દૂર્ઘટના / સૌરાષ્ટ્ર પ્રવાસ દરમ્યાન ભાજપ પ્રદેશ પ્રમુખ પાટીલ થયા ઘાયલ, આંખના સર્જન પાસે લઈ જવાયા

• ગુજરાત ભાજપ પ્રમુખ સી.આર.પાટીલ ઈજાગ્રસ્ત થયા
• સ્વાગતમાં ફટાકડા ફોડતા આંખમાં થઈ ઈજા
• અભિવાદન સમયે પુષ્પવર્ષા માટે રાખેલી ગનમાંથી વિસ્ફોટ થયો
• સી.આર.પાટીલને આંખના સર્જન પાસે લઈ જવાયા

આજે ભાજપના પ્રદેશ પ્રમુખ C R Patil અને ગોરધન ઝડફિયા સહિતના નેતાઓ  સૌરાષ્ટ્રની મુલાકાતે છે ત્યારે ગીરસોમનાથમાં એક ગોઝારી ઘટના ઘટી છે. ભાજપ પ્રમુખ સી.આર. પાટીલ ઇજાગ્રસ્ત થયા છે. એક તરફ ગોરધન ઝડફિયાની હત્યાનું કાવતરું નિષ્ફળ બનાવાયું છે. ત્યારે C R Patil સાથે બનેલી ઘટના અકસ્માત છે કે તેમાં પણ કોઈ ષડયંત્ર છે તે અંગે ચર્ચા જાગી છે.  

કેવી રીતે થી C R Patilને ઈજા?

સ્વાગતમાં ફટાકડા ફોડતા આંખમાં ઇજા થઇ છે. સી.આર.પાટીલને આંખના સર્જન પાસે લઇ જવાયા છે. અભિવાદન સમયે પુષ્પ વર્ષા માટે રાખેલ ગનમાંથી વિસ્ફોટ થયો હતો. 

ગોરધન ઝડફિયાની હત્યાનું શુ હતુ પ્લાનીગં?

ભાજપના નેતા ગોરધન ઝડફિયાની હત્યાનું ષડયંત્ર ATSએ નિષ્ફળ બનાવ્યું છે. ATSએ એક આરોપીની ધરપકડ કરી છે. ઝડપાયેલા આરોપીએ મોટો ખુલાસો કર્યો છે. પાકિસ્તાનથી હત્યાની સોપારી આપવામાં આવી હતી. આરોપી મોટા રાજકીય નેતાની હત્યા કરવા માટે આવ્યો હતો. ભાજપના નેતા ગોરધન ઝડફિયાની હત્યા કરવાનું ષડયંત્ર હતું. ફાયરિંગની ઘટના બાદ ગોરધન ઝડફિયાની સુરક્ષા વધારવા આદેશ આપી દેવાયા છે. 

ગૃહમંત્રી પ્રદીપસિંહ જાડેજાએ ગોરધન ઝડફિયા સાથે વાત કરી છે. આ મામલે ગોરધન ઝડફિયાએ કહ્યું કે ગૃહ વિભાગ તરફથી માહિતી મળી છે. મને લાગતુ હતું કે કોઇ મારી રેકી કરી રહ્યું છે. વલસાડ, નવસારી જિલ્લામાં સારી જાસૂસી થઇ હતી. ગૃહવિભાગ સમગ્ર મામલે તપાસ કરશે. ગોરધન ઝડફિયા ભાજપના દિગ્ગજ નેતા છે. ગોરધન ઝડફિયા પૂર્વ ગૃહમંત્રી રહી ચૂક્યા છે. અને લોકસભાની ચૂંટણીમાં ઉત્તરપ્રદેશના સહપ્રભારી રહી ચૂક્યા છે. ATSએ ઝડપેલા આરોપીની પાસેથી 2 હથિયાર જપ્ત કરવામાં આવ્યા છે. અને આ ઝડપાયેલા આરોપીનું નામ મોહમ્મદ રફીક છે. આરોપી મોહમ્મદ રફીક વિનસ હોટલમાં રોકાયો હતો.