ગુજરાતમાં કોરોના કાળ દરમિયાન યોજાઇ રહેલી પેટાચૂંટણીમાં ભાજપ-કોંગ્રેસ દ્વારા એડીચોટીનું જોર લગાવામાં આવી રહ્યું છે. ત્યારે હાલ રાજ્યની કપરાડા બેઠકની ચૂંટણી અગાઉ વાપીમાંથી હથિયાર મળી આવ્યાં છે. ત્યારે આ મામલે પોલીસે ભાજપ અગ્રણી સહિત 3 આરોપીની ધરપકડ કરી હોવાનું જાણવા મળ્યું છે.
કપરાડા ચૂંટણી અગાઉ વાપીમાંથી મળ્યા હથિયાર
વાપીમાંથી ઘાતક હથિયારો ઝડપાયા
ભાજપ અગ્રણી સહિત 3 આરોપીઓની ધરપકડ
ગુજરાતની પેટાચૂંટણીમાં જાણે લોહિયાળ બનવા જઇ રહ્યું હોય તેવું દેખાઇ રહ્યું છે. રાજ્યમાં આગામી મહીને 8 બેઠકો પર પેટાચૂંટણી યોજાવા જઇ રહી છે. ત્યારે રાજ્યમાં પોલીસ તેમજ તંત્ર દ્વારા સઘન ચેકિંગ કરવામાં આવી રહ્યું છે.
જેને લઇને કપરાડા ચૂંટણી અગાઉ વલસાડમાંથી હથિયાર મળી આવતા સમગ્ર વિસ્તારમાં ચકચાર મચી ગયેલી જોવા મળી છે. વાપીમાં ઘાતક હથિયારો સાથે પોલીસે ભાજપ અગ્રણી સહિત 3 આરોપીઓને ઝડપી પાડ્યા છે.
પ્રાપ્ત મળતી વિગત અનુસાર ભાજપ સાથે સંકળાયેલ બિલ્ડર મનોજ ઠાકુરની પણ પોલીસે ધરપકડ કરી છે. પોલીસે બે પિસ્તોલ અને 19 કારતૂસ સાથે 3 આરોપીને ઝડપી પાડ્યા છે. પેટાચૂંટણી પહેલા હથિયાર ઝડપાતા પોલીસ પણ સતર્ક થઇ ગઇ છે.