પેટાચૂંટણી / ગુજરાતની પેટાચૂંટણીમાં કોરોના દર્દીઓ આ રીતે કરશે મતદાન, વૃદ્ધો અને દિવ્યાંગો માટે પણ વ્યવસ્થા

• ગુજરાત વિધાનસભા પેટાચૂંટણીનો મામલો
• વરિષ્ઠ નાગરિકો,દિવ્યાંગો માટે અલગ વ્યવસ્થા 
• કોવિડગ્રસ્ત દર્દીઓ માટે પણ અલગ વ્યવસ્થા

ગુજરાત વિધાનસભા પેટાચૂંટણીમાં મતદારોને લઇને ખાસ વ્યવસ્થા કરવામાં આવી છે. વરિષ્ઠ નાગરિકો,દિવ્યાંગો માટે અલગ વ્યવસ્થા કરવામાં આવશે. કોવિડ શંકાસ્પદ,પ્રભાવિત દર્દીઓ માટે  પણ અલગ વ્યવસ્થા કરવામાં આવશે. વળી ટપાલ મતપત્ર દ્વારા પણ મતદાન કરી શકાશે. 

80 વર્ષથી વધુ વયના નાગરિકોએ આ માટે અરજી કરવી પડશે. કોરોના શંકાસ્પદ,પ્રભાવિત નાગરિકોએ પણ આ અંગે અરજી કરવી પડશે. 

ચૂંટણી પંચ અરજીની ખરાઈ કરી ટપાલ મતપત્ર ઈશ્યુ કરશે. મતપત્ર ઈશ્યુ થયેલ નાગરિકોને મતદાન મથકે જવાનું રહેશે નહીં. મતપત્ર એકત્રિત કરવા માટે અધિકારીની નિમણૂક કરાશે. ઉમેદવારોને   મતપત્ર એકત્ર કરવા અંગે  પણ જાણ કરવી પડશે. પસંદગીના ઉમેદવારો સામે ક્રોસ કરી કે ખરાઈ કરી મતદાન કરાશે. સારવાર હેઠળના નાગરીકને મેડિકલ અધિકારીનું પ્રમાણપત્ર જરૂરી છે. 

ગુજરાત વિધાનસભાની પેટાચૂંટણીની તારીખ જાહેર

3 નવેમ્બરે યોજાશે 8 બેઠકોની પેટાચૂંટણી યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. 19 ઓક્ટોબર ફોર્મ ખેચવાની છેલ્લી તારીખ છે. 3 નવેમ્બરે 8 બેઠકો માટે  મતદાન યોજાશે. 10 તારીખે જાહેર થશે 8 બેઠકોનું પરિણામ જાહેર થશે. અબડાસા, લીબડી, મોરબી, ધારી, ગઢડા, કરજણ, ડાંગ, કપરાડા બેઠક પર મતદાન યોજાશે. 

કઈ બેઠક કેમ ખાલી છે. 

કોંગ્રેસના આઠ ધારાસભ્યોએ રાજીનામું આપતા આ બેઠકો ખાલી પડી છે. 

• અબડાસાથી પ્રદ્યુમનસિંહ જાડેજાનું રાજીનામું
• મોરબીમાંથી બ્રિજેશ મેરજાનું રાજીનામું
• કપરાડામાંથી અક્ષય પટેલનું રાજીનામું 
• ગઢડામાંથી પ્રવીણ મારૂનું રાજીનામું 
• ધારીમાંથી જે.વી કાકડીયાનું રાજીનામું
• કપરાડામાંથી જિતુ ચૌધરીનું રાજીનામું
• ડાંગમાંથી મંગળ ગાવિતનું રાજીનામું
• લીંબડીમાંથી સોમા પટેલનું રાજીનામું

વિધાનસભાની સ્થિતી 
ભાજપઃ 103
કોંગ્રેસઃ 65
બીટીપીઃ 02
એનસીપીઃ 01
અપક્ષઃ 01
કુલ બેઠકોઃ 182