમા પટેલ કહી રહ્યા છે કે ટોચના ઉદ્યોગપતિઓ સરકારના ખિસ્સામાં છે
• સોમા પટેલ કહી રહ્યા છે કે કોઈ ધારાસભ્યને 10 કરોડથી વધુ રૂપિયા નથી અપાયા

ગુજરાતમાં પેટાચૂંટણી પહેલા કોંગ્રેસે ધારાસભ્યોની લે-વેચનો કથિડ વીડિયો જાહેર કર્યો છે.  

ગુજરાત વિધાનસભાની ચૂંટણીને આડે હવે ગણતરીના દિવસ બાકી છે આજે પ્રચારનો છેલ્લો દિવસ છે ત્યારે કોંગ્રેસે એક વીડિયો ખુલ્લો મુક્યો છે જેમાં પક્ષપલટાનું અને ચૂંટણી જીતવા પૈસા આપી ધારાસભ્યો અને ખરીદવાનું રાજકારણ ઉઘાડુ પડી ગયું છે.