ગુજરાતમાં આજે આઠ વિધાનસભા બેઠક માટે યોજાએલી ચૂ્ંટણીમાં દેખીતી રીતે ભાજપે 8 બેઠકો અગિયાર વાગ્યા સુધીમાં લીડ લઈ જીત તરફ કદમ આગળ વધાવ્યા છે જ્યારે મોરબીમાં એક માત્ર કોંગ્રેસની જીતના આસાર નજર આવી રહ્યા છે આવામાં ગુજરાત ભાજપે જીતની તૈયારીઓ શરૂ કરી દીધી છે.
8 બેઠકોના પરિણામને લઈને ભાજપમાં ઉત્સાહનો માહોલ
ગાંધીનગર કમલમ કાર્યાલયે ઉત્સાહનો માહોલ
કમલમ કાર્યાલય ખાતે કાર્યકરો એકઠા થયા
કમલમ ખાતે વિજય મહોત્સવ ઉજવાશે. મુખ્યમંત્રી વિજય રૂપાણી તથા ભાજપ પ્રદેશ પ્રમુખ સી.આર. પાટીલ કમલમ પહોંચ્યા. પેટાચૂંટણીમાં ભાજપે સપાટો બોલાવ્યો છે, મોટી સંખ્યામાં કાર્યકર્તાઓ કમલમ પહોંચી રહ્યા છે. કાર્યાલય ખાતે ઉજવણીનો માહોલ. તો બીજી તરફ, કોંગ્રેસના સૂપડા સાફ થયા છે. કોંગ્રેસ ભવન ખાતે સન્નાટો છવાયો છે. સવારથી બપોર સુધી એકપણ નેતા કે પદાધિકારી કોંગ્રેસ ભવન, પાલડી ખાતે દેખાયા નથી.
11 વાગ્યા સુધીના પરિણામ
ભાજપને 54.33 ટકા વોટ શેર મળ્યો છે. તો કોંગ્રેસને 34.19 ટકા મત મળ્યા છે. લીંબડી અને ડાંગ બેઠક પર ભાજપનું વાવાઝોડું ફૂંકાયું, લીંબડીમાં ભાજપના ઉમેદવાર 15 હજાર વોટથી આગળ, તો ડાંગમાં વિજય પટેલ 11 હજારની લીડ સાથે આગળ વધી રહ્યાં છે. લીંબડીમાં 12 મા રાઉન્ડના અંતે ભાજપના ઉમેદવાર કિરીટ સિંહ રાણા 15,555 મતથી આગળ ચાલી રહ્યા છે. તો ડાંગ બેઠક પર 8 રાઉન્ડના અંતે ભાજપને 20152 મત મળ્યા છે. તો કોંગ્રેસને 7567 મત મળ્યા છે. ભાજપના ઉમેદવાર વિજય પટેલ 12585 મતથી આગળ ચાલે છે.
જુઓ કઈ બેઠક પર કોણ આગળ?
ગુજરાતની પેટાચૂંટણીનું પરિણામ
બેઠક (8)
કોની જીત
અબડાસા
ભાજપ (આગળ)
મોરબી
ભાજપ (આગળ)
ધારી
ભાજપ (આગળ)
ગઢડા
ભાજપ (આગળ)
કપરાડા
ભાજપ (આગળ)
ડાંગ
ભાજપ (આગળ)
લીંબડી
ભાજપ (આગળ)
કરજણ
ભાજપ (આગળ)
ભાજપ અને કોંગ્રેસના ઉમેદવારોનું લિસ્ટ
બેઠક
ભાજપના ઉમેદવાર
કોંગ્રેસના ઉમેદવાર
અબડાસા
પ્રદ્યુમનસિંહ જાડેજા
ડો.શાંતિલાલ સંઘાણી
મોરબી
બ્રિજેશ મેરજા
જયંતીલાલ પટેલ
ધારી
જે.વી. કાકડિયા
સુરેશ કોટડિયા
કરજણ
અક્ષય પટેલ
કિરીટસિંહ જાડેજા
ગઢડા
આત્મરામ પરમાર
મોહનલાલ સોલંકી
કપરાડા
જિતુ ચૌધરી
બાબુભાઈ વરઠા
ડાંગ
વિજય પટેલ
સૂર્યકાંત ગામિત
લીંબડી
કિરીટસિંહ રાણા
ચેતન ખાચર
8 વિધાનસભા બેઠકો પર 81 ઉમેદવારો વચ્ચે ખરાખરીનો જંગ છે. આજે પેટા ચૂંટણીનું પરિણામ જાહેર થવાનું છે ત્યારે રાજ્યની જનતા પરિવર્તન ઇચ્છે છે કે પનુરાવર્તન જનતાનો મિજાજ ખુલીને સામે આવશે.આઠ બેઠકો માટેની પેટા ચૂંટણીમાં 81 ઉમેદવારો વચ્ચે જંગ જામ્યો છે. 3જી નવેમ્બરના ગુજરાતમાં આઠ વિધાનસભા બેઠકો અબડાસા, લિમડી, મોરબી, ધારી, ગઢડા, કરજણ, ડાંગ અને કપરાડા પર કોરોના ગાઇડલાઇન સાથે મતદાન યોજાયુ હતું અને આજે પરિણામ જાહેર થશે.