બજેટ / જાણો બજેટમાં કયા વિભાગ માટે કેટલા કરોડની જોગવાઈ કરવામાં આવી

• ગુજરાત વિધાનસભામાં રજૂ થયું બજેટ
• કયા વિભાગને શું મળ્યું
• કોને મળશે બજેટનો સૌથી વધુ લાભ

કૃષિ , ખેડૂત કલ્યાણ અને સહકાર વિભાગ માટે કુલ ૨૭૪૨૩ કરોડની જોગવાઈ

કૃષિ અને ખેડૂત કલ્યાણ માટે બજેટમાં 27423 કરોડની જોગવાઈ કરાઈ છે. ખાતેદાર ખેડૂતોને અકસ્માત વીમા હેઠળ 72 કરોડની જોગવાઈ થઈ છે. ખેડૂતોને ઝીરો ટકા વ્યાજે ધિરાણ મળે તે માટે 1000 કરોડની જોગવાઈ કરવામાં આવી છે. ખેડૂતોને પાક વિમાનું પ્રીમિયમ ભરવા 1190 કરોડની જોગવાઈ છે જ્યારે રાષ્ટ્રીય કૃષિ વિકાસ યોજના અને તેને સંલગ્ન પ્રોજેક્ટ માટે ૩૦૦ કરોડની જોગવાઈ છે. આ સાથે એગ્રો અને ફૂડ પ્રોસેસિંગ એકમોને સહાય માટે 34 કરોડની જોગવાઈ કરી છે. ખેડૂતોને ટ્રેક્ટર તેમજ ઓજારોની ખરીદી માટે સહાય કરવામાં આવશે. આ સાથે જ 39,000 કરોડના કૃષિ ધિરાણ ઉપર શૂન્ય ટકા વ્યાજ છે. ખેડૂતોને વાર્ષિક રૂપિયા 6 હજાર સહાય અપાય છે, ગુજરાતના 48 લાખ ખેડૂતોને લાભ મળી રહ્યો છે, કમોસમી વરસાદને લઈને 3795 કરોડની સહાય આપી છે. 3,795 કરોડનું અત્યાર સુધીનુ કૃષિ સહાય પેકેજ બનાવ્યું છે.  ખેડૂતોને તેમના લાભની રકમ ખાતામાં સીધી જમા થઇ રહી છે. તીડના આક્રમણ સમયે સરકારે અસરકારક પગલાં લીધા છે અને સાથે સરકાર ખેડૂતો સાથે ઉભી રહી છે.

શિક્ષણ વિભાગ માટે 31, 955 કરોડની જોગવાઈ

ડે. સીએમએ બજેટ રજૂ કરતાં જણાવ્યું કે સરકારી શાળાઓમાં ગુણવત્તાયુક્ત શિક્ષણ માટે યોજના બનાવી છે. ગુણવત્તાયુક્ત શિક્ષણ માટે સ્કૂલ ઓફ એખસલન્સ યોજના બનાવી છે. 500 શાળાઓને સ્કૂલ ઓફ એકસલન્સ તરીકે વિકસાવાશે. શાળાઓમાં સુવિધાઓ માટે 250 કરોડની જોગવાઇ આપી છે. પ્રાથમિક શાળાઓમાં 7000 વર્ગખંડોનું બાંધકામ થશે. 7000 વર્ગખંડો માટે 650 કરોડની જોગવાઇ કરાઇ છે. શાળાઓમાં ઓનલાઇન રિયલ ટાઇમ મોનિટરિંગ કરાશે. રિયલ ટાઇમ મોનિટરિંગ માટે કમાન્ડ એન્ડ કંટ્રોલ સેન્ટર બનાવાશે. કમાન્ડ એન્ડ કંટ્રોલ સેન્ટર માટે 188 કરોડની જોગવાઇ કરાઇ છે. મધ્યાન ભોજન યોજના માટે અન્ન સંગમ યોજના બનાવાઇ છે. અન્ન સંગમ યોજના માટે 980 કરોડની જોગવાઇ કરાઇ છે.
રાઇટ ટુ એજ્યુકેશન એક્ટ હેઠળ 550 કરોડ, વર્યૂઅલ કલાસરૂમ-જ્ઞાનકુંજ સવલત માટે 125 કરોડ, વ્યારામાં 14 કરોડના ખર્ચે નવું જિલ્લા શિક્ષણ-તાલીમ ભવન બનશે. કોલેજમાં 3 લાખ વિદ્યાર્થીઓને ટેબલેટ યોજના બનાવાઇ છે. ટેબલેટ યોજના માટે 200 કરોડની જોગવાઇ કરવામાં આવી છે. ટેક્નિકલ શિક્ષણ સંસ્થાઓમાં બાંધકામ-મરામત માટે 155 કરોડ ફાળવાયાં છે. સરકારી યુનિવર્સિટીઓના બાંધકામ-ભવન નિર્માણ માટે 246 કરોડ ફાળવાયાં છે. કાછલ-મહુવા, ડેડીયાપાડ, ખેરગામ કોલેજમાં વિજ્ઞાન પ્રવાહ શરૂ થશે. નવી 7 ગ્રાન્ટ ઇન એઇડ વિજ્ઞાન પ્રવાહ કોલેજ શરૂ થશે. 

