ગુજરાતમાં હાલમાં યોજાયેલી પેટાચૂંટણીમાં હાર પછી પ્રદેશ કોંગ્રેસમાં કકળાટ જોવા મળી રહ્યો છે. એકતરફ હાઇકમાન્ડે પરાજયને લઇને રિપોર્ટ માંગતા હડકંપ જોવા મળી રહ્યો છે. રાજ્યના પ્રબારી રાજીવ સાતને હાઇકમાન્ડે ઠપકો આપ્યાં હોવાની સૂત્રોને માહિતી મળી છે. ત્યારે VTV News પાસે એક્સક્લુઝીવ મળેલી માહિતી મુજબ દિવાળી પછી પ્રદેશ કોંગ્રેસમાં ધરખમ ફેરફાર થશે. હાર્દિક પટેલ સહિત પ્રદેશ કોંગ્રેસના દિગ્ગજ નેતાઓનું પદ જોખમમાં હોવાનું ચર્ચાએ જોર પક્ડયું છે.
ગુજરાતમાં પેટાચૂંટણીમાં હાર પછી પ્રદેશ કોંગ્રેસમાં કકળાટ
દિવાળી પછી પ્રદેશ કોંગ્રેસમાં થશે ધરખમ ફેરફાર
પ્રદેશ અધ્યક્ષ અને વિપક્ષના નેતા બદલવાનું નક્કી!
હાર્દિક પટેલ પર પણ લટકતી તલવાર
રાજીવ સાતવને હાઇકમાન્ડે આપ્યો ઠપકો
ગુજરાતમાં હાલમાં યોજાયેલી પેટાચૂંટણીમાં કોંગ્રેસનો સફાયો જોવા મળ્યો. રાજ્યમાં યોજાયેલી 8 બેઠકો પરની પેટાચૂંટણીમાં એકપણ બેઠક પર જીત ન મળતાં હાઇકમાન્ડે પરાજ્યને લઇને રિપોર્ટ માગ્યો છે. હાઇકમાન્ડે રાજ્યના પ્રભારી રાજીવ સાતવને ઠપકો આપ્યો હોવાના અહેવાલ મળ્યાં છે.
અમિત ચાવડા અને પરેશ ધાનાણીનું પત્તુ કપાશે!
જો કે એક એક્સલુઝીવ માહિતી મુજબ દિવાળી પછી પ્રદેશ કોંગ્રેસમાં ધરખમ ફેરફાર કરવામાં આવશે. જો કે સૂત્રોને મળતી માહિતી મુજબ રાજ્યના પ્રદેશ અધ્યક્ષ અને વિપક્ષના નેતા બદલવાનું નક્કી હોવાની ચર્ચાએ જોર પક્ડયું છે. અમિત ચાવડા અને પરેશ ધાનાણીનું પત્તુ કપાશે.
હાર્દિક પટેલ પર પણ લટકતી તલવાર
આ સાથે રાજ્યમાં કાર્યકરી અધ્યક્ષ તરીકે પદભાર સોંપેલા હાર્દિક પટેલ પર પણ લટકતી તલવાર જોવા મળી રહી છે. હાર્દિક પટેલને પેટાચૂંટણીમાં મહત્વની જવાબદારી સોંપવામાં આવી હતી. જો કે હાર્દિક પટેલના કારણ OBC મતોમાં પક્ષને મોટો ફટકો પડ્યો છે.
જ્યારે બીજી તરફ હાર્દિક પાટિદાર મતદારોને પણ આકર્ષી ન શક્યો. હાર્દિક પટેલ ધારી, અબડાસા, મોરબી, લીંબડી બેઠક પર હાર્દિકનો કોઇ પ્રભાવ જોવા મળ્યો નહીં. જો કે રાજ્યમાં કાર્યકારી અધ્યક્ષ હાર્દિક પટેલને લઇને કોઇ ફાયદો કોઇ બેઠક પર જોવા મળ્યો નહીં.