આવતીકાલે ધોરણ-10ની પરીક્ષાનું પરિણામ જાહેર થવાનું છે. સવારે 8 કલાકે રાજ્યસરકારની સત્તાવાર વેબસાઇટ gseb.org પર વિદ્યાર્થીઓ પોતાનું પરિણામ જોઈ શકશે.ખાસ કરીને આ વર્ષનું પરિણામ ઉંચુ જશે કે નીચુ તે ગણિતના પેપરના ગ્રેસીંગ માર્કસ પર આધારીત રહેવાની સંભાવના છે.
છેલ્લા ઘણા વર્ષોમાં પ્રથમ વખત ગણિતનું પેપર અઘરું હોવાથી પરીક્ષા ફરીથી લેવાની માંગ ઉઠી હતી.પરંતુ બોર્ડે આ માગને ધ્યાનમાં રાખી ન હતી. સૂત્રનો જણાવ્યા પ્રમાણે આ વર્ષે ગણિતના પેપેરમાં 2થી 12 ગુણ સુધી ગ્રેસીંગ માર્કસ અપાશે પણ બોર્ડ દ્વારા આ બાબતે કોઈ સ્પષ્ટતા કરાઈ ન હતી જેથી આવતીકાલનું પરિણામ ગણિતના પેપર પર આધારીત રહેશે.
ઉલ્લેખનીય છે ધોરણ-10ની પરીક્ષા ગત માર્ચ માસમાં યોજાઇ હતી જેમાં કેટલાય વિદ્યાર્થીઓએ પરીક્ષા આપી હતી ત્યારે આવતીકાલે પરિણામ જાહેર થવાનું હોઇ વિદ્યાર્થીઓમાં ખાસ ઉત્સાહ જોવા મળી રહ્યો છે.જો કે ચાલુ વર્ષે ગણિતનું પેપર અઘરું નિકળતા વિદ્યાર્થીઓ અને વાલીઓએ માગણી કરી હતી જો કે બોર્ડ દ્વારા આ બાબતે કોઇ સકારાત્મક જવાબ આપ્યો ન હતો. ત્યારે હવે આવતીકાલે પરિણામ જાહેર થવાનું છે ત્યારે જોવું જ રહ્યું કે પરિણામ ઉંચુ આવે છે કે નીચુ તે આવતીકાલે જ ખબર પડશે.
આપને જણાવી દઇએ કે પરિણામની માર્કશીટનું વિતરણ નક્કી કરાયેલા જિલ્લા વિતરણ સ્થળો પર સવારે 11 થી 4 વાગ્યા દરમિયાન મેળવી શકશે. જો કે આ વખતે પરિણામ ગત વર્ષની સરખામણીમાં કેવુ રહે છે તે સમય જ બતાવશે. આ પરિણામ બાદ 31મીએ ધો. 12 કોમર્સના પરિણામ જાહેર કરવામાં આવશે.