ગુજરાત ભાજપ સ્થાનિક સ્વરાજ્યની ચૂંટણી પહેલા પોતાની ટીમ તૈયાર કરી રહ્યું છે. ત્યારે આજે ભાજપના પ્રદેશ પ્રમુખ સી.આર પાટીલ દ્વારા પ્રદેશ સંગઠનમાં વધુ કેટલાક નામોની જાહેરાત કરવામાં આવી છે. જેમાં 2 પ્રદેશ ઉપાધ્યક્ષ, 1 પ્રદેશ મંત્રી, 1 મુખ્ય પ્રવક્તા, 1 મીડિયા પ્રભારી, 1 સહ મીડિયા પ્રભારી, 1 સહ મીડિયા પ્રભાર, 1 ITના પ્રદેશ કન્વીનર અને 1 ભાજપ સોશિયલ મીડિયાના પ્રદેશ કન્વીનરની નિમણૂક કરવામાં આવી છે.
સી.આર પાટીલ દ્વારા પ્રદેશ સંગઠનમાં વધુ કેટલાક નામોની જાહેરાત
ગુજરાત ભાજપમાં વધુ બે ઉપપ્રમુખની કરાઇ નિમણૂક
ભરત બોઘરા અને મહેન્દ્ર પટેલને પ્રદેશ ઉપાધ્યક્ષ બનાવાયા
થોડા દિવસ અગાઉ પ્રદેશ ભાજપ સંગઠનનું નવું માળખુ જાહેર કરવામાં આવ્યું હતું. જેમાં અલગ અલગ જિલ્લાઓમાં 7 ઉપપ્રમુખ, 5 મહામંત્રી અને 8 પ્રદેશ મંત્રીઓની નિમણૂંક કરવામાં આવી હતી. ત્યારે હવે ગુજરાત ભાજપમાં વધુ 2 ઉપપ્રમુખ(ઉપાધ્યક્ષ) અને 1 પ્રદેશ મંત્રી સહિત અન્ય પદો પર નિમણૂક કરવામાં આવી છે. ત્યારે જાણો કોને કઇ જવાબદારી સોંપવામાં આવી છે.
ગુજરાત પ્રદેશ પ્રમુખ સી.આર. પાટીલે ભાજપના પ્રદેશના નવા માળખાની રચના કરી તેના 5 દિવસમાં સંગઠનમાં વધુ હોદ્દેદારોની નિમણૂક કરવામાં આવી છે. આ નિમણૂકોમાં સૌથી મહત્વની જવાબદારી ભરતભાઈ બોઘરા અને મહેન્દ્ર પટેલને સોંપાઇ છે. આ બન્નેને પ્રદેશ ભાજપ ઉપપ્રમુખપદે નિમણૂક કરાઈ છે.
તો જયશ્રીબેન દેસાઈને પ્રદેશ ભાજપ મંત્રી, યમલ વ્યાસને પ્રદેશ ભાજપના મુખ્ય પ્રવક્તા, યજ્ઞેશ દવેની ભાજપ પ્રદેશના મીડિયા પ્રભારી, કિશોર મકવાણાની પ્રદેશ સહ મિડીયા પ્રભારી, નિખીલ પટેલ ભાજપ આઈ.ટીના પ્રદેશ કન્વીનર અને સિદ્ધાર્થ પટેલ ભાજપ સોશિયલ મીડિયાના પ્રદેશ કન્વીનર તરીકે નિમણૂક કરવામાં આવી છે.
આ અગાઉ ગુજરાત ભાજપ પ્રદેશ પ્રમુખ સી.આર. પાટીલે પોતાની નવી ટીમની જાહેરાત કરી હતી. તેમાં જાણો કોની કોની નિમણૂંક કરાઇ હતી.