ગુજરાત બજેટ / સરકારે સૌથી વધુ શિક્ષણમાં ફાળવ્યા, કરી અનેક મોટી જાહેરાતો

નાણામંત્રી નીતિન પટેલે ગુજરાતનું પૂર્ણકાલિન બજેટ રજૂ કર્યું છે. જેમાં નીતિન પટેલે શિક્ષણ માટે અનેક મોટી જાહેરાતો કરી છે. જેમાં શિક્ષણ વિભાગ માટે 30 હજાર 45 કરોડની ફાળવણી કરી છે. આ ઉપરાંત શિક્ષણ વિભાગ માટે અનેક જાહેરાતો કરવામાં આવી છે. જેમાં નવી યુનિવર્સિટીઓ, શાળાના બાંધકામ, મધ્યાહન ભોજન, સંજીવની યોજના, ત્રિવેણી યોજના, રાઈટ ટુ એજ્યુકેશન, વર્ચ્યુઅલ ક્લાસ, યુવા સ્વાવલંબન જેવી યોજનાઓ માટે કરોડો રૂપિયાની જાહેરાત કરી છે. 

શિક્ષણ માટે શું ?

• રાજ્યમાં શિક્ષણ માટે 30,045 કરોડની ફાળવણી
• રાજ્યમાં પ્રાથમિક-માધ્યમિક શાળાના 5 હજાર નવા ઓડા બંધાશે
• શાળાના નવા બાંધકામ માટે 454 કરોડની જોગવાઈ
• હિંમતનગરમાં મેટરનિટી કોલેજ માટે 1 કરોડની જોગવાઈ
• મધ્યાહન ભોજન, સંજીવની યોજના, ત્રિવેણી યોજના માટે 1015 કરોડ
• રાઈટ ટુ એજ્યુકેશન માટે 341 કરોડની જોગવાઈ
• રાજ્યમાં 10 હજાર વર્ચ્યુઅલ ક્લાસ બનાવવા 103 કરોડ ફાળવાશે
• યુવા સ્વાવલંબન યોજના હેઠળ 79 લાખ વિદ્યાર્થીઓને સમાવાશે
• યુવા સ્વાવલંબન પાછળ 370 કરોડની જોગવાઈ
• સરકારી યુનિવર્સિટીના ભવન બાંધવા 206 કરોડની જોગવાઈ
• આ વર્ષે પણ 3 લાખ વિદ્યાર્થીઓને ટેબ્લેટ આપવામાં આવશે 
• સામાજિક ન્યાય અને અધિકારીતા માટે 4212 કરોડની જોગવાઈ
• SC-STના વિદ્યાર્થીઓને શિષ્યવૃત્તિ-ગણવેશ માટે 601 કરોડની ફાળવણી
• ધો-9ની અનુસૂચિત જાતિની 21 હજાર વિદ્યાર્થિનીઓને અપાશે સાઈકલ
• ધો-9ની વિકસિત જાતિની 1.60 લાખ વિદ્યાર્થિનીઓને અપાશે સાઈકલ
• SC-ST વિદ્યાર્થીઓને સાયકલ આપવા માટે 74 કરોડની ફાળવણી
• શિક્ષકની હાજરીના મુલ્યાંકન, લેબોરેટરીમાં કમ્પ્યુટર સહિતના કામ માટે 100 કરોડ
• દિવ્યાંગ બાળકો માટે 46 કરોડની જોગવાઈ
• ભાર વિના ભણતર યોજના માટે 103 કરોડ ફાળવાશે
• શાળાઓના રિનોવેશન માટે 196 કરોડની જોગવાઈ
• RTE અંતર્ગત બાળકોની ફી, યુનિફોર્મ માટે 341 કરોડ
• રાજ્ય સરકાર દરેક બાળકોને ચૂકવે છે 3000 રૂપિયા 
• કોલેજો અને યુનિવર્સિટીના નવા મકાન માટે 206 કરોડ
• જ્ઞાનકુંજ અંતર્ગત પ્રાથમિક શાળાઓના 10 વર્ગખંડ વર્ચ્યુઅલ બનાવાશે
• IT આધારિત અભ્યાસ માટે 100 કરોડની જોગવાઈ
• રાજપીપળા અને બિરસા મુંડા ટ્રાયબલ યુનિ માટે 341 કરોડ
• 1.30 લાખ આદિજાતિના બાળકોના શિક્ષણ-જમવા માટે 511 કરોડ
• 151 કસ્તુરબા ગાંધી બાલિકા વિદ્યાલય માટે 80 કરોડ
• શાળાનું અંતર ઘરથી 1 કિમી કરતા વધુ હોય તો મફત પરિવહનની સુવિધા
• બાળકોને પરિવહન ખર્ચ માટે રૂ.60 કરોડની ફાળવણી 
• બાળકોને શાળાએ લાવવા અને બ્રિજ ક્રોસ કરાવવા માટે 64 કરોડ
• પત્રકારની ડિગ્રી ધરાવતા યુવાનો માટે મીડિયા ફેલોશીપની જાહેરાત
• મીડિયા ફેલોશીપ દ્વારા સરકારની કામગીરીને પત્રકારો દ્વારા જોડાશે
• 2019-20 માટે મીડિયા ફેલોશીપ માટે 28 લાખની જોગવાઈઑ