રાજ્યમાં સ્પર્ધાત્મક પરીક્ષાના પેપર ફૂટવાની સતત વધી રહેલી ઘટનાઓ વચ્ચે ધોરણ 10 બોર્ડની પરીક્ષાનું પેપર પૂર્ણ થાય તે પહેલા સોશિયલ મીડિયા પર વાયરલ થયું છે. ત્યારે હવે તપાસ પણ શરૂ થઇ છે.
ધોરણ 10ના હિન્દીના પેપરના જવાબો વાયરલ
સોશિયલ મીડિયા પર પેપર થયું વાયરલ
દાહોદના એક વ્યક્તિએ અપલોડ કર્યાનું આવ્યુ બહાર
ધોરણ 10ના હિન્દી પેપરના જવાબો વાયરલ થવાનો મામલો સામે આવતાં ગુજરાતની વિવિધ પરીક્ષાની પ્રણાલી પર સવાલો ઉઠ્યા છે. સોશિયલ મીડિયામાં વાયરલ થયેલા બોર્ડની પરીક્ષાના પેપર મામલે એક મહત્વનો ખુલાસો પણ થયો છે. હિન્દીનુ આ પેપર દાહોદથી સોશિયલ મીડિયામાં અપલોડ થયાનુ સામે આવ્યુ છે. જેમાં વ્યક્તિ દ્વારા પોતાના ફેસબુક પર વાયરલ કર્યાનો ખુલાસો થયે છે. અપના અડ્ડા નામના ગુજરાતી ફેસબુક ગ્રુપમાં આ પેપર વાયરલ થયુ હોવાનુ ખુલ્યુ છે.
જે તપાસમાં સામે આવશે તેની સામે કાર્યવાહી કરાશે: ગુજરાત માધ્યમિક શિક્ષણ બોર્ડના ચેરમેન
હિન્દી દ્વિતિય ભાષાનું સોલ્વ કરેલું પેપર વાયરલ થવા અંગે પરીક્ષા સચિવ ભીખાભાઈ ચૌધરીએ કહ્યું કે, દરેક જિલ્લાના DEOને તપાસના આદેશ અપાયા છે. પેપર વાયરલ થયું હોવાના સમાચાર બાદ તપાસ શરૂ કરાઈ છે. જે તપાસમાં સામે આવશે તેની સામે કાર્યવાહી કરાશે. પરીક્ષા બોર્ડના ચેરમેને કહ્યું કોઈ વિદ્યાર્થી વહેલો નીકળ્યો હોય તેવુ બની શકે. 1-2 તત્વો હોય છે તે આવુ કૃત્ય કરતા હોય છે, સમગ્ર ઘટનાને શિક્ષણ બોર્ડ ગંભીરતાથી લે છે અને તપાસના આદેશ અપાયા છે.
ધોરણ 10ના પેપરમાં પણ ગેરરીતિ થાય છેઃ કોંગ્રેસ પ્રવક્તા
ધોરણ 10ના હિન્દીના પેપરના જવાબો ફરતા થવાનો મામલે કોંગ્રેસ પ્રવક્તા મનીષ દોશીએ કહ્યું કે, શિક્ષણ વિભાગ માટે શરમજનક વાત છે. મહેસાણામાં પણ અગાઉ બારોબાર પેપર લીક થયું હતું. કોંગ્રેસ સવાલ પૂછે છે કે તપાસ કેમ નથી થતી. ગુજરાતનો મહેનત કરતા વિદ્યાર્થીઓ સાથે રમત રમાઈ રહી છે. ધોરણ 10ના પેપરમાં પણ ગેરરીતિ થાય છે. ચાલુ પરીક્ષાએ સોલ્વ કરેલું પેપર કેવી રીતે વાયરલ થયું?