રાજનીતિ / કોંગ્રેસે જાહેર કરેલા સ્ટિંગ ઓપરેશન મામલે સોમા પટેલે આપી પ્રથમ પ્રતિક્રિયા, કહ્યું- મારૂં નહીં પરંતુ...

• કોંગ્રેસના કથિત સ્ટિંગ ઓપરેશન મામલો
• કોંગ્રેસના આક્ષેપ પર સોમા પટેલની પ્રતિક્રિયા
• સોમા પટેલે સમગ્ર મામલે તપાસની માંગ કરી

રાજ્યમાં યોજાનાર વિધાનસભા બેઠકની પેટા ચૂંટણીના પ્રચારનો આજે અંતિમ દિવસે છે. ત્યારે અંતિમ પ્રયાસોના ભાગરૂપે લીંબડીના પૂર્વ ધારાસભ્ય સોમાભાઈનું એક સ્ટીંગ ઓપરેશન જાહેર કરી અને સોમાભાઈ સહિત કોંગ્રેસના જે આઠ ધારાસભ્યો કોંગ્રેસ છોડીને ભાજપમાં જોડાયા છે. તેમને ભાજપ દ્વારા આર્થિક પ્રલોભન આપી અને ખરીદવામાં આવ્યા હોવાનો કોંગ્રેસે સનસનીખેજ આક્ષેપ કર્યો છે.  સોમાભાઈના નામથી જાહેર થયેલા સ્ટિંગ ઓપરેશન દ્વારા કોંગ્રેસ ભાજપ પર પ્રચારના અંતિમ દિવસે અંતિમ પ્રયાસ અને આક્ષેપો કર્યા છે. જેને લઇને રાજ્યનું રાજકારણ ગરમાયુ છે. 

"હું કોંગ્રેસને નોટિસ ફટકારીશ, દાવો માંડીશ"

ત્યારે સોમા પટેલે પ્રતિક્રિયા આપી હતી અને સમગ્ર મામલે તપાસની માંગ કરી હતી. સોમા પટેલે કહ્યું કે, મારુ નહી પરંતુ કોળી સમાજનુ અપમાન છે. મારા નામે જુઠ્ઠાણુ ફેલાવવાનુ કોંગ્રેસ બંધ કરે. હું કોંગ્રેસને નોટિસ ફટકારીશ અને દાવો માંડીશ. તો મોઢવાડીયાએ કહ્યું કે, કોળી સમાજનું અપમાન કોંગ્રેસે નહિ ભાજપે કર્યું છે.

 

 

 

 

View this post on Instagram

 

 

 

 

 

 

 

 

 

કોંગ્રેસે જાહેર કરેલા સ્ટિંગ ઓપરેશન મામલે સોમા પટેલે પ્રતિક્રિયા આપી હતી અને સમગ્ર મામલે તપાસની માંગ કરી હતી. સોમા પટેલે કહ્યું કે, મારુ નહી પરંતુ કોળી સમાજનુ અપમાન છે. મારા નામે જુઠ્ઠાણુ ફેલાવવાનુ કોંગ્રેસ બંધ કરે. હું કોંગ્રેસને નોટિસ ફટકારીશ અને દાવો માંડીશ. તો મોઢવાડીયાએ કહ્યું કે, કોળી સમાજનું અપમાન કોંગ્રેસે નહિ ભાજપે કર્યું છે. #gujaratbyelections #gujaratinews #somapatel #bjp #congress

A post shared by VTV Gujarati News and Beyond (@vtv_gujarati_news) on Nov 1, 2020 at 9:16am PST

કોંગ્રેસ પાસે કોઈ મુદ્દા નહીં હોવાથી તેઓએ ખોટા આક્ષેપો કર્યા: જીતુ ચૌધરી

વલસાડ જિલ્લાના કપરાડા વિધાનસભા બેઠકના ભાજપના ઉમેદવાર જીતુ ચૌધરીએ કોંગ્રેસ દ્વારા થયેલા આક્ષેપોનો વળતો જવાબ આપતા જણાવ્યું હતું કે પ્રચારના અંતિમ દિવસે પણ કોંગ્રેસ પાસે કોઈ મુદ્દા નહીં હોવાથી તેઓએ ખોટા આક્ષેપો કર્યા છે. અને પ્રચારનો અન્ય કોઈ મુદ્દો નહીં હોવાથી છેલ્લી ઘડીએ આક્ષેપ કરી અને લોકોનું ધ્યાન ભટકાવવા પ્રયાસ કરે છે. આમ પ્રચારના અંતિમ દિવસે કોંગ્રેસના આક્ષેપોને કારણે રાજકીય માહોલ ગરમાયો છે.