પેટાચૂંટણીમાં ભાજપના સ્ટાર પ્રચારકો દ્વારા પ્રચાર અભિયાન જોર શોરથી શરૂ કરી દેવામાં આવ્યું છે.
ભાજપના સ્ટાર પ્રચારકો દ્વારા પ્રચાર
"કોંગ્રેસના નિષ્ફળ નેતૃત્વથી કોંગ્રેસ છોડે છે"
અલ્પેશ ઠાકોરે પક્ષપલટા અંગે કર્યો સ્વીકાર
પેટાચૂંટણીમાં ભાજપના સ્ટાર પ્રચારકો દ્વારા પ્રચાર અભિયાન જોર શોરથી શરૂ કરી દેવામાં આવ્યું છે. અલ્પેશ ઠાકોર આજથી પ્રચારમાં જોડાશે ત્યારે પ્રચાર અગાઉ અલ્પેશ ઠાકોરની VTV સાથે ખાસ વાતચીત કરી હતી જેમાં તેમણે જણાવ્યું હતુ કે, કોંગ્રેસના નિષ્ફળ નેતૃત્વથી ધારાસભ્યો કોંગ્રેસ છોડે છે. કોંગ્રેસના નેતાઓ જવાબદારી સ્વીકારી રાજીનામું આપે છે. અલ્પેશ ઠાકોરે પક્ષપલટા અંગે સ્વીકાર કર્યો હતો. મારા નિર્ણયનો ઉદેશ્ય હું લોકો સુધી ન પહોંચાડી શક્યો તેમ પણ તેમણે કબૂલ્યુ હતુ. ભાજપના કાર્યકરોમાં મારી સ્વીકૃતિ થવામાં વાર લાગી એમ કહેતા અલ્પેશે ઉમેર્યુ હતુ કે, ચૂંટણીમાં લોકો ભાજપના ઉમેદવારને ચૂંટે તેવી વિનંતી છે.
કોને કોને નોંધાવી છે ઉમેદવારી
ગુજરાતમાં ખાલી પડેલી વિધાનસભાની 8 બેઠકની પેટાચૂંટણીમાં ભાજપ અને કોંગ્રેસ સહિત સમાજવાદી પાર્ટી, ભારતીય જન પરિષદ, બહુજન મહાપાર્ટી, બહુજન મુક્તિ પાર્ટી, અખિલ ભારતીય સભા, ભારતીય ટ્રાયબલ પાર્ટી, ઈન્ડિયન એલાયન્સ પાર્ટી અને નેશનલ કોંગ્રેસ પાર્ટી જેવા પક્ષોએ ચૂંટણીના મેદાનમાં ઝંપલાવ્યું છે.
ભાજપ અને કોંગ્રેસના ઉમેદવારોનું લિસ્ટ
બેઠક
ભાજપના ઉમેદવાર
કોંગ્રેસના ઉમેદવાર
અબડાસા
પ્રદ્યુમનસિંહ જાડેજા
ડો.શાંતિલાલ સંઘાણી
મોરબી
બ્રિજેશ મેરજા
જયંતીલાલ પટેલ
ધારી
જે.વી. કાકડિયા
સુરેશ કોટડિયા
કરજણ
અક્ષય પટેલ
કિરીટસિંહ જાડેજા
ગઢડા
આત્મરામ પરમાર
મોહનલાલ સોલંકી
કપરાડા
જિતુ ચૌધરી
બાબુભાઈ વરઠા
ડાંગ
વિજય પટેલ
સૂર્યકાંત ગામિત
લીંબડી
કિરીટસિંહ રાણા
ચેતન ખાચર
ગુજરાત વિધાનસભાની પેટાચૂંટણીની તારીખ જાહેર
8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.
કઇ બેઠકો પર યોજાશે ચૂંટણી
રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.