આરોગ્ય-પરિવાર કલ્યાણ વિભાગ માટે 11,243 કરોડની જોગવાઇ

સશક્ત મહિલા સુપોષિત ગુજરાત માટે 2000 કરોડની જોગવાઇ કરાઇ છે. મુખ્યમંત્રી અમૃતમ મા-મા વાત્સલ્ય યોજના માટે 1105 કરોડ, આયુષ્યમાન ભારત PM જન આરોગ્ય યોજના માટે 450 કરોડ, અર્બન હેલ્થ સેન્ટર માટે 80 કરોડની જોગવાઇ કરાઇ છે. રાજ્યમાં 3 નવી મેડિકલ કોલેજો બનશે. નવસારી, રાજપીપળા, પોરબંદરમાં મેડિકલ કોલેજ બનશે. કોલેજોના નિર્માણ માટે 125 કરોડની જોગવાઇ કરાઇ છે. SSG  હોસ્પિટલમાં નવી મેટરનિટી ચાઇલ્ડ હોસ્પિટલ બનશે. 180 કરોડના ખર્ચે નવી મેટરનિટી ચાઇલ્ડ હોસ્પિટલ બનશે. 108 એમ્બ્યુલન્સ માટે નવી 150 એમ્બ્યુલન્સ ખરીદાશે. 150 એમ્બ્યુલન્સ ખરીદવા 27 કરોડની જોગવાઇ કરાય છે. સોલા અમદાવાદ ખાતે લેગ્વેજ પેથોલોજી કોર્ષ શરૂ થશે. સોલા અમદાવાદ ખાતે કોકલીયર ઇમ્પલાન્ટ સેન્ટર કાર્યાન્વિત થશે.  

પાણી પુરવઠા માટે બજેટમાં રૂપિયા 4317 કરોડની જોગવાઇ 

17 લાખ ઘરોમાં પાણીની પાઇપલાઇ માટે રૂપિયા 724 કરોડ ફાળવાયાં છે. નલ સે જળ અભિયાન અંતર્ગત 1000 કરોડના કામ હાથ ધરાશે. સૌરાષ્ટ્ર માટે નાવડા, બોટાદ, ગઢડા માટે 1400 કરોડના કામ થશે. રી યૂઝ વોટર માટે 100 કરોડની જોગવાઇ કરાઇ છે. ગાંધીનગર શહેરમાં 24 કલાક પાણી વિતરણ માટે 240 કરોડ, નવા ચેકડેમ બનાવવા રૂપિયા 366 કરોડની જોગવાઇ અને જ્યારે કૃષિ યુનિવર્સિટી, કૃષિ સંશોધન માટે 750 કરોડની જોગવાઇ કરવામાં આવી છે. 

નિરાધાર વૃદ્ધ પેન્શન યોજના હેઠળ વૃદ્ધોને રૂ. 750ને બદલે રૂ.1 હજારની સહાય ચૂકવાશે

નિરાધાર વૃદ્ધ પેન્શન યોજના હેઠળ હવે 75 વર્ષથી વધુના વૃદ્ધોને રૂ. 750ને બદલે રૂ.1000ની સહાય ચૂકવાશે. જ્યારે 80 ટકાથી વધુ માનસિક દિવ્યાંગતા ધરાવતા લોકોને મહિને રૂ.600ની જગ્યાએ રૂ.1000ની સહાય ચૂકવવામાં આવશે. વૃદ્ધાશ્રમોની નિભાવ ગ્રાન્ટ માસિક રૂ.1500થી વધારી રૂ. 2160 કરવામાં આવશે.

