ગાંધીનગર / કોરોનાના પગલે લોકડાઉન વચ્ચે આજથી ધોરણ 10-12ની પરીક્ષાના મુલ્યાંકનનો પ્રારંભ

• આજથી ધોરણ 10 અને 12ની પરીક્ષાનું મૂલ્યાંકન શરૂ થશે
• શિક્ષકોને થર્મલ ગનથી ચેક કરી પેપર તપાસવા જવા દેવાશે
• મેડિકલ સુવિધા સાથે કેન્દ્રો પર પેપર ચેક થશે

રાજ્યમાં લેવાયેલી ધોરણ 10 અને 12ની બોર્ડની પરીક્ષાના પેપરોનું ચેકિંગ આજથી શરૂ કરવામાં આવશે. જેને લઇને શિક્ષકોને થર્મલ ગનથી ચેકીંગ કરી પેપર તપાસવા જવા દેવામાં આવશે. આ સાથે સરકાર દ્વારા ધોરણ-10 અને 12ના પેપર ચેકિંગ કેન્દ્રો પર મેડિકલ સુવિધાનું આયોજન પણ કરેલ છે. 

આમ સરકાર દ્વારા નક્કી કરાયેલા વિવિધ કેન્દ્રો પર બોર્ડની પરીક્ષાના પેપર ચેકિંગની શરૂઆત કરવામાં આવી રહી છે. જેમાં ચેકિંગ કરવા આવનારા શિક્ષકોનું થર્મલ ગનથી ચેકિંગ કરવામાં આવશે. 

ઉલ્લેખનીય છે કે આ અગાઉ હાલ રાજ્યમાં કોરોના વાયરસના પગલે ચાલી રહેલા લોકડાઉન વચ્ચે અહેવાલ સામે આવ્યાં હતા જેમાં ધોરણ-10 અને 12ની બોર્ડની પરીક્ષાના પરીણામમાં વિલંબ થઇ શકે છે. થોડા સમય પહેલા લોકડાઉનના પગલે ઉત્તરવહી તપાસવાની પ્રક્રિયા બંધ કરી દેવામાં આવી હતી. જો આ પ્રક્રિયા 14 એપ્રિલ સુધી બંધ રાખવાનો નિર્ણય લેવાયો હોવાથી હાલ હવે તપાસ શરૂ કરવાનો નિર્ણય લેવામાં આવ્યો છે.