ગુજરાતમાં સહકારી ક્ષેત્રોનું રાજકારણમાં ખુબ મહત્વ છે ત્યારે છેલ્લા કેટલાક સમયથી જૂથવાદને કારણે ઘણા બધા સહકારી સેક્ટરમાં ભાજપના વળતાં પાણી જોવા મળી રહ્યા છે ત્યારે ભાજપ પ્રદેશ પ્રમુખ C R Patil હવે આ મુદ્દે ડેમેડ કંટ્રોલની કવાયત હાથ ધરી છે.
સહકારી ક્ષેત્ર પર સી.આર.પાટીલની નજર
પાટીલ સહકારી ક્ષેત્રના માળખાને કરશે ઠીક
સહકારી ક્ષેત્રમાં ભ્રષ્ટાચાર આચરનારાને સામે કડક વલણ
ભાજપના પ્રદેશ પ્રમુખ સી.આર.પાટીલ સહકારી ક્ષેત્રના માળખાને ઠીક કરશે. સહકારી ક્ષેત્રમાં ભ્રષ્ટાચાર આચરનારા સામે કડક વલણ અપનાવ્યું છે. વર્ષોથી સહકારી ક્ષેત્રે સંકળાયેલા હક જમાવતા લોકોને દૂર કરાશે.
સ્વચ્છ છબી ધરાવતા આગેવાનોને પ્રાધાન્ય અપાશે
સૂત્રોના જણાવ્યા અનુસાર ગુજરાતના સહકારી માળખાના ઢાંચાને ઠીકઠાક કરવામાં આવશે. સહકારી ક્ષેત્રમાં ભાજપમાં મોટા પ્રમાણમાં જૂથવાદ છે. અનેક સંઘોમાં ભાજપના જૂથો જ આમને સામને આવી ગયા છે. સહકારી ક્ષેત્રની સંસ્થા અંગે સંપૂર્ણ વિગતો મેળવશે. અને સ્વચ્છ છબી ધરાવતા આગેવાનોને પ્રાધાન્ય અપાશે. ભાજપના કેટલાક નેતાઓ પણ સહકારી ક્ષેત્ર પર વોચ રાખશે. નેતાઓ રિપોર્ટ તૈયાર કરી સી.આર.પાટીલને સોંપશે.