પક્ષપલટો / ભાજપ કોંગ્રેસમાં હાલ પક્ષપલાટની મોસમ, લીંબડીમાં 11 ભાજપીઓ કોંગ્રેસમાં જોડાયા તો ગઢડામાં...

• સુરેન્દ્રનગરના લીંબડીની પેટાચૂંટણીમાં ભાજપને ફટકો
• ખિટલા ગામે ભાજપ આગેવાનો કોંગ્રેસમાં જોડાયા
• વિપક્ષના નેતા પરેશ ધાનાણીની હાજરીમાં આગેવાનો કોંગ્રેસમાં જોડાયા

સુરેન્દ્રનગરમાં લીંબડી પેટા ચૂંટણીમાં ભાજપને ફટકો પડવાના સમાચાર બહાર આવ્યા છે. ખિટલા ગામે ભાજપ આગેવાનો કોંગ્રેસમાં જોડાયા છે. વિપક્ષના નેતા પરેશ ધાનાણીની હાજરીમાં આગેવાનો ભાજપનો સાથ છોડી કોંગ્રેસનો ખેસ ધારણ કર્યો હતો. ભાજપના 11 જેટલા આગેવાનો કોંગ્રેસમાં જોડાયા છે. આ સભામાં કોંગેસ ઉમેદવાર ચેતન ખાચર પણ હાજર રહ્યાં હતા. 

કોંગ્રેસના 150 જેટલા આગેવાનો ભાજપમાં જોડાયા 

બોટાદના ગઢડાના ઢસા ગામે પરસોત્તમ રૂપાલાજીની જાહેર સભા યોજાઇ હતી. જેમાં કોંગ્રેસના 150 જેટલા આગેવાનો ભાજપમાં જોડાયા છે. કોંગ્રેસના 150 જેટલા આગેવાનો અને કાર્યકરો કોંગ્રેસ છોડી ભાજપમાં જોડાયા છે. જાહેર સભા જિલ્લા ભાજપ પ્રભારી અમોભાઈ શાહ, કિશાન મોર્ચા પ્રમુખ બાબુભાઇ જેબલિયા, જિલ્લા પ્રમુખ સુરેશ ગોધાણી સહિતના નેતાઓ  હાજર રહ્યાં હતા.

ગુજરાતમાં ખાલી પડેલી વિધાનસભાની 8 બેઠકની પેટાચૂંટણીમાં ભાજપ અને કોંગ્રેસ સહિત સમાજવાદી પાર્ટી, ભારતીય જન પરિષદ, બહુજન મહાપાર્ટી, બહુજન મુક્તિ પાર્ટી, અખિલ ભારતીય સભા, ભારતીય ટ્રાયબલ પાર્ટી, ઈન્ડિયન એલાયન્સ પાર્ટી અને નેશનલ કોંગ્રેસ પાર્ટી જેવા પક્ષોએ ચૂંટણીના મેદાનમાં ઝંપલાવ્યું છે.

ભાજપ અને કોંગ્રેસના ઉમેદવારોનું લિસ્ટ

ગુજરાત વિધાનસભાની પેટાચૂંટણીની તારીખ જાહેર

8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.

કઇ બેઠકો પર યોજાશે ચૂંટણી

રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.

8 MLAએ રાજીનામાં આપતા યોજાશે પેટાચૂંટણી

8 બેઠકો પર ધારાસભ્યોએ રાજીનામાં આપતા પેટાચૂંટણી યોજાશે. અબડાસાથી પ્રદ્યુમનસિંહ જાડેજા, મોરબીમાંથી બ્રિજેશ મેરજા, કપરાડામાંથી અક્ષય પટેલ, ગઢડામાંથી પ્રવીણ મારૂ, ધારીમાંથી જે.વી કાકડીયા, કપરાડામાંથી જિતુ ચૌધરી, ડાંગમાંથી મંગળ ગાવિત અને લીંબડીમાંથી સોમા પટેલનું રાજીનામું પડ્યું હતું.