બંદરો અને વાહન વ્યવહાર વિભાગ માટે 1397 કરોડની જોગવાઇ

બજેટમાં જાહેર પરિવહન માટે 895 નવી બસો સેવામાં મુકવામાં આવશે. બસોની ખરીદી માટે રૂપિયા 240 કરોડની ફાળવણી કરવામાં આવી છે. 7 નવા બસ સ્ટેશન બનાવવા માટે 30 કરોડની જોગવાઇ કરવામાં આવી છે. અલંગ શીપ રિસાઇક્લિંગ યાર્ડનું આધુનિકરીણ કરાશે. અલંગ શીપ યાર્ડના આધુનિકીકરણ માટે રૂપિયા 715 કરોડની ફાળવણી કરાઇ છે. 70 શિપ રિસાઇક્લિંગ પ્લોટ અપગ્રેડ કરાશે. 15 નવા પ્લોટ બનાવવામાં આવશે. 

જળસંપત્તિ વિભાગની વિવિધ કામગીરી માટે ૨૭૨૨૦ કરોડની જોગવાઇ 

સૌરાષ્ટ્ર વિસ્તાર માટે આશીર્વાદ સાબિત થયેલ સૌની યોજનાના પ્રથમ અને બીજા તબક્કાની અત્યાર સુધી પૂર્ણ થયેલ કામગીરીથી ૩૨ જળાશયો , ૪૮ તળાવો અને ૧૮૧ કરતાં વધુ ચેકડેમોમાં નર્મદાના પાણી ભરવામાં આવેલ છે . સૌની યોજનાનાં ત્રીજા તબક્કાના ૨૪૦૩ કરોડનાં પાંચ પેકેજના કામો પ્રગતિ હેઠળ છે . સૌની યોજના માટે રૂ ૧૭૧૦ કરોડની જોગવાઇ. 

ગર્ભ જળના સ્તર ઊંચા લાવવા તેમજ ભૂગર્ભ જળ વ્યવસ્થાપનને ઉત્તેજન આપવા ભારત સરકારના સહયોગથી અટલ ભુજલ યોજના અમલમાં આવેલ છે . આ યોજના હેઠળ ઉત્તર ગુજરાત અને કચ્છ જિલ્લાના ૨૪ તાલુકાઓને પાંચ વર્ષના સમયગાળા માટે રૂ.૭૫૭ કરોડ ફાળવવાનું આયોજન કરેલ છે. ચેકડેમ, તળાવો નવા બનાવવા અને ઊંડા કરવા જેવા જળસંચય યોજનાઓના કામો માટે રૂ.૩૬૬ કરોડની જોગવાઇ. બનાસકાંઠા જિલ્લામાં થરાદથી સીપ ડેમ સધી પાઈપલાઈન નાખવાથી થરાદ , લાખણી , ડીસા અને દાંતીવાડા તાલુકાના આશરે ૬૦૦૦ હેક્ટર વિસ્તારને લાભ થશે . જેના માટે રૂ.૨૨૫ કરોડની જોગવાઈ.  કચ્છમાં નર્મદાના પૂરના વધારાના પાણી દ્વારા સિંચાઈ સુવિધાઓ વધારવાનું આયોજન છે . આ યોજનાથી પ૭ , ૮૫૦ હેકટર વિસ્તારને સિંચાઇનો લાભ થશે . જેના માટે રૂ.૧૦૦ કરોડની જોગવાઇ. સાબરમતી નદી પર ૨૨૦૦ કરોડના ખર્ચે હાથ ધરવામાં આવી રહેલ હિરપુરા અને વિલાસણા બેરેજ માટે રૂ.૬૦ કરોડની જોગવાઇ. પીયજથી ધરોઇ, ધાધૂંસણથી રેડલક્ષ્મીપુરા અને ખેરવા - વિસનગર યોજનાના કામો પૂર્ણતાના આરે છે. જેના માટે રૂ.૫૫ કરોડની જોગવાઇ. આદિજાતિ વિસ્તાર માટે કુલ જોગવાઈ રૂ.૧૧૪૨ કરોડની જોગવાઈ છે. 

