ઉજવણી / ભાજપના નવા પ્રદેશ પ્રમુખ C R Patil ના સન્માનમાં જે રેલી યોજવામાં આવી હતી તે રદ્દ, જાણો કારણ

• સુરતમાં સી.આર.પાટીલની સ્વાગત રેલી રદ
• ભીડ વધુ થવાની શક્યતાને લઈ નિર્ણય
• પાટીલની નવસારીની રેલી પણ કરાઈ રદ

ભાજપ પ્રદેશ પ્રમુખ સી.આર.પાટીલની રેલી રદ કરી દેવામાં આવી. ભીડ વધુ થવાની શક્યતાને લઇ રેલી રદ કરવાનો નિર્ણય લેવામાં આવ્યો છે. આ ઉપરાંત નવસારીની રેલી પણ રદ કરી દેવાઇ છે. સુરત એરપોર્ટ પર બેઠક બાદ નિર્ણય કરવામાં આવ્યો છે. જેમાં કાર્યકર્તાઓને મળવાનો કાર્યક્રમ પણ રદ કરી દેવાયો છે.

આ અંગે ભાજપ પ્રદેશ પ્રમુખ સી.આર.પાટીલે કહ્યું કે જવાબદારી બાદ પ્રથમવાર સુરત આવ્યો. અને મારા સ્વાગત માટે કાર્યક્રમનું આયોજન કરાયું હતું. પરંતુ વધુ ભીડ થવાની શક્યતાના કારણે રેલી રદ કરી દેવાઇ છે. નાનુ પણ જોખમ હોય તો હું લેવા નથી માગતો. અને મારે આવા શક્તિ પ્રદર્શનની જરૂર નથી.

સુરતમાં સી.આર.પાટીલની રેલીમાં નેતાઓ ભૂલ્યા ભાન

સુરતમાં સી.આર.પાટીલની રેલીને લઈને ભાજપનો એક કિલોમીટરનો ધ્વજ બનાવાયો. ધ્વજને દેખાડવામાં નેતાઓ ભાન ભૂલ્યા હતા. રેલીમાં નેતાઓએ સામાજિક અંતરનું પાલન કરવાનું ભૂલ્યા. ધ્વજને દેખાડવામાં નેતાઓ સામાજિક અંતર ભૂલ્યા હતા. સરકાર દ્વારા ગાઈડલાઈન જાહેર કરાતા પોલીસ દ્વારા સામાજિક અંતર ન જળવાતા લોકો સામે કાર્યવાહી કરાય છે.. જોકે નેતાઓ દ્વારા ગાઈડલાઈનનું પાલન ન કરાતા શું કાર્યવાહી કરાય તે આગામી દિવસોમાં જોવાનું રહેશે.