ગુજરાતમાં આજે બજેટ રજૂ કરવામાં આવ્યું છે ત્યારે પેટ્રોલ ડીઝલના વધતાં ભાવ અંગે નીતિન પટેલે મોટું નિવેદન આપ્યું છે.
પેટ્રોલ ડીઝલ ઘટાડા અંગે નીતિન પટેલ નિવેદન
સૌથી ઓછો વેટ ગુજરાતમાં છેઃ નીતિન પટેલ
આપણા કરતા 14 રાજ્યોમાં પેટ્રોલ રેટ વધુ છેઃ નીતિન પટેલ
વેટ ઓછું કરવાનની જોગવાઈ નથીઃ નીતિન પટેલ
વ્યાપર ધંધામાં ગ્રોથ આવશેઃ નીતિન પટેલ
નાણામંત્રી નીતિન પટેલે બજેટ બજેટ રજૂ કર્યા બાદ નીતિન પટેલે કહ્યું હતું કે 2 લાખ 27 હજાર 29 કરોડનું બજેટ છે. જેમાં GST આવક થાય તે માટે ઉદ્યોગ-ધંધા સરભર કરાશે. ગુજરાતમાં તબક્કામાં વ્યાપાર, ઉદ્યોગ-ધંધા ચાલુ થયા જેથી રાજ્ય સરકારની આવકમાં વધારો થયો છે. નીતિન પટેલે કહ્યું કે સમાજના સર્વાંગી વિકાસ માટે યોજના જાહેર કરાઇ છે. સાગરખેડુ-2 અમલમાં મૂકવામાં આવી છે જેથી ગુજરાતના વિકાસનો દરિયાખેડૂને પણ લાભ મળશે.
આપણા કરતા 14 રાજ્યોમાં પેટ્રોલ રેટ વધુ છેઃ નીતિન પટેલ
નોંધનીય છે કે પેટ્રોલ-ડીઝલના ભાવ સતત વધી રહ્યા છે અને મોંઘવારીથી હેરાન પરેશાન જનતાને આશા હતી કે ઈંધણના ભાવ માટે સરકાર કોઈ પગલાં લે. જોકે તે દિશામાં બજેટમાં કોઈ જ રાહત આપવામાં આવી નથી ત્યારે પેટ્રોલ-ડીઝલના ભાવ વધારાને લઇ નીતિન પટેલે કહ્યું હતું કે ગુજરાતમાં સૌથી ઓછો વેટ છે. અને ગુજરાત કરતા 14 રાજ્યોમાં પેટ્રોલનો ભાવ વધારે છે. એટલે હાલ કોઇ વેટ ઓછું કરવાની જોગવાઇ નથી. નીતિન પટેલે કહ્યું કે બીજા રાજ્યોમાં વેટ વધારે લેવામાં આવે છે ત્યારે હાલ આ અંગે કોઈ વિચારણા કરવી યોગ્ય અને વ્યાજબી નથી.
ગુજરાતના નાયબ મુખ્યમંત્રી અને નાણામંત્રી નીતિન પટેલે વર્ષ 2021-22નું બજેટ રજૂ કર્યું છે અને આ વર્ષે કુલ 2 લાખ 27 હજાર 29 કરોડ ફાળવવામાં આવ્યા છે. આ પ્રસંગે નીતિન પટેલે જણાવ્યું હતું કે આ વખતનું બજેટ પાછલા બજેટ કરતા 10 હજાર કરોડથી વધારે છે.
ઇતિહાસનું સૌથી મોટું બજેટ નાણામંત્રી નીતિન પટેલે 2021-22નું રજૂ કર્યું છે તે ઇતિહાસનું સૌથી મોટું બજેટ છે. નીતિન પટેલે કુલ 2 લાખ 27 હજાર 29 કરોડનું બજેટ રજૂ કર્યું છે જેમાં કૃષિ વિભાગ માટે 27 હજાર 232 કરોડ અને શિક્ષણ વિભાગ માટે 32 હજાર 719 કરોડની જોગવાઈ કરવામાં આવી છે. સાથે આરોગ્ય અને પરિવાર કલ્યાણ માટે 11 હજાર 323 કરોડ તથા મહિલા અને બાળ વિકાસ વિભાગ માટે 3 હજાર 511 કરોડ ની જોગવાઈ કરવામાં આવી છે.
બજેટ રજૂ કરતાં પહેલા કોરોનાકાળમાં સરકારે કરેલા કામોના કર્યા વખાણ
ગુજરાતના બજેટને રજૂ કરતાં પહેલા નીતિન પટેલે આજે કોરોના કાળમાં ગુજરાત સરકારે કરેલા કામ ગણાવ્યા હતા. નીતિન પટેલે કહ્યું કે, રાજ્યના બધા જ જિલ્લાઑમાં વ્યવસથા ઊભી કરવામાં આવી. તેમણે કહ્યું કે કેટલાક રાજ્યોમાં તંબુઑ બાંધવા પડ્યા અને સ્ટેડિયમમાં દર્દીઑ રાખવા પડ્યા હતા .પરંતુ ગુજરાતમાં ખૂબ મોટી વ્યવસ્થા ઊભી કરવામાં આવી અને તે બદલ વિજય રૂપાણીનો આભાર માનું છું. આવું સુંદર આયોજન આખા ભારતમાં માત્ર ગુજરાતમાં થયું છે.