વિવાદ / ઓ ભાઈ... હું બેઠો છું ને જવાબ આપવા... તમારે બોલવાની જરૂર નથી : સી.આર પાટીલે ભાજપના પ્રવક્તાને રોક્યા

• ભાજપ પ્રદેશ પ્રમુખ સીઆર પાટીલે ભાજપ નેતા રાજૂ ધ્રુવને કરી ટકોર
• રિપોર્ટરે પુછેલા સવાલનો જવાબ આપતા સમયે રાજૂ ધ્રુવને અટકાવ્યા
• રિપોર્ટરે લાંબો સવાલ પૂછતા રાજૂ ધ્રુવ વચ્ચે બોલતા પાટીલે કરી ટકોર

ભાજપના પ્રદેશ પ્રમુખ સી.આર.પાટીલ સૌરાષ્ટ્રના પ્રવાસે હતા. ત્યારે રાજકોટમાં પત્રકારો સાથે વાત કરી રહ્યા હતા. ત્યારે ભાજપના જ પ્રવક્તા રાજુ ધ્રુવ વચ્ચે બોલતા પાટીલે ગુસ્સે થઈ ગયા હતા. અને રાજુ ધ્રુવને ચાલુ પ્રેસ કોન્ફરન્સમાં ટકોર કરી હતી કે હું અહીં બેઠો છું ને જવાબ આપવા માટે. તમે ન બોલો પાટીલના આવા તેવર જોઈ તમામ લોકો આશ્ચર્યચકિત થઈ ગયા હતા.

વાત કંઈ એવી હતી કે પત્રકારોના પ્રશ્નોના જવાબ પાટીલ આપી રહ્યા હતા. ત્યારે એક પત્રકારે પાટીલને લાંબો પ્રશ્ન પૂછ્યો. તો પાટીલે કહ્યું અરે ભાઈ તમે સીધા પ્રશ્ન પર આવી જાઆને. તો વચ્ચે રાજુ ધ્રુવ એ પત્રકારને કંઈ કહેવા લાગ્યા. ત્યારે પાટીલ હળવા ગુસ્સામાં આવ્યા અને રાજુ ધ્રુવને ટકોર કરતા કહ્યું કે હું જવાબ આપવા માટે બેઠો છું..તમે વચ્ચે ન બોલો. પાટીલના આ ટકોરની વીડિયો હાલ સોશિયલ મીડિયામાં ખુબ જ વાયરલ થયો છે. 
 

પત્રકારો સાથેની વાચતીચમાં ભાજપ પ્રદેશ પ્રમુખ સીઆર પાટીલે ભાજપ નેતા રાજૂ ધ્રુવને ટકોર કરી હતી. અને કહ્યું કે હું જવાબ આપવા માટે બેઠો છું, તમે વચ્ચે ના બોલશો"@CRPaatil @BJP4Gujarat #RajuDhruv @CMOGuj@vijayrupanibjp pic.twitter.com/ixhPzW8xr4

— VTV Gujarati News and Beyond (@VtvGujarati) August 22, 2020