ઉકાઈ જળાશય આધારિત રૂ.૯૬૨ કરોડની સોનગઢ - ઉચ્છલ - નિઝર ઉદ્વહન સિંચાઈ યોજના માટે રૂ.૨૫૦ કરોડની જોગવાઇ. કડાણા જળાશય આધારિત કડાણા - દાહોદ પાઇપ લાઇનનું કામ મહદ્અંશે પૂર્ણ થયેલા છે. આ પાઇપલાઇન આધારિત વધારાન ૭૪ તળાવો અને ૧૨ નદી - કાંસમાં પાણી આપવા માટે રૂ.૨૨૩ કરોડના ખર્ચનું આયોજન છે. જે માટે રૂ.૧૦૩ કરોડની જોગવાઇ. સુરત જિલ્લાના ઉમરપાડા તાલુકામાં અને નર્મદા જિલ્લાના ડેડીયાપાડા તાલુકામાં તાપી - કરજણ લીંક પાઇપલાઇન ઉદ્વહન સિંચાઈ યોજના માટે રૂ.૯૨ કરોડની જોગવાઇ. પાનમ જળાશય આધારિત યોજનાઓ રૂ.૨૪૯ કરોડના ખર્ચે ફરવાનું આયોજન છે . જે માટે રૂ.૭૩ કરોડની જોગવાઈ. દક્ષિણ ગુજરાતમાં રૂ.૫૧૧ કરોડની સુરત જિલ્લાની કાકરાપાર - ગોરધા - વડ ઉદ્વહન સિંચાઈ યોજના માટે ૭૦ કરોડની જોગવાઈ.  રૂ. ૨૧૫ કરોડની પાનમ ઉચ્ચ સ્તરીય કેનાલ આધારિત ઉદ્વહન સિંચાઈ યોજના માટે રૂ.૫૭ કરોડની જોગવાઈ. કરજણ જળાશય આધારિત રૂ.૪૧૮ કરોડ ખર્ચે પાઇપ લાઈન નાખવાની કામગીરી માટે ૨૮ કરોડની જોગવાઇ. નવસારી જિલ્લાના ગણદેવી તાલુકાની વાઘરેજ રીચાર્જ યોજના માટે રૂ.૨૫ કરોડની જોગવાઈ.

ભાડભૂત બેરેજ
જમીનની ખારાશ અટકાવવા તથા ભૂગર્ભજળની ગુણવત્તા સુધારવા માટે ભાડભુત રજની કામગીરી શરૂ કરવા તથા કલ્પસર યજનો અંતર્ગત અભ્યાસ પૂર્ણ કરવા માટે કુલ રૂ.૪૦૦ કરોડની જોગવાઈ.

સૂક્ષ્મ સિંચાઈ
ખેડૂતોની પ્રગતિશીલ વિચારસરણી અને સરકારના પ્રયત્નોથી અત્યાર સુધીમાં કુલ ૧૮ . ૭૪ લાખ હેકટર વિસ્તારમાં સૂક્ષ્મ સિંચાઈ યોજના અમલી કરી શકાઇ છે . રાજયના અંદાજિત ૧૧. ૫૧ લાખ ખેડૂતોએ સૂક્ષ્મ સિંચાઈ પદ્ધતિ અપનાવીને પાણીના કરકસરયુકત ઉપયોગ દ્વારા ગુણવત્તાયુકત વધુ ઉત્પાદન મેળવેલ છે . આ યોજના માટે રૂ.૭૫૦ કરોડની જોગવાઈ છે.  રાજયમાં માઇક્રો ઇરીગેશન સિસ્ટમનો વ્યાપ વધારવા માટે અને સિંચાઇનાં પાણીનો કાર્યક્ષમ ઉપયોગ કરવા માટે જે ખેડૂત જૂથો હયાત કેનાલનાં માળખામાંથી પાણી મેળવી , માઇક્રો ઇરીગેશન સિસ્ટમ મારફતે સિંચાઇ કરશે તે ખેડૂત જૂથોને પ્રવર્તમાન પીયાવાના દરમાં ૫૦ ટકા રાહત આપવામાં આવશે.  નર્મદા યોજના ગુજરાતની સમૃદ્ધિમાં અમૂલ્ય યોગદાન આપનાર નર્મદા યોજનાથી થયેલ વિવિધ લાભો અંગે આપણે સૌ માહિતગાર છીએ જ. આ યોજનાનો પૂર્ણ લાભ લેવા અને જરૂરી કામોને પૂર્ણ કરવા રૂ.૮૭૫૫ કરોડનું આયોજન છે . જેના અંતર્ગત મુખ્ય બંધના આનુષંગિક કામો , પુન:વસન તથા પર્યાવરણીય કામગીરી, ગરુડેશ્વર વિયર, ગોરા બ્રિજના બાંધકામ, પાવર હાઉસોની જાળવણી, કેનાલ ઓટોમેશનની કામગીરી , પ્રપ્રશાખા નહેરો સુધીના કામો તેમજ જમીન સંપાદન જેવા કામો કરવામાં આવશે. નર્મદા બંધ પરથી ચોમાસા દરમિયાન ઉપલબ્ધ થનાર વધારાના પાણી પૈકી , કચ્છને ૧ મિલીયન એકર ફીટ પાણી પહોંચાડવાનું આયોજન છે . જે માટે કચ્છ શાખા નહેરની બાકીના કામો પૂર્ણ કરવા, દુધઇ પેટા શાખાના કામો અને તેની વિતરણ નહેરોના કામો હાથ ધરવા રૂ.૧૦૮૪ કરોડની જોગવાઇ. નર્મદા યોજનાના નહેર માળખાની મિયાગામ, વડોદરા , સૌરાષ્ટ્ર અને કચ્છ શાખાના ઉપર કુલ ૧૮ સ્થળોએ નાના વીજ મથકો બનાવવાની કામગીરી પ્રગતિ હેઠળ પૈકી ૮ વીજ મથક કાર્યરત થયેલ છે. બધા જ વીજ મથકો કાર્યરત થતાં કુલ બા ઉત્પાદન આશરે ૮૬ મેગાવોટ થશે. જે માટે રૂ.૯૦ કરોડની જોગવાઇ.

