વેક્સીનેશનમાં ગુજરાતની અભૂતપૂર્વ સિદ્ધિ .નિર્ધારિત લક્ષ્યાંક કરતા પણ વધુ નાગરિકોનું થયું રસીકરણ
ગુજરાતની વધુ એક સિદ્ધિ
1 કરોડ 34 લાખ ડોઝ અપાયા
રસીકરણમાં 'અવ્વલ'ગુજરાત
રાજ્યમાં કોરોના વેક્સિનેશન અભિયાનને વધુ વ્યાપક બનાવી ઓગસ્ટ મહિના દરમિયાન સમગ્ર રાજ્યમાં વેક્સિનના 1 કરોડ ડોઝ અપવાનો લક્ષ્યાંક રાખ્યો હતો. જેની સામે 1 કરોડ 34 લાખ ડોઝ આપવાની વિક્રમજનક કામગીરી કરવામાં આવી છે રસીકરણ ક્ષેત્રે અન્ય એક સિદ્ધિ પણ ગુજરાતે મેળવી છે.
ઓગસ્ટમાં 8 લાખ ડોઝ વધારે
રાજયમાં 31 ઓગસ્ટ મંગળવારે એક જ દિવસમાં સમગ્ર રાજ્યમાં 8 લાખથી વધુ રસીના ડોઝ અપાયા છે. આમ રાજ્યમાં એક જ દિવસમાં સૌથી વધુ રસીના ડોઝની આપવાનો વિક્રમ સર્જાયો છે.મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલના માર્ગદર્શનમાં ગુજરાતે કોરોના વેક્સિન ઝૂંબેશ વેગવંતી બનાવી, ઓગસ્ટ માસ દરમિયાન વેક્સિનના 1કરોડ 34લાખ ડોઝ આપવાની આગવી સિદ્ધિ મેળવી છે.
18 વર્ષથી ઉપરમાં પણ અગ્રેસર
ગુજરાત પર મિલિયન વેક્સિનેશનમાં દેશના મોટા રાજ્યોમાં અગ્રેસર રાજ્ય રહ્યું છે .ગુજરાતમાં 18 વર્ષથી ઉપરની વયના રસીકરણ માટે પાત્રતા ધરાવતા કુલ4કરોડ 93 લાખ 20 હજાર 903 લોકોમાંથી અત્યાર સુધીમાં 70.20% લોકો એટલે કે 3 કરોડ 46 લાખ 14 હજાર 660 લોકોને પ્રથમ ડોઝ અને 1 કરોડ 16 લાખ 56 હજાર 5 લોકોને બીજો ડોઝ મળી કુલ 4,,62,70,665 ડોઝ વેક્સિનના આપવામાં આવ્યા છે.
ઝુંબેશ સફળ
રાજ્યના આરોગ્ય કર્મીઓ, તબીબો, પેરા મેડિકલ સ્ટાફ સહિત સૌએ ઓગસ્ટ મહિના દરમિયાન આ રસીકરણ અભિયાનને ઝુંબેશ સ્વરૂપે ઉપાડીને સફળ બનાવ્યું છે તે માટે મુખ્યમંત્રી વિજય રૂપાણી અને નાયબ મુખ્યમંત્રી નિતીન પટેલે સૌ આરોગ્ય કર્મીઓને આ સઘન કામગીરી માટે અભિનંદન પાઠવ્યા છે.
.