ગુજરાત પેટાચૂંટણી / કોંગ્રેસને C R પાટીલનો જવાબ : મેં પૈસાની ઓફર કરી એવો ઉલ્લેખ વીડિયોમાં નથી

• 8 બેઠકો બાબતે કોંગ્રેસે વિડિઓ જાહેર કર્યો-પાટીલ
•  કોંગ્રેસના આક્ષેપો પાયાવિહોણાં છે -પાટીલ
• વીડિયોમાં સોમા પટેલનો ચહેરો દેખાતો નથી: પાટીલ

ઉલ્લેખનીય છે કે, પાટીલે પોતાની અને સોમા પટેલની મિત્રતાને લઇને જણાવ્યું હતું કે,  હું 2009થી સંસદ છું અને સોમાભાઇ સંસદ છે એટલે મિત્ર છે. તો તેમણે એમપણ કહ્યું કે, લેવડદેવડમાં મારા નામનો ઉલ્લેખ નથી કર્યો અને કોંગ્રેસ અધ્યક્ષે લોકોને ભ્રમિત કરવા આક્ષેપ કર્યા છે. 

પાટીલે કોંગ્રેસ પર કર્યા આકરા પ્રહાર

પાટીલે કોંગ્રેસ પર આકરા પ્રહાર કરતા જણાવ્યું હતું કે, કોગ્રેસે લોકોને ગેરમાર્ગે દોરવાનો પ્રયાસ કર્યો છે, તો સોમા પટેલ વિશે જણાવ્યું હતું કે, તેમણે 15 માર્ચે રાજીનામું આપ્યું હતું અને રાજીનામું આપ્યું તે સમયે હું પ્રદેશ અધ્યક્ષની જવાબદારીમાં ન હતો. 

અર્જૂન મોઢવાડિયા ગુજરાતના દિગ્ગીરાજા ગણાવ્યા

કોંગ્રેસ પ્રદેશ અધ્યક્ષ અમિત ચાવડા પર આક્ષેપ કરતા જણાવ્યું હતું કે, તેમણે જનતાની માફી માગવી જોઇએ કારણ કે મારું નામ ખોટી રીતે આપ્યું છે. તો આ તરફ પાટીલે 
અર્જૂન મોઢવાડિયા ગુજરાતના દિગ્ગીરાજા ગણાવ્યા હતા. 

કોંગ્રેસને આડેહાથ લેતા સી.આર.પાટીલે જણાવ્યું હતું કે, સોમા પટેલનું મોઢું દેખાય તેવા વીડિયો કોંગ્રેસ રજૂ કરે, તો જનતાને પણ તેમણે કોંગ્રેસના ભ્રમમાં ન આવવાની અપીલ કરી હતી. પાટીલે જણાવ્યું કે, કામ કરશો તો 25 વર્ષ પછી કદાચ મોકો મળે. 
 

C R Patilનો જવાબ