આ વિભાગો માટે પણ કરાઈ છે મોટી જાહેરાત

• મહિલા બાલ વિકાસ વિભાગ માટે 3150 કરોડની જોગવાઈ
• આદિજાતિ વિસ્તારના સિંચાઈ માટે 1142 કરોડની જોગવાઈ
• સામાજિક ન્યાય અને અધિકારીકતા વિભાગ માટે 4321 કરોડની જોગવાઈ
• આદિજાતિ વિકાસ વિભાગ માટે 2675 કરોડની જોગવાઈ
• પંચાયત ગ્રામ ગૃહ નિર્માણ અને ગ્રામ વિકાસ વિભાગ માટે 9091 કરોડની જોગવાઈ
• શહેરી વિકાસ અને શહેરી ગૃહ નિર્માણ વિભાગ માટે 13, 440 કરોડની જોગવાઈ
• શ્રમ અને રોજગાર વિભાગ માટે 1461 કરોડની જોગવાઈ
• માર્ગ અને મકાન વિભાગ માટે 10,200 કરોડની જોગવાઈ
• સ્વચ્છ ભારત મિશન ગ્રામીણ અટગરત 803 કરોડ જોગવાઈ
• મહાત્મા ગાંધી રાષ્ટ્રીય ગ્રામીણ રોજગાર અંતર્ગત 490 કરોડ કરાઈ જોગવાઈ
• શ્યામા પ્રસાદ મુખર્જી રુબર્ન મિશન માટે 235 કરોડ જોગવાઈ
• આદિજાતિ વિકાસ વિભાગ માટે ૨૬૭૫ કરોડની જોગવાઈ.
• આશ્રમ શાળાઓ માટે ૩૭૪ કરોડની જોગવાઈ.
• વનબંધુ કલ્યાણ યોજના હેઠળ ૧૪,૧૦૬ કરોડની જોગવાઈ
• પોસ્ટ મેટ્રીક વિદ્યાર્થી ઓને શિષ્યવૃત્તિ માટે ૩૭૯ કરોડની જોગવાઈ
• ઉર્જા અને પેટ્રો કેમિકલ્સ વિભાવ માટે 13, 917 કરોડની જોગવાઈ
• ક્લાઈમેટ ચેન્જ વિભાગ માટે 1019 કરોડની જોગવાઈ
• ઉધોગ અને ખાન ખનીજ વિભાગ માટે 7017 કરોડની જોગવાઈ
• વન અને પર્યાવરણ વિભાગ માટે 1781 કરોડની જોગવાઈ
• ગૃહ વિભાગ માટે 7503 કરોડની જોગવાઈ
• અન્ન નાગરિક પુરવઠા વિભાગ માટે 1271 કરોડની જોગવાઈ
• મહેસુલ વિભાગ માટે 4473 કરોડની જોગવાઈ