ગુજરાત / વિધાનસભાની પેટાચૂંટણીમાં આ બેઠક પર ભાજપ-કોંગ્રેસને પડી શકે છે મુશ્કેલી

• પેટાચૂંટણીમાં ટિકિટ ન મળતા કોળી સમુદાયમાં રોષ 
• ભાજપ અને કોંગ્રેસ ક્ષત્રિય ઉમેદવારોને આપી ટિકિટ 
• લીંબડી બેઠક પર કોળી મતદારોનું પ્રભૂત્વ 

લીંબડી વિધાનસભાની બેઠક પર કોળી મતદારોનું પ્રભુત્વ છે. ત્યારે ભાજપ અને કોંગ્રેસ બંને પક્ષ દ્વારા આ સમાજના નેતાને ટિકિટ ન આપતા રોષ જોવા મળી રહ્યો છે. જેને લઇને લીંબડી વિધાનસભામાં 'નો એન્ટ્રી'ના પોસ્ટર વાયરલ થયા છે. 

જેને લઇને કોળી નેતાઓને લીંબડી વિધાનસભા વિસ્તારમાં 'નો એન્ટ્રી'ના વાયરલ થયા છે. ભાજપ અને કોંગ્રેસ નેતાઓના નામના પોસ્ટર વાયરલ થયા છે. જો કે લીંબડી વિધાનસભાની ચૂંટણીને લઇને ભાજપે કોળી નેતાઓને સ્ટાર પ્રચારક બનાવ્યાં છે. 

'નો એન્ટ્રી'ના વાયરલ થયેલા પોસ્ટરમાં કેબિનેટ મંત્રી કુંવરજી બાવળિયા, મંત્રી પુરષોત્તમ સોલંકી, ભાજપના રાષ્ટ્રીય ઉપાધ્યક્ષ ભારતીબેન શિયાળ, હિરા સોલંકીનું નામ દર્શાવામાં આવ્યું છે. જ્યારે કોંગ્રેસના MLA ઋત્વીક મકવાણા, પુંજ વંશને પણ 'નો એન્ટ્રી' ના વાયરસ પોસ્ટરનો સામનો કરવો પડ્યો છે.