ગુજરાત બજેટ / નાણામંત્રી નીતિન પટેલ આઠમીવાર રજૂ કરશે ગુજરાતનું બજેટ, શું હશે બજેટમાં?

• નાણામંત્રી નીતિન પટેલ આઠમી વાર બજેટ રજૂ કરશે
• સત્ર દરમિયાન કામકાજના કુલ 22 દિવસો
• કેમ મોડુ રજુ  કરવામાં આવ્યું બજેટ

નાણામંત્રી નીતિન પટેલ વર્ષ 2020-21નું બજેટ રજૂ કરશે. રાજ્ય સરકાર નારાજ ખેડૂતો, બેરાજગારોથી માંડીને આમ જનતાને રાજી કરવા આ વખતે કરવેરા વિનાનું ફુલગુલાબી બજેટ રજૂ કરવા તૈયારીઓ કરી છે.નાણાંમંત્રીના પટારામાં શું ખૂલશે તેના પર સૌ કોઇની નજર મંડાઇ છે. જોકે, આ વખતે ગુજરાતના બજેટનું કદ બે લાખ કરોડને પાર કરી જશે.

કેમ મોડુ રજુ  કરવામાં આવ્યું બજેટ

જોકે,24મીએ વિધાનસભામાં બજેટ રજૂ થવાનું હતુ પણ અમેરિકન રાષ્ટ્રપ્રમુખ ડોનાલ્ડ ટ્રમ્પની અમદાવાદ મુલાકાતને પગલે વિધાનસભા સત્રના સમયમાં ફેરબદલ કરાયો હતો.

નાણામંત્રી નીતિન પટેલ આઠમી વાર બજેટ રજૂ કરશે

ગુજરાતના સૌથી વધુ બજેટ રજૂ કરવાના વિક્રમ નાણામંત્રી વજુભાઇ વાળાના નામે છે. આજે નિતીન પટેલ ફરી એકવાર બજેટ રજૂ કરશે. આજે નીતિન પટેલ આઠમી વાર બજેટ રજૂ કરશે. આઠમી વાર બજેટ રજૂ કરીને નાણાંમંત્રી નીતિન પટેલ એક નવો રેકર્ડ કરશે. નીતિન પટેલે બે વાર લેખાનુદાન અને પાંચ વાર પૂર્ણ બજેટ રજૂ કર્યું છે.

કેટલા દિવસનું છે સત્ર

14મી વિધાનસભાનો પ્રારંભ થઇ રહ્યો છે. સત્ર દરમિયાન કામકાજના કુલ 22 દિવસો હશે. સમગ્ર સત્ર દરમિયાન એકદંરે ગૃહની કુલ 25 બેઠકો મળશે. 

કેવી હશે શરૂઆત?

પ્રથમ દિવસે પ્રશ્નોતરી કાળ બાદ ભૂતપૂર્વ ધારાસભ્ય દોલતભાઇ દેસાઇ,કરમશીભાઇ કોળી અને ગોવિંદભાઇ ચૌહાણના અવસાન અંગે શોકદર્શક ઉલ્લેખ હાથ ધરાશે. સરકારી વિધેયકો પણ રજૂ થનાર છે. આ વખતે સરકાર માછીમાર સંરક્ષણ બિલ લાવી શકે છે જેમાં અન્ય રાજ્યના માછીમાર ગુજરાતની જળસિમામાં પ્રવેશી નહી શકે. આ સત્ર તોફાની બને રહે તેવી શક્યતા છે.