ભાજપના મોટા નેતાઓની થોડાક દિવસ પહેલા જ દિલ્હીમાં બેઠક થઈ હતી જેમાં વર્ષ 2022ની આવનાર વિધાનસભા ચૂંટણીને લઈને ચર્ચા કરવામાં આવી હતી.
ભાજપના ધારાસભ્યોને ગાંધીનગર હાજર રહેવા આદેશ
15 જૂને તમામ ધારાસભ્યોને ગાંધીનગર આવવા આદેશ
વિધાનસભા હોલમાં ભાજપના ધારાસભ્યોની મળશે બેઠક
ગુજરાત રાજકારણમાં ગરમાવો
ગુજરાત સહિત આખો દેશ કોરોના વાયરસ સામે લડાઈ લડી રહ્યો છે ત્યારે બીજી લહેરમાં પ્રજાને થયેલી અપાર સમસ્યાઓના કારણે સરકારો સામે રોષની ભાવના પેદા થઈ છે ત્યારે ભારતીય જનતા પાર્ટી અને કોંગ્રેસ બંને પાર્ટીમાં હલચલ મચી ગઈ છે.
યુપી બાદ હવે ગુજરાતમાં પણ દોડધામ શરૂ
ભાજપના મોટા નેતાઓની થોડાક દિવસ પહેલા જ દિલ્હીમાં બેઠક થઈ હતી જેમાં વર્ષ 2022ની આવનાર વિધાનસભા ચૂંટણીને લઈને ચર્ચા કરવામાં આવી હતી. ભાજપ માટે ઉત્તર પ્રદેશ અને ગુજરાત બંને રાજ્યો ખૂબ જ મહત્વપૂર્ણ છે. ઉત્તર પ્રદેશમાં છેલ્લા 15 દિવસથી રાજકીય ગરમાવો ખૂબ વધી ગયો છે ત્યારે હવે ગુજરાત ભાજપમાં પણ દોડધામ શરૂ થઈ છે.
મુખ્યમંત્રી અને ઉપ મુખ્યમંત્રી પણ રહેશે બેઠકમાં હાજર
ગુજરાત ભાજપના ધારાસભ્યોને 15મી જૂને ગાંધીનગર આવવા માટે આદેશ આપી દેવામાં આવ્યા છે. વિધાનસભા હૉલમાં જ ધારાસભ્યોની બેઠક કરવામાં આવશે અને આ બેઠકમાં રાજ્યના મુખ્યમંત્રી વિજય રૂપાણી, નાયબ મુખ્યમંત્રી નીતિન પટેલ તથા ભાજપ પ્રદેશ અધ્યસખ સી આર પાટીલ પણ હાજર રહેશે. સૂત્રો દ્વારા મળતી માહિતી અનુસાર આ બેઠકમાં આવનારી વિધાનસભા ચૂંટણીને લઈને ચર્ચા કરવામાં આવી શકે છે.
આ મુદ્દાઓ પર થશે ચર્ચા
જોકે સત્તાવાર માહિતી અનુસાર આ બેઠકમાં કોરોના વાયરસ રસીકરણ મુદ્દે ચર્ચા કરવામાં આવશે તથા ત્રીજી લહેરને લઈને તૈયારીઓ માટે પણ ચર્ચા કરવામાં આવશે. આ સિવાય વાવાઝોડાના કારણે થઈ રહેલા નુકસાન પર પણ ચર્ચા કરવામાં આવશે.
ડેપ્યુટી સીએમ નીતિન પટેલે કહ્યું કે સત્તાધારી પાર્ટીઓ દ્વારા આ પ્રકારની મીટિંગ નિયમિત રૂપે થતી હોય છે. નોંધનીય છે કે બેઠકમાં રાજ્યના મહમાંત્રીઓ તથા ગુજરાત પાર્લામેન્ટ્રી બોર્ડના નેતાઓ તથા જનરલ સેક્રેટરી પણ હાજર રહેશે.