ગુજરાત વિધાનસભાની 8 બેઠક પર પેટાચૂંટણી યોજાઈ રહી છે ત્યારે આજે ઉમેદવારી પાછી ખેંચવાનો છેલ્લો દિવસ છે. આઠ બેઠક પરથી ભાજપ, કોંગ્રેસ અને અપક્ષમાંથી 135 ઉમેદવારોએ ફોર્મ ભર્યા હતા જાણો આ રહ્યુ લિસ્ટ
આજે ઉમેદવારી ફોર્મ પાછુ ખેંચવાનો છેલ્લો દિવસ
53 અપક્ષ ઉમેદવારોએ ફોર્મ ભર્યાં હતાં
પેટાચૂંટણીમાં કુલ 135 ઉમેદવારી ફોર્મ ભરાયાં
રાજ્યની 8 વિધાનસભા બેઠકની પેટાચૂંટણીમાં કુલ 135 ઉમેદવારી ફોર્મ ભરાયાં છે. ત્યાર બાદ 17 ઓક્ટોબરે આ ઉમેદવારી ફોર્મની ચકાસણી હાથ ધરવામાં આવી હતી, જેમાંથી 33નાં ફોર્મ રદ થયાં હતા. ચૂંટણીપંચે કુલ 102 ઉમેદવારને ચૂંટણી લડવા માન્ય ઠેરવ્યા છે. આજે ફોર્મ પાછા ખેંચવાનો અંતિમ દિવસ છે. આમ, આજે સાંજે તમામ 8 બેઠકનું ચૂંટણી ચિત્ર સ્પષ્ટ થશે.
102 ઉમેદવારો રહ્યા
શનિવારે થયેલી ફોર્મ ચકાસણીની પ્રક્રિયા બાદ કુલ 135 ફોર્મ પૈકી 33 રદ ઠર્યા હતા. આ યાદી પ્રમાણે સૌથી વધુ ઉમેદવારો મોરબી બેઠક પર 20 નોંધાયા છે જ્યારે કપરાડા બેઠક પર સૌથી ઓછા ચાર ઉમેદવારો નોંધાયા છે. આ 102 ઉમેદવારોમાં ભાજપ, કોંગ્રેસ ઉપરાંત રજિસ્ટર્ડ રાજકીય પાર્ટીના કુલ 27 ઉમેદવારો નોંધાયા છે જ્યારે 75 ઉમેદવારો અપક્ષ છે. રાજ્યના મુખ્ય ચૂંટણી અધિકારી ડો. એસ મુરલીક્રિશ્નએ જાહેર કરેલી આ આખરી યાદી પ્રમાણે અબડાસા બેઠક પર 19, લીંબડી બેઠક પર 14 મોરબી બેઠક પર 20, ધારી બેઠક પર 12, ગઢડા બેઠક પર 13, કરજણ બેઠક પર 11, ડાંગ બેઠક પર 9 તથા કપરાડા બેઠક પર 4 ઉમેદવાર છે.
53 અપક્ષ ઉમેદવારોએ ફોર્મ ભર્યાં હતાં
વિધાનસભાની પેટાચૂંટણીમાં અપક્ષ ઉમેદવારોનો રાફડો ફાટ્યો છે ત્યારે ફોર્મ ભરવાના છેલ્લા દિવસે આઠ બેઠકો પર જોઈએ તો અબડાસામાં 9, લીંબડીમાં 17, મોરબીમાં-9, ધારી-4, ગઢડામાં-5, કરજણમાં 07, ડાંગ( અ.જ.જા)02 અપક્ષ ઉમેદવારોએ ફોર્મ ભર્યાં હતાં, એટલે કે ફોર્મ ભરવાના છેલ્લા દિવસે કુલ 53 અપક્ષ ઉમેદવારોએ ફોર્મ ભર્યાં હતાં.
કોને કોને નોંધાવી છે ઉમેદવારી
ગુજરાતમાં ખાલી પડેલી વિધાનસભાની 8 બેઠકની પેટાચૂંટણીમાં ભાજપ અને કોંગ્રેસ સહિત સમાજવાદી પાર્ટી, ભારતીય જન પરિષદ, બહુજન મહાપાર્ટી, બહુજન મુક્તિ પાર્ટી, અખિલ ભારતીય સભા, ભારતીય ટ્રાયબલ પાર્ટી, ઈન્ડિયન એલાયન્સ પાર્ટી અને નેશનલ કોંગ્રેસ પાર્ટી જેવા પક્ષોએ ચૂંટણીના મેદાનમાં ઝંપલાવ્યું છે.
ભાજપ અને કોંગ્રેસના ઉમેદવારોનું લિસ્ટ
બેઠક
ભાજપના ઉમેદવાર
કોંગ્રેસના ઉમેદવાર
અબડાસા
પ્રદ્યુમનસિંહ જાડેજા
ડો.શાંતિલાલ સંઘાણી
મોરબી
બ્રિજેશ મેરજા
જયંતીલાલ પટેલ
ધારી
જે.વી. કાકડિયા
સુરેશ કોટડિયા
કરજણ
અક્ષય પટેલ
કિરીટસિંહ જાડેજા
ગઢડા
આત્મરામ પરમાર
મોહનલાલ સોલંકી
કપરાડા
જિતુ ચૌધરી
બાબુભાઈ વરઠા
ડાંગ
વિજય પટેલ
સૂર્યકાંત ગામિત
લીંબડી
કિરીટસિંહ રાણા
ચેતન ખાચર
ગુજરાત વિધાનસભાની પેટાચૂંટણીની તારીખ જાહેર
8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.
કઇ બેઠકો પર યોજાશે ચૂંટણી
રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.