કેવું રહ્યું? / BUDGET 2022 : નિર્મલાના 'નોર્મલ' બજેટ પર ગુજરાતના નિષ્ણાતોનો મિશ્ર પ્રતિસાદ, જુઓ કોણે શું કહ્યું

• બજેટ અંગે પ્રતિક્રિયા
• બજેટમાં ટેક્સ બદલાવ થયાં નથી-હેમંત શાહ
• 'નો ન્યૂઝ ઇઝ ગુડ ન્યૂઝ': અમદાવાદ CA ઇન્સ્ટિટયૂટ

હેલ્થ સેક્ટર માટે ઓછી જાહેરાત: હેમંત શાહ, પ્રમુખ, GCCI 
સામાન્ય બજેટ પર લોકોની જે આશા અપેક્ષા હતી.તેવી કોઈ જ બજેટમાં મોટી જાહેરાત થઈ નથી.જેમાં ટેક્સ સ્લેબમાં કોઈ ફેરફાર કરાયો નથી.જ્યારે RBI ડિજીટલ કરન્સી લાવશે.ઉપરાંત ક્રિપ્ટોકરન્સી પર 30 ટકા ટેક્સ લાગુ થશે.કરોડો સામાન્ય કરદાતાઓ ઈન્કમ ટેક્સના સ્લેબમાં કોઈ નવી જાહેરાત થશે તેવી મીટ માંડીને બેઠા હતા.પરંતુ  નાણા મંત્રી નિર્મલા સીતારમણ તરફથી વર્તમાન ટેક્સ સ્લેબ અને દરોમાં કોઈ ફેરફારની વાત સાંભળવા મળી નહીં.આથી દેશના કરોડો કરદાતાઓને નિરાશા સાંપડી છે. બજેટ વિશે જાણીતા નિષ્ણાંતો દ્વારા પ્રતિક્રિયા આપવામાં આવી છે.

હેલ્થ સેક્ટરમાં વધારે કામ કરવાની જરૂર હતી: હેમંત શાહ, ગુજરાત ચેમ્બર પ્રમુખ
સામાન્ય બજેટને ગુજરાત ચેમ્બર પ્રમુખ હેમંત શાહે આવકાર્યું છે.હેમંત શાહે જણાવ્યુ કે બજેટમાં ટેક્સમાં કોઈ ફેરફાર નથી થયા.જોકે સરકાર ડિજીટલ કરન્સી લાવી રહી છે.. ગતિશક્તિ મિશનને પણ  મહત્વપૂર્ણ ગણાવ્યું છે..આ ઉપરાંત ગુજરાતના SEZને પણ લાભ થશે.હેલ્થ સેક્ટરમાં વધારે કામ કરવાની જરૂર હતી તેના પર પણ પ્રકાશ પાડયો હતો. આ ઉપરાંત PLIમાં  MSMEને લાભ આપવાની માગ હતી.જેમાં 20થી 50 ટકા લાભ આપવાની જરૂર હોવાનું જણાવ્યું હતું.

કૃષિ અને રીયલ એટસ્ટ પર કોઈ ખાસ જાહેરાત નથી: વિનોદ અગ્રવાલ, CII ચેરમેન
કેન્દ્રસરકારના બજેટને CIIના ઉદ્યોગકારોએ આવકાર્યું છે. CII ચેરમેન વિનોદ અગ્રવાલે બજેટ 2022 વિશે પ્રતિક્રિયા આપતા જણાવ્યું છે કે 2022-23 બજેટમા આગમી 25 વર્ષની બ્લુ પ્રિન્ટ આપવામાં આવી છે. ડિજિટલ કરન્સીમાં ભાર મુકાયો છે. પણ કૃષિલક્ષી ફક્ત નદીઓ વિકાસ તેમજ ઓર્ગેનિક ફાર્મિંગ પર ભાર મૂકવામાં આવ્યો છે. તેમણે રીયલ એટસ્ટને લઈ બજેટમાં કોઈ ખાસ ન હોવાનું જણાવ્યું હતું. પરતું રોડ રસ્તા નિર્માણના પ્રાધ્યાનને આવકારદાયક ગણાવ્યો છે. ડિજિટલ ટેકસ અને ટેક્સમાં બે વર્ષના પ્રાવધાન નિર્ણયને પણ વધાવ્યો હતો. 

'નો ન્યૂઝ ઇઝ ગુડ ન્યૂઝ': અમદાવાદ CA ઇન્સ્ટિટયૂટ
બજેટ પર અમદાવાદ સીએ ઇન્સ્ટિટયૂટે પ્રતિક્રિયા આપતા કહ્યું છે કે  'નો ન્યૂઝ ઇઝ ગુડ ન્યૂઝ' વાળું બજેટ લાગી રહ્યું છે. કોરોનાથી બજેટમાં રાહતની અપેક્ષા પૂર્ણ થઇ નથી. 
સ્ટાન્ડર્ડ ડિસ્કશનમાં બદલાવથી ટેક્સ બચાવની અપેક્ષાની પણ અવગણના કરવામાં આવી. MSME માટેની ક્રેડિટ સ્કીમને લંબાવવામાં આવ તે હકારાત્મક છે. બજેટથી બ્લોકચેઇન ટેકનોલોજીના વિરોધમાં ના હોવાનું સ્પષ્ટ કરતાં ઉમેર્યું હતું કે નોકરિયાત વર્ગ માટે બજેટમાં વધુ કંઈ જ નહીં પણ નારી શક્તિ માટે બજેટમાં ત્રણ સ્કીમ લાવવામાં આવી છે.

ટેક્સ સ્લેબમાં કોઈ ફેરફાર નહીં, સામાન્ય માણસની આશાઓ ધોવાઈ: કિરીટ સોની, ભાવનગર ચેમ્બર પ્રમુખ 
બજેટને લઇને ભાવનગર ચેમ્બર પ્રમુખ કિરીટ સોનીએ પણ નિવેદન આપતા કહ્યું છે કે એક તરફ આત્મનિર્ભરની વાત બીજી બાજુ ઈમ્પોર્ટ મશીનરી ઉપર કસ્ટમ ડ્યુટી ઘટાડી જેની અસર ખરાબ પડશે. ઇન્કમટેક્સ સ્લેબમાં કોઈ ફેરફાર નહિ કરીને સામાન્ય માણસની આશા પર પાણી ફેરવી વાળ્યું છે. ઉત્પાદન ડબલ થવાની વાતો કરી હતી પણ ઉદ્યોગને ફાયદો થાય તેવી કોઈ જાહેરાત બજેટમાં કરવામા આવી નથી.

વડોદરાના MSME ઉદ્યોગકારોએ બજેટને વધાવ્યું
વડોદરાના MSME ઉદ્યોગકારોએ બજેટને આવકાર્યું.દેશના તમામ ક્ષેત્રોમાં પ્રોત્સાહ બાબતો લાવવામાં આવી છે.આંગણવાડીથી ઉદ્યોગ સુધી તમામને રિફોર્મ કરવાની યોજનાઓ છે...25 હજાર કિમી હાઇવેનું નિર્માણ દેશની વિકાસગતિ વધારશે.ક્રિપ્ટો કરન્સી પર ટેક્સ નાખી સરકારે આવક ઉભી કરી.શિક્ષણમાં ટેકનોલોજીનો ઉપયોગ વધશે...અને ઓર્ગેનિક ખેતીને પ્રોત્સાહન મળશે