ભાજપના પ્રદેશ પ્રમુખ જીતુ વાઘાણીએ હાર્દિક પટેલ પર મોટો આરોપ લગાવ્યો છે. જીતુ વાઘાણીએ કહ્યું છે કે હાર્દિક પટલે કોંગ્રેસના પૈસે તાગડધિન્ના કરી રહ્યો છે. સાથે જ કહ્યું છે કે પાટીદાર સમાજની વિવિધ સમસ્યા મામલે ચર્ચા કરવા માટે હાર્દિક સિવાય પણ અનેક આગેવાનો છે.
રાજકોટમાં દલિત યુવાનને ચોરીના આરોપમાં માર મારીને હત્યા કરવા મામલે જીતુ વાઘાણીએ કહ્યું છે કે આ મામલે સરકાર સંવેદનશીલ છે.અને આરોપીઓને આકરી સજા થાય તેમ કાર્યવાહી કરવામાં આવશે.આ સાથે જ જીતુ વાઘાણીએ કોંગ્રેસ પર જાતિ આધારીત રાજકારણ કરવાનો આરોપ લગાવ્યો.તેમણે કહ્યું કે જ્યારે પણ ચૂંટણી આવે છે ત્યારે કોંગ્રેસ જાતિ આધારીત રાજકીય સમીકરણ પર ધ્યાન આપવા લાગે છે.
ઉલ્લેખનીય છે કે હાર્દિક પટેલ પાટીદાર આંદોલનના પ્રણેતા છે અને ગુજરાત વિધાનસભાની ચૂંટણી સમયે હાર્દિક અને તેના કેટલાક સાથીદારો કોંગ્રેસના અધ્યક્ષ રાહુલ ગાંધીને મળ્યા હોવાના અહેવાલો માધ્યમોમાં વહેતા થયા હતા. આ સાથે હાર્દિક પટેલની કેટલીક કથિત સીડી પણ માધ્યમોમાં સામે આવી હતી.