આજે રાજ્ય સરકાર દ્વારા બજેટ(Gujarat Budget) રજૂ કરવામાં આવ્યું છે. જેમાં આરોગ્ય, શિક્ષણ, કૃષિ અને જળક્ષેત્ર માટે ભાર મુકવામાં આવ્યો છે. ત્યારે ગુજરાત સરકાર દ્વારા શિક્ષણમાં સૌથી વધુ ભાર મુકવામાં આવ્યો છે.
નાણામંત્રી નીતિન પટેલે ગુજરાતનું પૂર્ણકાલિન બજેટ રજૂ કર્યું છે. જેમાં નીતિન પટેલે શિક્ષણ માટે અનેક મોટી જાહેરાતો કરી છે. જેમાં શિક્ષણ વિભાગ માટે 30 હજાર 45 કરોડની ફાળવણી કરી છે. આ ઉપરાંત શિક્ષણ વિભાગ માટે અનેક જાહેરાતો કરવામાં આવી છે. જેમાં નવી યુનિવર્સિટીઓ, શાળાના બાંધકામ, મધ્યાહન ભોજન, સંજીવની યોજના, ત્રિવેણી યોજના, રાઈટ ટુ એજ્યુકેશન, વર્ચ્યુઅલ ક્લાસ, યુવા સ્વાવલંબન જેવી યોજનાઓ માટે કરોડો રૂપિયાની જાહેરાત કરી છે.
શિક્ષણ માટે શું ?
રાજ્યમાં શિક્ષણ માટે 30,045 કરોડની ફાળવણી
રાજ્યમાં પ્રાથમિક-માધ્યમિક શાળાના 5 હજાર નવા ઓડા બંધાશે
શાળાના નવા બાંધકામ માટે 454 કરોડની જોગવાઈ
હિંમતનગરમાં મેટરનિટી કોલેજ માટે 1 કરોડની જોગવાઈ
મધ્યાહન ભોજન, સંજીવની યોજના, ત્રિવેણી યોજના માટે 1015 કરોડ
રાઈટ ટુ એજ્યુકેશન માટે 341 કરોડની જોગવાઈ
રાજ્યમાં 10 હજાર વર્ચ્યુઅલ ક્લાસ બનાવવા 103 કરોડ ફાળવાશે
યુવા સ્વાવલંબન યોજના હેઠળ 79 લાખ વિદ્યાર્થીઓને સમાવાશે
યુવા સ્વાવલંબન પાછળ 370 કરોડની જોગવાઈ
સરકારી યુનિવર્સિટીના ભવન બાંધવા 206 કરોડની જોગવાઈ
આ વર્ષે પણ 3 લાખ વિદ્યાર્થીઓને ટેબ્લેટ આપવામાં આવશે
સામાજિક ન્યાય અને અધિકારીતા માટે 4212 કરોડની જોગવાઈ
SC-STના વિદ્યાર્થીઓને શિષ્યવૃત્તિ-ગણવેશ માટે 601 કરોડની ફાળવણી