જાહેરાત / ગુજરાતના વિદ્યાર્થીને મળશે 'સ્માર્ટ શિક્ષણ', બજેટમાં રાજ્ય સરકારે જુઓ શું કર્યું મોટું એલાન

• ગુજરાત સરકાર દ્વારા રજૂ કરાયું બજેટ
• શિક્ષણ વિભાગ માટે કુલ 34 હજાર 884 કરોડની જોગવાઈ
• દરેક વિદ્યાર્થીને મળશે સ્માર્ટ શિક્ષણ

વિધાનસભા ગૃહમાં નાણામંત્રી કનુ દેસાઈએ 2022-23ના નાણાકીય વર્ષ અંગે સામાન્ય બજેટ રજૂ કરતી વખતે રાજ્યના નાગરિકોની સુખાકારી અને વિકાસને ધ્યાનમાં રાખીને મહત્વની જાહેરાત કરી હતી. જેમાં રાજ્યના શિક્ષણ વિભાગને લઈને મોટું એલાન કરતા કનુ દેસાઈએ જણાવ્યું હતું કે, શિક્ષણ વિભાગ માટે કુલ 34 હજાર 884 કરોડની જોગવાઈ કરવામાં આવી છે. 

• મિશન સ્કૂલ ઓફ એક્સલન્સ યોજના હેઠળ શિક્ષણ પદ્ધતિમાં સુધારા માટે ૧૧૮૮ કરોડની જોગવાઈ
• શાળાઓમાં 10 હજાર નવા ઓરડાઓના નિર્માણ માટે 937 કરોડની જોગવાઈ
• સૈનિક સ્કૂલ બાલાચડી ને વધારે સુસજ્જ બનાવવા ૨૮ કરોડની જોગવાઈ
• 50 લાખ બાળકોને મધ્યાહન ભોજન યોજના, અન્ન સંગમ યોજના અને દૂધ સંજીવની યોજના લાભ આપવા 1068 કરોડની જોગવાઈ
• રાઇટ ટુ એજ્યુકેશન માટે 629 કરોડની જોગવાઈ
• 11 લાખ વિદ્યાર્થીઓને એસ.ટી.બસ ફ્રી પાસ માટે 205 કરોડ
• 245 કસ્તુરબા ગાંધી વિદ્યાલય માં અભ્યાસ કરતી 27 હજાર બાળાઓને માટે 122 કરોડ ની જોગવાઈ 
• શાળાઓને વીજળી, પીવાના પાણીની સુવિધા અને સ્વચ્છ રાખવા 81 કરોડ
• સરકારી શાળાના વિદ્યાર્થીઓને વિનામૂલ્યે પાઠ્યપુસ્તકો માટે 145 કરોડ
• વિદ્યાર્થીનીઓની ફી  માફી માટે 37 કરોડ
• સંસ્કૃત સાધના યોજના હેઠળ ૮ કરોડની જોગવાઈ
• પ્રાથમિક શાળાઓ માં સીસીટીવી કેમેરાની સુવિધા માટે 20 કરોડ
• ઉચ્ચ શિક્ષણમાં મુખ્યમંત્રી યુવા સ્વાવલંબન યોજના હેઠળ 350 કરોડની જોગવાઈ
• સ્ટાર્ટ અપ ઇનોવેશન માટે 60 કરોડની જોગવાઈ
• નમો ટેબલેટ યોજના હેઠળ 3 લાખ વિદ્યાર્થીઓને ટેબ્લેટ આપવા 200 કરોડની જોગવાઈ
• ટેકનિકલ શિક્ષણ આપતી સંસ્થાઓ માં માળખાકીય સુવિધા માટે 117 કરોડ
• પીએચ.ડી.ના એક હજાર વિદ્યાર્થીઓને શોધ યોજના હેઠળ 2 લાખની સહાય માટે 20 કરોડની જોગવાઈ
• સુરતના લિંબાયત, જસદણ, બગસરા, પાલીતાણા, વરાછા, સંતરામપુર ખાતે નવી સરકારી કોલેજો શરૂ કરવામાં આવશે
• આદિજાતિ વિસ્તારોના કાછલ, ડેડીયાપાડા અને ખેરગામની કોલેજોમાં વિજ્ઞાન પ્રવાહ શરૂ કરાશે

બાળકો માટે સરકારનું મોટું એલાન

બાળકો માટે ખાસ યોજનાની જાહેરાત કરવામાં આવી છે. સ્કુલ્સ ઓફ એક્સિલન્સ પ્રોજેક્ટ હાથ ધરાશે. વિશ્વ બેંકના સહયોગથી 10000 કરોડના ખર્ચે મોડેલ સ્કુલ ઉભી કરાશે. 70 લાખ કરતા વધુ વિદ્યાર્થીઓને લાભ મળશે તેમ નાણામંત્રીએ બજેટમાં જાહેરાત કરી હતી.

સગર્ભા મહિલાઓ માટે પણ કરાયા મહત્વના એલાન 

સગર્ભા માતાને બાળકોમાં પોષણ માટે નાણાકીય જોગવાઈ કરવામાં આવી હોવાનું જણાવતા નાણાં પ્રધાને કહ્યુ કે, 4 હજારના ખર્ચે વિના મૂલ્યે 1000 દિવસ સુધી અપાશે પોષણક્ષમ આહાર આપવામાં આવશે.

ખેડૂતો માટે મહત્વની જાહેરાત 

ગુજરાતમાં ખેડૂતોની આવક વધારવા માટે સરકાર સક્રીય હોવાનું જણાવતા નાણાં પ્રધાને કહ્યુ કે, પ્રાકૃતિક ખેતીને પ્રોત્સાહન આપવામાં આવી રહ્યુ છે. આ સાથે જ તેમણે જણાવ્યું કે,ગુજરાતના કૃષિ કલ્યાણ અને સહકાર ક્ષેત્ર માટે 7737 કરોડની જોગવાઈ કરવામાં આવી છે. જેમાં પાકકૃષિ વ્યવસ્થાની વિવિધ યોજનાઓની જોગવાઈ માટે 2310 કરોડની જોગવાઈ કરવામાં આવી છે..